Wed. Nov 18th, 2026

ಬಿಲ್ಲವರ ಎಸೋಸಿಯೇಷನ್ ಸದಸ್ಯೆರ್, ಭಾರತ್ ಬ್ಯಾಂಕ್ ವಿಲೇಪಾರ್ಲೆ ಪೂರ್ವ ಶಾಖೆದ ಉಪ ಪ್ರಬಂಧಕೆರ್ ಬೊಕ್ಕ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ರಾಜಶೇಖರ್ ಕೋಟ್ಯಾನ್ ಮೆರೆನ (ತಂಗಡಿನ ಕಂಡನಿ) ಬಾವೆ ಸುಧಾಕರ್ ಟಿ ಅಂಚನ್ ಬುಧಾರ ಕಾಂಡೆ ದೇವೆರೆ ಪಾದ ಸೇರಿಯೆರ್.

ಊರುಡ್ ರಾಜಶೇಖರ್ ಕೋಟ್ಯಾನ್ ಮೆರೆನ ಮಗನ ಮದಿಮೆಡ್ ಪಾಲ್ ಪಡೆದ್ ಪಿರ ಬನ್ನಗ ಮುಂಬೈ ಎಕ್ಸ್‌ಪ್ರೆಸ್‌ ರೈಲ್ ಡ್ ಇನಿ ಬೊಲ್ಪುಗು ಠಾಣೆ ಸ್ಟೇಷನ್ ಡ್ ಜಪ್ಪುನಗ ತಿಗಲೆ ಬೇನೆ ಬತ್ ದ್ ತೀರ್ ಪೋಯೆರ್ ಪಂದ್ ತೆರಿದ್ ಬೈದ್ಂಡ್. ‌
ಮೆರೆನ ಪೊಪ್ಪ ಅಮ್ಮ, ಸಂಸಾರ ಬೊಕ್ಕ ಕೈತಲ್ ದ ಬಂಧುಲು ಊರುಡ್ ಇಪ್ಪುನೆರ್ದಾವೆರ ಮೆರೆನ ಅಕೆರಿದ ಕ್ರಿಯೆ ಕಟಪಾಡಿಡ್ ಎಲ್ಲೆ (ಗುರುವಾರ)ನಡಪರೆ ಉಂಡು. ಮೆರೆನ ಆತ್ಮೊಗು ದೇವೆರ್ ಶಾಂತಿ, ಸದ್ಗತಿ ಕೊರಡ್ ಪಂದ್ ಬೊಂಬೈ ಬಿಲ್ಲವರ ಹಿತ ಚಿಂತಕೆರ್ ಬೊಕ್ಕ ದಿ. ಜಯ ಸುವರ್ಣ ಅಭಿಮಾನಿಲು ದೇವೆರೆಡ ಸುಗಿತೊಂದೆರ್.

Related Post

Leave a Reply

Your email address will not be published. Required fields are marked *