ಹಿರಿಯೆರ್ ದೆತ್ತ್ ಕೊರ್ತಿನ ಸ್ವಾತಂತ್ರ್ಯೊನು ಮಾತೆರ್ಲ ಸೌಹಾರ್ದ ರೀತಿಡ್ ಒರಿತೊನುಡು : ಅಭಯಚಂದ್ರ ಜೈನ್

ಬೆದ್ರರ್ದ್ ಮುಲ್ಕಿ ಮುಟ್ಟ ಸ್ವಾತಂತ್ರ್ಯ ಅಮೃತ ಉಚ್ಚಯದ ಬೈಕ್ ರ‌್ಯಾಲಿ

ಮುಲ್ಕಿ : ನಮ್ಮ ಹಿರಿಯಾಕ್ಲು ಏತೋ ಜನ ದೇಶದ ಸ್ವಾತಂತ್ರ್ಯೊಗಾದ್ ಪೊರ್ಂಬಾಟ ಮಲ್ತ್ ದ್ ನಮಕ್ಕ್ ಸ್ವಾತಂತ್ರ್ಯ ಕನತ್ ದ್ ಕೊರ್ತೆರ್. ಅವೆನ್ ನಮ ಮಾತೆರ್ಲ ಸೌಹಾರ್ದ ತೆಡ್ ಒರಿತೊಂದು ಬರೊಡು ಪಂದ್ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ತೆರಿಪಾಯೆರ್.

ಸ್ವಾತಂತ್ರ್ಯ ತಿಕ್ ದ್ 75 ವರ್ಷ ಆಯಿನ ಪೊರ್ತುಡು ಬೆದ್ರದ ಅಲಂಗಾರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನರ್ದ್ ಮುಲ್ಕಿ ಆರ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಮುಟ್ಟ ಐತಾರ ನಡತಿನ ಬೈಕ್ ಜಾಥಾ ಉದಿಪನ ಮಲ್ತ್ ದ್ ಪಾತೆರಿಯೆರ್.

ಮುಲ್ಕಿ ನಗರ ಪಂಚಾಯತ್ ಮೈದಾನಡ್ ನಡತಿನ ಮುಗಿತಲದ ಲೇಸ್ ಡ್ ಕಾಂಗ್ರೆಸ್ ನಾಯಕೆರಾಯಿನ ಅಭಯಚಂದ್ರ ಜೈನ್, ಮಿಥುನ್ ರೈ, ವಸಂತ ಬೆರ್ನಾಡ್, ಮೋಹನ್ ಕೋಟ್ಯಾನ್ , ಯೋಗೀಶ್ ಕೋಟ್ಯಾನ್ ಚಿತ್ರಾಪು, ಧನರಾಜ್ ಕೋಟ್ಯಾನ್, ಅನಿಲ್ ಸಸಿಹಿತ್ಲು, ಪ್ರವೀಣ್ ಕುಮಾರ್ ಬೊಳ್ಳೂರು ಮೊಕುಲು ಮಾತ ಪಾಲ್ ಪಡೆದಿತ್ತೆರ್.