ಶಾಲೆ

ರಾಜ್ಯೋಡು ಶಾಲೆ ಸುರು ಮಲ್ಪರೆ ಅಧಿಕೃತ ಆದೇಶ ಕೊರಿನ ಬೊಮ್ಮಾಯಿ

ಬೆಂಗ್ಳೂರು: ಶಾಲೆ ಸುರು ಮಲ್ಪರೆ ಸರ್ಕಾರರ್ದ್ ಅಧಿಕೃತ ಆದೇಶ ಬೈದುಂಡು . ಸೆಪ್ಟೆಂಬರ್ 6 ರ್ದ್ 6, 7, 8 ನೇ ತರಗತಿಲೆನ್ ಸುರು ಮಲ್ಪರೆ ರಾಜ್ಯ ಸರ್ಕಾರರ್ದ್ ಅಧಿಕೃತ ಆದೇಶ ಬೈದುಂಡು .

ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಗುರ್ಕಾರ್ ಮೆಡ್ ಕೊಡೆ ನಡತಿನ ಸಭೆಟ್ ರಾಜ್ಯಡ್ ಸೋಮವಾರರ್ದ್ ಶಾಲೆ ಸುರು ಮಲ್ಪರೆ ದೆತೊನ್ದೆರ್ .

ಬಡಗಬೆಳ್ಳೂರು ಹಿರಿಯ ಪ್ರಾಥಮಿಕ ಶಾಲೆಗ್ ರೋಟರಿ ಕ್ಲಬ್ ಬಂಟ್ವಾಳ ವತಿರ್ದ್ ಪೀಠೋಪಕರಣ ಹಸ್ತಾಂತರ

ಬಂಟ್ವಾಳ, ಜುಲೈ :2: ಬಡಗಬೆಳ್ಳೂರು ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆದ ಶತಮಾನೋತ್ಸವದ ಪರವಾದ್ ಕಟ್ಟಿನ ಕಟ್ಟಡಗ್ ಶಾಲಾ ಸಂಚಾಲಕರ ಕೋರಿಕೆದ ಮೇರೆಗ್ ಬಂಟ್ವಾಳ ರೋಟರಿ ಕ್ಲಬ್‌ದ ಗುರ್ಕಾರ್ಲಾಯಿನ ಕೆ. ನಾರಾಯಣ ಹೆಗ್ಡೆ ಮೆರ್ನ ಮುತಾಲಿಕೆಡ್ ರೋಟರಿ ಕ್ಲಬ್ ಬಂಟ್ವಾಳ ವತಿರ್ದ್ ಡೆಸ್ಕ್, ಬೆಂಚ್, ಟೇಬಲ್, ಚೆಯರ್ ಪೀಠೋಪಕರಣನ್ ಕೊರ್ಪಿನ ಲೇಸ್ ಬುಧವಾರ ಬಡಗಬೆಳ್ಳೂರು ಶಾಲೆಡ್ ನಡತೊಂದು .

ಈ ಲೇಸ್ ಡ್ ಬಂಟ್ವಾಳ ರೋಟರಿ ಕ್ಲಬ್‌ದ ಮಾಜಿ ಗುರ್ಕಾರ್ಲಾಯಿನ ಬೊಕ್ಕ ರೋಟರಿ ಕ್ಲಬ್‌ದ ನಿಯೋಜಿತ ಜಿಲ್ಲಾ ಗವರ್ನರ್‌ ಪ್ರಕಾಶ್ ಕಾರಂತ್ ನರಿಕೊಂಬು, ರೋಟರಿ ಕ್ಲಬ್ ಬಂಟ್ವಾಳ ನೆತ್ತ ಕಾರ್ಯದರ್ಶಿ ವಾಣಿ ಪ್ರಕಾಶ್ ಕಾರಂತ್, ಶಾಲಾ ಶತಮಾನೋತ್ಸವ ಕಟ್ಟಡ ನಿರ್ಮಾಣ ಸಮಿತಿದ ಗುರ್ಕಾರ್ಲಾಯಿನ ರಮೇಶ್ವಂದ್ರ ಭಂಡಾರಿ, ಶಾಲಾ ಸಂಚಾಲಕಕೆರಾಯಿನ ಕೆ.ನರೇಂದ್ರನಾಥ್ ಭಂಡಾರಿ ಬೊಕ್ಕ ಶಾಲಾ ಮುಖ್ಯೋಪಾಧ್ಯಾಯೆರಾಯಿನ ಕೇಶವ ನಾಯ್ಕ್ ಮೇರ್ ವೇದಿಕೆಡ್ ಪಾಲ್ ಪಡೆದಿತ್ತೆರ್ .

ಲೇಸ್ ಡ್ ಶಾಲೆದ ನಿವೃತ್ತ ಶಿಕ್ಷಕೆರಾಯಿನ ಗಂಗಾಧರ್ ರೈ, ಸಂಕಪ್ಪ ಶೆಟ್ಟಿ, ಕಟ್ಟಡ ಸಮಿತಿದ ಉಪಾಧ್ಯಕ್ಷ ದಯಾನಂದ ಮೂಡುಬೆಟ್ಟು, ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ಸಚೀಂದ್ರನಾಥ ರೈ, ಶಾಲಾ ಮೇಲುಸ್ತುವಾರಿ ಸಮಿತಿ/ಎಸ್.ಡಿ.ಎಮ್.ಸಿ.ಯ ಗುರ್ಕಾರ್ಲಾಯಿನ ಗುಣವತಿ, ಶಾಲಾ ಗೌರವ ಶಿಕ್ಷಕಿಯೆರ್ ಹಳೆ ವಿದ್ಯಾರ್ಥಿಲು ಪಾಲ್ ಪಡೆದಿತ್ತೆರ್.

ಡಾನ್ ಬೊಸ್ಕೊ ಆಂಗ್ಲ ಮಾಧ್ಯಮ ಶಾಲೆ : ಸಿಬಿಎಸ್ಇ ಸೀನಿಯರ್ ಸೆಕೆಂಡರಿ ಶಾಲೆ ಉದಿಪನ

ಶಿರ್ವ, ಜೂನ್ 30: ಕೇಂದ್ರೀಯ ಶಿಕ್ಷಣ ಮಂಡಳಿರ್ದ್ ಗ್ರೇಡ್‌ 11 ಬೊಕ್ಕ 12ತ್ತ ಸಿಬಿಎಸ್‌ಇ ಪಠ್ಯಕ್ರಮ ಮಾನ್ಯತೆ ಪಡೆದ್ , ಶಿರ್ವ ಡಾನ್‌ ಬೊಸ್ಕೊ ಆಂಗ್ಲ ಮಾಧ್ಯಮ ಶಾಲೆ ಸೀನಿಯರ್‌ ಸೆಕೆಂಡರಿ ಸ್ಕೂಲ್‌ ಆದ್ ಮೇಲ್ದರ್ಜೆಗ್ ಏರ್ದುಂಡು , ನೂತನ ಶೈಕ್ಷಣಿಕ ವರ್ಷದ ಚಟುವಟಿಕೆದ ಉದಿಪನ ಜೂ. 29 ತಾರೀಖ್ ಗ್ ನಡತುಂಡು .

ಶಿರ್ವ ಆರೋಗ್ಯ ಮಾತಾ ದೇವಾಲಯದ ಪ್ರಧಾನ ಧರ್ಮಗುರು, ಶಾಲಾ ಸಂಚಾಲಕ ರೆ| ಫಾ| ಡೆನ್ನಿಸ್‌ ಡೇಸಾ ಸಂಸ್ಥೆದ ಗ್ರೇಡ್‌ 11 ದ ಶೈಕ್ಷಣಿಕ ಚಟುವಟಿಕೆನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.
ಒಡಿಪು ಕೆಥೋಲಿಕ್‌ ಧರ್ಮಪ್ರಾಂತ್ಯದ ಬಿಷಪ್‌ ರೈ|ರೆ|ಡಾ| ಜೆಲಾಲ್ಡ್‌ ಐಸಾಕ್‌ ಲೋಬೋ ಬೊಕ್ಕ ಕುಡ್ಲ ಕೆಥೋಲಿಕ್‌ ಶಿಕ್ಷಣ ಮಂಡಳಿದ ಕಾರ್ಯದರ್ಶಿ ರೆ|ಫಾ| ಅಂಟನಿ ಶೇರಾ ವರ್ಚುವಲ್‌ ಆದ್ ಆಶೀರ್ವಚನ ಕೊರ್ದು ಎಡ್ಡೆಪ್ಪು ಬಯಕಿಯೆರ್.ಮಲ್ಲ ಬಿನ್ನೆರ್ ಆದ್ ಶಿರ್ವ ಗ್ರಾ.ಪಂ. ಗುರ್ಕಾರ್ಲಾಯಿನ ಕೆಆರ್‌.ಪಾಟ್ಕರ್‌ ಪಾಲ್ ಪಡೆದಿತ್ತೆರ್.

