ನ. 26-27: ನಡಾರ್ ಫ್ರೆಂಡ್ಸ್ ಸರ್ಕಲ್ (ರಿ.) ಕುಡ್ಲದ 25 ನೇ ವಾರ್ಷಿಕ ಉಚ್ಚಯ

ಕುಡ್ಲ: ನಡಾರ್ ಫ್ರೆಂಡ್ಸ್ ಸರ್ಕಲ್ (ರಿ.) ಕುಡ್ಲದ 25 ನೇ ವಾರ್ಷಿಕ ಉಚ್ಚಯ ನ. 26 ಶನಿಯಾರರ್ದ್ 27 ಐತಾರ ಮುಟ್ಟ ನಡಪರೆ ಉಂಡು.

ಈ ಲೇಸ್ ದ ಅಂಗವಾದ್ ನ. 26ಕ್ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ, ಮಹಾಪೂಜೆ, ಅನ್ನಸಂತರ್ಪಣೆ ಬೊಕ್ಕ ಕೈತಲ್ ದ ಕಲಾವಿದೆರೆರ್ದ್ ಬೇತೆ ಬೇತೆ ಡ್ಯಾನ್ಸ್ ಲೇಸ್ ಲು ನಡಪುಂಡು. ಬೊಕ್ಕ ಪುಣ್ಯಕೋಟಿ ಕ್ರಿಯೇಷನ್ ಕೂಟರ್ದ್ ತುಳು ಕಿರುಚಿತ್ರ ಬುಡುಗಡೆ ಆಪುಂಡು ಬೊಕ್ಕ ಕುಡ್ಲ ಕುಸಲ್ ಕಲಾವಿದೆರ್ ಮೊಕ್ಲೆರ್ದ್ ಕಾಮಿಡಿ ಎಕ್ಸ್‌ಪ್ರೆಸ್‌ ತುಳು ನಾಟಕ ನಡಪರೆ ಉಂಡು. ಡಿ.27 ಕ್ ಕೈತಲ್ ದ ಪ್ರತಿಭೆಲೆರ್ದ್ ಬೇತೆ ಬೇತೆ ಡ್ಯಾನ್ಸ್ ಲೇಸ್ ಲು, ಸಭಾ ಕಾರ್ಯಕ್ರಮ ಬೊಕ್ಕ ಶಿವದೂತ ಗುಳಿಗೆ ತುಳು ನಾಟಕ ನಡಪುಂಡು ಪಂದ್ ನಡಾರ್ ಫ್ರೆಂಡ್ಸ್ ಸರ್ಕಲ್ (ರಿ.) ಬಗಂಬಿಲ ನೆತ್ತ ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಸರ್ವ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.