ಶ್ರದ್ಧಾ ಕೊಲೆ ಕೇಸ್: ಆರೋಪಿ ಅಫ್ತಾಬ್ ಗ್ ಪಾಸಿ ಶಿಕ್ಷೆ ಕೊರೊಡು ಪಂದ್ ವಕೀಲೆರೆನ ಪ್ರತಿಭಟನೆ

ಡೆಲ್ಲಿ: ಶ್ರದ್ಧಾ ಪನ್ಪಿನ ಪೊಣ್ಣನ್ ಕೆರ್ತಿನ ಕೇಸ್ ದ ಆರೋಪಿ ಅಫ್ತಾಬ್ ಅಮೀನ್ ಪೂನಾವಾಲಾನ್ ನ.17ಕ್ ಡೆಲ್ಲಿದ ಸಾಕೇತ್ ಕೊರ್ಟುಗು ಹಾಜರ್ ಮಲ್ದೆರ್. ಈ ಪೊರ್ತುಡು ವಕೀಲೆರ್ ಸಾಕೇತ್ ಕೋರ್ಟುಡ್ ಆರೋಪಿನ್ ಪಾಸಿಗ್ ಕೊರೊಡು ಪಂದ್ ಪ್ರತಿಭಟನೆ ಮಲ್ದೆರ್. ನೆತ್ತ ವಿಡಿಯೋ ಟ್ವೀಟರ್ ಡ್ ವೈರಲ್ ಆತ್ಂಡ್.

ವಿಡಿಯೋ ಕಾನ್ಫರೆನ್ಸ್ ಮುಖೇನ ಹಾಜರ್ ಆಯಿನ ಅಫ್ತಾಬ್‍ನ್ ಸಾಕೇತ್ ಕೋರ್ಟ್ 5 ದಿನ ಪೊಲೀಸ್ ಕಸ್ಟಡಿಗ್ ಒಪ್ಪದ್ಂಡ್. ಈ ಬಗೆಟ್ ಆರೋಪಿನ್ 10 ದಿನ ಕಸ್ಟಡಿಗ್ ಒಪ್ಪವೊಡು ಪಂದ್ ಡೆಲ್ಲಿ ಪೊಲೀಸೆರ್ ಬೇಡಿಕೆ ದೀದಿತ್ತೆರ್. ಬೊಕ್ಕ ಮೊಕುಲು ನಾರ್ಕೋ ಪರೀಕ್ಷೆಗ್ ಸಂದಾಯಿನ ಅರ್ಜಿದ ವಿಚಾರಣೆಲ ಕೋರ್ಟುಡು ನಡತ್ಂಡ್. ಈ ಪರೀಕ್ಷೆಗ್ ಆರೋಪಿ ಒಪ್ಪಿಗೆ ಕೊರ್ತೆರ್ ಪಂದ್ ತೆರಿದ್ ಬೈದ್ಂಡ್.