ಚರ್ಚ್‌ ಆರ್ಥಿಕ ಮಂಡಳಿದ ಕಾರ್ಯದರ್ಶಿ ಲೀನಾ ಮಚಾದೋ,ಸದಸ್ಯೆರಾಯಿನ ಮೆಲ್ವಿನ್‌ ಅರಾನ್ಹಾ,ನೋರ್ಬರ್ಟ್‌ ಇ. ಮಚಾದೋ, ಜೂಲಿಯಾನ್‌ ರೊಡ್ರಿಗಸ್‌,ಮೆಲ್ವಿನ್‌ ಡಿ‡ಸೋಜಾ, ವಿಲ್ಸನ್‌ ರೊಡ್ರಿಗಸ್‌,ಪುಷ್ಪಾ ಫೆರ್ನಾಂಡಿಸ್‌, ಕ್ಯಾಂಪಸ್‌ದ ಬೇತೆ ಬೇತೆ ಶಿಕ್ಷಣ ಸಂಸ್ಥೆದ ಮುಖ್ಯಸ್ಥೆರ್ ,ಶಾಲಾಡಳಿತ ಮಂಡಳಿದ ಸದಸ್ಯೆರ್ ,ಉಪಪ್ರಾಂಶುಪಾಲೆ ಐರಿನ್‌ ಕಾಡೋìಜಾ ಬೊಕ್ಕ ಶಿಕ್ಷಕ-ಶಿಕ್ಷಕೇತರ ವೃಂದದಕುಲು ಪಾಲ್ ಪಡೆದಿತ್ತೆರ್.

ತೋಕೂರು ಶಾಲೆದ ತೋಟೊಡು ಶ್ರಮದಾನ

ಹಳೆಯಂಗಡಿ: ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್( ರಿ) ತೋಕೂರು ಆಶ್ರಯೊಡು ತೋಕೂರುದ ಹಿಂದೂಸ್ಥಾನಿ ಶಾಲೆದ ತೋಟೊಡು ಐತಾರದಾನಿ ಶ್ರಮದಾನದ ಒರುಟ್ಟು ಸ್ವಚ್ಛತೆದ ಕೆಲಸ ನಡತ್ಂಡ್.

ಕ್ಲಬ್ ದ ಗೌರವ ಮಾರ್ಗದರ್ಶಕೆರ್ ಅಂಚೆನೆ ಬೊಂಬೈ ತಿಲಕ್ ನಗರದ ಪೆಸ್ತಮ್ ಸಾಗರ್ ಕರ್ನಾಟಕ ಸಂಘ ಉಂದೆತ್ತ ಅಧ್ಯಕ್ಷೆರ್ ಆದುಪ್ಪುನ ರಾಮಣ್ಣ ದೇವಾಡಿಗ ಮೇರ್ ಶಾಲೆದ ಎದುರು ನಡ್ತಿನ ಪೂತ್ತ ದೈಕುಲೆನ ಕಟ್ಟೆ ಬುಡ್ಪಾದ್ ಗೊಬ್ಬರ ಪಾಡ್ದ್ ಶ್ರಮದಾನೊಗು ಚಾಲನೆ ಕೊರಿಯೆರ್.

ಪಡುಪಣಂಬೂರು ಗ್ರಾಮ ಪಂಚಾಯ್ತಿ ಸದಸ್ಯೆರ್ ಸಂತೋಷ್ ಕುಮಾರ್, ಕ್ಲಬ್ ದ ಗೌರವ ಮಾರ್ಗದರ್ಶಕೆರ್ ರಮೇಶ್ ಅಮೀನ್ , ಮುಂಬೈ, ಗೌರವ ಗುರ್ಕಾರ್ಲು ನಾರಾಯಣ್ ಜಿ.ಕೆ., ಗುರ್ಕಾರ್ಲು ಸಂತೋಷ್ ದೇವಾಡಿಗ, ಒತ್ತು ಗುರ್ಕಾರ್ಲು ದೀಪಕ್ ಸುವರ್ಣ, ಕಾರ್ಯಾಧ್ಯಕ್ಷೆರ್ ಸುರೇಶ್ ಶೆಟ್ಟಿ, ಮಲ್ಲ ಕಾರ್ಯಂತೆರ್ ಜಗದೀಶ್ ಕುಲಾಲ್, ಪಣವುದ ಪಾಲವೆರ್ ಸಂಪತ್ ದೇವಾಡಿಗ, ಪರಿಸರ ರಕ್ಷಣೆ ಕಾರ್ಯಂತೆರ್ ಸುನಿಲ್ ದೇವಾಡಿಗ,ಕ್ರಿಕೆಟ್ ಕೂಟ ದ ನಾಯಕೆ ಗೌತಮ್ ಬೆಲ್ಚಡ, ಸದಸ್ಯೆರ್ ಪದ್ಮನಾಭ ಶೆಟ್ಟಿ, ವಿಜಯ ಕುಮಾರ್, ಧರ್ಮಾನಂದ ಶೆಟ್ಟಿಗಾರ್, ರಮೇಶ್ ಕರ್ಕೇರ, ಸೋಮನಾಥ ಪೂಜಾರಿ, ಕಾರ್ತಿಕ್ ಭಟ್ ಮೊಕುