ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವರ್ಗ ವಿಭಾಗದ ಮುತಾಲಿಕೆಡ್ ಸೆಪ್ಟೆಂಬರ್ 10ಕ್ಕ್ ಸನಿಯಾರ ಕಾಂಡೆ 9.30 ಗ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168ನೇ ಜಯಂತಿ ಉತ್ಸವದ ನಿಲೆಟ್ಟ್ ಗುರು ಸಂದೇಶ ಯಾತ್ರೆ ನಡಪರೆ ಉಂಡು ಪಂದ್ ಜಿಲ್ಲಾ ಹಿಂದುಳಿದ ವರ್ಗ ವಿಭಾಗದ ಅಧ್ಯಕ್ಷೆರ್ ವಿಶ್ವಾಸ್ ಕುಮಾರ್ ದಾಸ್ ಪಂಡೆರ್.
ಈ ಬಗೆಟ್ ಕುಡ್ಲದ ಕಾಂಗ್ರೆಸ್ ಕಚೇರಿಡ್ ನಡತಿನ ಸುದ್ದಿಗೋಷ್ಟಿಡ್ ಪಾತೆರಿನ ಆರ್, ಈ ಯಾತ್ರೆ ಕುಡ್ಲ ಸೆಂಟ್ರಲ್ ರೈಲ್ವೆ ನಿಲ್ದಾಣರ್ದ್ ಪಿದಡ್ದ್ ಕೆ.ಎಸ್.ರಾವ್ ರಸ್ತೆ, ಗೋವಿಂದ ಪೈ ಸರ್ಕಲ್, ಡೊಂಗರಕೇರಿ, ನ್ಯೂಚಿತ್ರ, ಅಳಕೆಗ್ ಪೋದು ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ಕ್ಷೇತ್ರಡ್ ನಾರಾಯಣ ಗುರು ಸ್ವಾಮಿಲೆಗ್ ಪೂಜೆ ಮಲ್ಪುನೊಟ್ಟುಗು ಮುಗಿಯರೆ ಉಂಡು ಪಂದ್ ಪೆರಿಪಾಯೆರ್. ಸುದ್ಧಿಗೋಷ್ಠಿಡ್ ಕಾಂಗ್ರೆಸ್ ಮುಖಂಡೆರ್ ಇತ್ತೆರ್.
pallavi shetty