ಇಲಿನಾಯ್ಸ್ ಅಸೆಂಬ್ಲಿಗ್ ಭಾರತ ಮೂಲದ ನಬೀಲಾ ಆಯ್ಕೆ

ವಾಷಿಂಗ್ಟನ್‌: ಅಮೆರಿಕ ಇಲಿನಾಯ್ಸ ಜನರಲ್‌ ಅಸೆಂಬ್ಲಿಗ್ ಭಾರತ ಮೂಲದ ನಬೀಲಾ ಸಯ್ಯದ್‌ ಆಯ್ಕೆ ಆತೆರ್.

ರಿಪಬ್ಲಿಕನ್ ಪಕ್ಷದ ಕ್ರಿಸ್‌ಬೋಸ್ ಮೆರೆನ್ ಸೋಪಾದ್ ನಬೀಲಾ ಆಯ್ಕೆ ಆತೆರ್. ಯುನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾರ್ದ್ ರಾಜಕೀಯ ಶಾಸ್ತ್ರ ಬೊಕ್ಕ ಉದ್ದಿಮೆ ವಿಭಾಗಡ್ ಪದವಿ ಪಡೆಯಿನ ನಬೀಲಾ ಶೇ. 52.3 ವೋಟು ಪಡೆತೆರ್. ಇಲಿನಾಯ್ಸ್ ಜನರಲ್ ಅಸೆಂಬ್ಲಿಗ್ ಆಯ್ಕೆ ಆಯಿನ ಎಲ್ಯ ಸದಸ್ಯೆ ಪನ್ಪುನ ಪುದರ್ ಲ ಬೈದ್ಂಡ್. ಅವ್ವತ್ತಂದೆ, ದಕ್ಷಿಣ ಏಷ್ಯಾ ಮೂಲರ್ದ್ ಆಯ್ಕೆ ಆಯಿನಕ್ಲೆಡ್ ಸುರುತಾರೇ ಮೇರ್. ಅಮೆರಿಕ ಸಂಸತ್‌ದ ಮಧ್ಯಂತರ ಚುನಾವಣೆಡ್ ಇತ್ತೆ ಅಮೆರಿಕಡ್ ಇಪ್ಪುನ ಭಾರತ ಮೂಲದ ಕೆಲವೆರ್ ಆಯ್ಕೆ ಆತೆರ್.