ದುಬೈಡ್ ಕಾಂತಾರ ಪಿಚ್ಚರ್‌ದ 50 ನೇ ದಿನಾಚರಣೆ: ರಿಷಬ್ ಶೆಟ್ಟಿಗ್ “ಕನ್ನಡ ಸಿರಿ” ಬಿರುದು ಕೊರ್ಪಿನ ಲೇಸ್

ಯುಎಇ: ಓವರ್ ಸೀಸ್ ಮೂವೀಸ್, ಗಲ್ಫ್‌ ನೆತ್ತ ಮುತಾಲಿಕೆಡ್ ಕಾಂತಾರ ಪಿಚ್ಚರ್‌ದ 50 ನೇ ದಿನತ್ತ ವಿಶೇಷ ಲೇಸ್‌ದೊಟ್ಟುಗು ಕರ್ನಾಟಕ ರಾಜ್ಯೋತ್ಸವನ್ ಇಂಚೊಗು ಆಚರಣೆ ಮಲ್ತೆರ್.

ಪೇಂಟೆದ ದೇರಾ ಹಯಾತ್ ಗ್ಯಾಲರಿದ ಸಿನಿ ಮಂದಿರಡ್ ನ.18 ಗ್ ಬಯ್ಯ ಕಾಂತಾರ ಪಿಚ್ಚರ್‌ದ 50ನೇ ದಿನತ್ತ ಗೌಜಿನ್ ಕಾಂತಾರ ಪಿಚ್ಚರ್‌ದ ವಿಶೇಷ ಪ್ರದರ್ಶನದ ಮುಕೇನ ಆಚರಣೆ ಮಲ್ತೆರ್. ಓವರ್ಸೀಸ್ ಮೂವೀಸ್ ಗಲ್ಫ್ ಮುತಾಲಿಕೆಡ್ ರಿಷಭ್ ಶೆಟ್ಟಿ ಮೆರೆಗ್ ಬೊಲ್ಲಿದ ಕಡಗ ಕೈಕ್ ಪಾಡ್ದ್ “ಕನ್ನಡ ಸಿರಿ” ಬಿರ್ದ್ ಕೊರ್ದು ಮೈಸೂರ್ ಪೇಟ ಪಾಡ್ದ್ ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಅಬುಧಾಬಿ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ, ಎನ್.ಆರ್.ಐ. ಫೋರಂದ ಅಧ್ಯಕ್ಷೆರ್ ವಕ್ವಾಡಿ ಪ್ರವೀಣ್ ಕುಮಾರ್ ಶೆಟ್ಟಿ, ಕನ್ನಡ ತುಳು ಪಿಚ್ಚರ್‌ದ ನಿರ್ಮಾಪಕೆರ್ ಹರೀಶ್ ಶೇರಿಗಾರ್, ರಿಷಭ್ ಶೆಟ್ಟಿ ಮೆರೆನ ಬೊಡೆದಿ ಪ್ರಗತಿ ರಿಷಭ್ ಶೆಟ್ಟಿ ಲೇಸ್‌ಡ್ ಇತ್ತೆರ್.