ಕಡಬಡ್ ತೋಜಿದ್ ಬತ್ತ್ಂಡ್ ಕೊರಗಜ್ಜನ ಕಾರ್ಣಿಕ: ಕಂಡ್ ದ್ ಪೋಯಿನ ಹೆಲ್ಮೆಟ್ ಪರಕೆ ಪಂಡಿನ ಪತ್ತೇ ದಿನಟ್ಟ್ ಪತ್ತೆ !!

ಕಡಬ: ಗಾಡಿದ ಮಿತ್ತ್ ದೀದಿತ್ತಿನ ಹೆಲ್ಮೆಟ್ ನ್ ಕಂಡಿನ ಕಾರಣಗ್ ಕೊರಗಜ್ಜ ದೈವಗ್ ಪರಕೆ ಪಂಡಿನ ಜನ ಒರಿಯಗ್ 10 ದಿನಟ್ಟ್ ಹೆಲ್ಮೆಟ್ ತಿಕ್ಕಿನ ಘಟನೆ ಕಡಬಡ್ ನಡತ್‌ಂಡ್.

ಕಡಬದ ಪದ್ಮನಾಭ್ ಪನ್ಪಿನಾರ್ ತಾನ್ ಬೇಲೆ ಮಲ್ತೊಂದಿತ್ತಿನ ಜಾಗೆದ ಕೈತಲ್ ಗಾಡಿ ಉಂತಾದಿತ್ತೆರ್. ಇಂಚಾದ್ ಗಾಡಿದ ಮಿತ್ತೆ ಹೆಲ್ಮೆಟ್ ಲ ದೀದಿತ್ತೆರ್. ಮಸ್ತ್ ಪೊರ್ತುದು ಬೊಕ್ಕ ಹೆಲ್ಮೆಟ್ ನ್ ಏರೊ ಕಂಡ್ ದ್ ಪೋಯಿನವ್ ಗಮನಗ್ ಬೈದ್ಂಡ್.

ಏತ್ ನಾಡ್ಂಡಲ ತಿಕ್ಕಂದಿನ ಕಾರಣ ಹೆಲ್ಮೆಟ್ ಕಂಡಿನಕ್ಲೆಗ್ ಅಕ್ಲೆನ ತಪ್ಪುದ ಗೊತ್ತಾವಡ್ ಪಂದ್ ಕೊರಗಜ್ಜ ದೈವಗ್ ಪ್ರಾರ್ಥನೆ ಮಲ್ತ್ ದ್‌ ಪರಕೆ ಪಂಡ್ ದಿತ್ತೆರ್. ಇತ್ತೆ 10 ದಿನರ್ದ್ ಬೊಕ್ಕ ಹೆಲ್ಮೆಟ್ ತೋಜಂದಿನವ್ ಅವ್ವೇ ಜಾಗೆಡ್ ಕುಡ ತೋಜಿದ್ ಬೈದ್ಂಡ್. ಉಂದು ಕೊರಗಜ್ಜನ ಕಾರ್ಣಿಕ ಪಂದ್ ಭಕ್ತೆರ್ ಪನೊಂದುಲ್ಲೆರ್.