ವಾಷಿಂಗ್ಟನ್: ಮದಿಮೆದ ದಿನ ಮದಿಮಲ್-ಮದಿಮಾಯೆ ಕಾರ್ ಡ್ ಇಜ್ಜಿಂಡ ಬೇತೆ ವೈವಿಧ್ಯ ರೀತಿಡ್ ಮಂಟಪಗ್ ಬರ್ಪುನೆ ಮಾತೆರೆಗ್ಲ ಗೊತ್ತುಂಡು. ಆಂಡ ಅಮೆರಿಕಡ್ ನಡತಿನ ಒಂಜಿ ಮದಿಮೆಡ್ ಮದಿಮಯನ್ ಪುನತ ಪೆಟ್ಟಿಗೆಡ್ ದೀದ್ ದೋಸ್ತಿನಕುಲು ಮಂಟಪಗ್ ಲೆತೊಂದು ಬತ್ತಿನ ವಿಚಿತ್ರ ಘಟನೆ ನಡತ್ಂಡ್.
ಮದಿಮೆದ ಪೊಣ್ಣು ಐತ ಆದ್ ಮದಿಮಯಗ್ ಕಾತೊಂದು ಇತ್ತಲ್. ಅಲ್ಪ ಇತ್ತಿನಕುಲು ಮದಿಮೆದ ಪೊರ್ಲುನ್ ತೂವೊಂದು ಇತ್ತೆರ್. ಈ ಪೊರ್ತುಡು ಕಾರೊಂಜಿ ಅಲ್ಪ ಬತ್ತ್ ದ್ ಉಂತುಂಡು. ಕಾರ್ ದ್ ಜತ್ತಿನ ಕೆಲವೆರ್ ಪಿರವುರ್ದ್ ಪುನತ ಪೆಟ್ಟಿಗೆ ಪಿದಯಿ ದೆತ್ ದ್ ಆಯಿನ್ ಮಂಟಪಗ್ ಕನತೆರ್. ಬೊಕ್ಕ ಮದಿಮಯೆ ಪುನತ ಪೆಟ್ಟಿಗೆರ್ದ್ ಲಕ್ಕ್ ದ್ ಪಿದಯಿ ಬೈದೆ. ದೋಸ್ತಿಲೆನ ಕಿತಾಪತಿನ್ ತೂಯಿನ ಅಲ್ಪ ಇತ್ತಿನಕ್ಲೆಗ್ ಶಾಕ್ ಆತ್ಂಡ್.
pallavi shetty