ಮುಲ್ಕಿ: ಜವನೆಡನ ಕೂಟಸಕುಲು ಪಗೆಲ್ ಡ್ ಬೇಲೆ ಮುಗಿತ್ ದ್ ರಾತ್ರೆದ ಪೊರ್ತುಡು ಸಮಾಜ ಸೇವೆ ರೂಪಡ್ ಮಾರ್ಗದ ಗುಂಡಿಲೆನ್ ಸ್ವಂತ ಖರ್ಚಿರ್ದ್ ಕಾಂಕ್ರೀಟ್ ಪಾಡ್ದ್ ಮುಚ್ಚುನ ಬೇಲೆ ಮಲ್ತೊಂದುಲ್ಲೆರ್.
ಮುಲ್ಕಿ ಎಚ್ ಡಿಎಫ್ ಸಿ ಬ್ಯಾಂಕ್ ಶಾಖೆದ ಎದುರು ಇತ್ತಿನ ಮಲ್ಲ ಗುಂಡಿನ್ ರಾತ್ರೆ ಸುರಭಿ ಇಲೆಕ್ಟ್ರಾನಿಕ್ಸ್ ಸಿಬ್ಬಂದಿ ಸುಪ್ರೀತಾ ಪಿ ಬೊಕ್ಕ ಸಂಬಂಧಿಕೆರಾಯಿನ ಸಚಿನ್ ಪುನರೂರ್, ನರೇಶ್ ಪುನರೂರ್, ಮೊಕುಲು ರಮೇಶ್ ಮೆರೆನ ಒಟ್ಟಿಗೆ ಸೇರ್ದ್ ಜಲ್ಲಿ ಬೊಕ್ಕ ಸಿಮೆಂಟ್ ಪಾಡ್ದ್ ಮಾರ್ಗದ ನಡುಟ್ಟಿತ್ತಿನ ಗುಂಡಿನ್ ಮುಚ್ಚಿದೆರ್. ನೆರ್ದ್ ದುಂಬುಲ ಕೆಂಚನಕೆರೆ ಶಾಲೆದ ಎದುರುದ ಮಾರ್ಗಡ್ ಇತ್ತಿನ ಗುಂಡಿನ್ ಮೊಕುಲು ಇಂಚೆನೆ ಮುಚ್ಚಿದಿತ್ತೆರ್. ಮೊಕ್ಲೆನ ಈ ಬೇಲೆನ್ ಕೈತಲ್ದಕುಲು ಬೊಕ್ಕ ರಿಕ್ಷಾ ಡ್ರೈವರ್ ನಕುಲು ಮೆಚ್ಚಿ ದೆರ್.
pallavi shetty