ಧರ್ಮಸ್ಥಳ: ಜವನೆ ಒರಿ ಧರ್ಮಸ್ಥಳ ಕಾಡ್ಡ್ ವೀಡಿಯೋ ಮಲ್ತ್ದ್ ವಿಷ ಪರ್ತಿನ ಅತ್ತಂದೆ ಅವೆನ್ ಕುಟುಂಬದಕ್ಲೆಗ್ ಕಡಪಾಯಿನ ಬಗೆಟ್ ಧರ್ಮಸ್ಥಳ ಪೊಲೀಸೆರೆಗ್ ಮಾಹಿತಿ ಬತ್ತ್ದ್ ಜಾಗೆಗ್ ಪೋಯಿನ ಪೊಲೀಸೆರ್ ಸಾವು-ಬದ್ಕ್ದ ನಡುಟ್ ಪೊರ್ಂಬಾಟ ಮಲ್ತೊಂದಿತ್ತಿನ ಜವನೆನ್ ಆಸ್ಪತ್ರೆಗ್ ಸೇರ್ಸಾದೆರ್.
ಹಾಸನದ ರಾಮನಾಥ್ ಪುರತ್ತ ಸುನೀಲ್(28) ಬೈಕ್ಡ್ ಬುಧಾರ ಕಾಂಡೆ ಧರ್ಮಸ್ಥಳಗ್ ಬತ್ತಿತ್ತೆರ್. ಆಯಿಬೊಕ್ಕ ದೇವೆರೆಗನ ದರ್ಶನ ಮಲ್ತ್ದ್ ಮಧ್ಯಾಹ್ನ ಮಹಾತ್ಮ ಗಾಂಧಿ ಸರ್ಕಲ್ ದಲ್ಪ ಇಪ್ಪುನ ಗುಡ್ಡೆಗ್ ಪೋದು ವಿಷ ಪರ್ದ್ ಮೊಬೈಲ್ಡ್ ವೀಡಿಯೊ ಮಲ್ತ್ದೆರ್. ಸುನೀಲ್ ಮೆರೆಗ್ ಮದ್ಮೆಯಾದಿತ್ತ್ದ್ ಕಂಡನಿ ಬೊಡೆದಿನ ನಡುಟ್ ಬತ್ತಿನ ಮನಸ್ತಾಪ ಈ ಆತ್ಮಹತ್ಯೆಗ್ ಕಾರಣ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ಧರ್ಮಸ್ಥಳ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತ್ಂಡ್.
pallavi shetty