ಕಟೀಲ್ ದ ನವರಾತ್ರಿ ಮೆರವಣಿಗೆ ಸೇವಾ ಸಮಿತಿ ಕೊಡೆತ್ತೂರು ಬೊಕ್ಕ ಊರುದ ಪತ್ತು ಸಮಸ್ತೆರ್ನ ಒಟ್ಟು ಸೇರಿಗೆಡ್ ಸೆಪ್ಟೆಂಬರ್ 30 ತಾರೀಕ್ಗ್ ಸುಕ್ರಾರದಾನಿ 58ನೇ ವರ್ಷದ ನವರಾತ್ರಿ ಮೆರವಣಿಗೆ ನಡಪರೆ ಉಂಡು.
ನವರಾತ್ರಿ ಲಲಿತಾ ಪಂಚಮಿದ ವಿಶೇಷ ದಿನತ್ತಾನಿ ನಡಪುನ ಈ ಮೆರವಣಿಗೆ ಕೊಡೆತ್ತೂರು ಮಲ್ಲಿಗೆಯಂಗಡಿದ ಮೂಡುಮನೆರ್ದ್ ರಾತ್ರೆ 8 ಗಂಟೆಗ್ ಸರಿಯಾದ್ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಅಪ್ಪೆನ ದೇವಲ್ಯ ಮುಟ್ಟ ಮೆರವಣಿಗೆ ಭಾರೀ ಗೌಜಿಡ್ ನಡಪರೆ ಉಂಡು. ಮಾತ ಭಕ್ತಾದಿಮಾನಿಲು ಎಚ್ಚ ಸಂಖ್ಯೆಡ್ ಪಾಲ್ ಪಡೆಯೊಡ್ ಪಂದ್ ನವರಾತ್ರಿ ಮೆರವಣಿಗೆ ಸೇವಾ ಸಮಿತಿ ಕೊಡೆತ್ತೂರ್ದ ಅಧ್ಯಕ್ಷೆರ್, ಪ್ರಧಾನ ಕಾರ್ಯದರ್ಶಿಲು ಅಂಚನೆ ಸರ್ವಸದಸ್ಯೆರ್ ಲೆಪ್ಪೊಲೆಡ್ ತೆರಿಪಾದೆರ್.
pallavi shetty