ಗಣೇಶೋಚ್ಚಯಗ್ ಮಾರ್ಗಸೂಚಿ ಪ್ರಕಟ

ಬೆಂಗ್ಲೂರ್: ಮಾತ ಕಡೆಟ್ ಜನಕುಲು ಗೌರಿ ಗಣೇಶ ಪರ್ಬದ ಗೌಜಿಗ್ ತಯಾರ್ ಮಲ್ತೊಂದು ಉಲ್ಲೆರ್. ಪೇಂಟೆದ ಕೆಲ ಬೀದಿಲೆಡ್ ಗಣೇಶನ್ ಕುಲ್ಲಾದ್ ಪರ್ಬನ್ ಗೌಜಿಡ್ ಆಚರಣೆ ಮಲ್ಪುವೆರ್.

ಕೊರೊನಾಡ್ದಾವರ ಕರಿನ ರಡ್ಡ್ ವರ್ಷ ಗಣೇಶ ಪರ್ಬನ್ ಆಚರಣೆ ಮಲ್ಪರೆ ಆದಿಜ್ಜಾಂಡ್. ಈ ಸರ್ತಿ ಸರ್ಕಾರ ಮಾತೆಕ್ಕ್ ಲ ಅನುಮತಿ ಕೊರ್ತ್oಡು. ಆoಡ ಪೇಂಟೆದ ಕೆಲ ಬೀದಿಲೆಡ್ 15 ರ್ದ್ ಎಚ್ಚ ಗಣೇಶನ ಮೂರ್ತಿನ್ ಕುಲ್ಲಾವುಲೆಕ್ಕ ಇಜ್ಜಿ. ಆಗಸ್ಟ್ 31 ರ್ದ್ ಸಪ್ಟೆಂಬರ್ 15 ಮುಟ್ಟ ಮಾತ್ರ ಗಣೇಶನ್ ದೀಯರೆ ಅವಕಾಶ ಪಂದ್ ಬಿಬಿಎಂಪಿ ಆಯುಕ್ತೆರ್ ತುಷಾರ್ ಗಿರಿನಾಥ್ ತೆರಿಪಾದೆರ್.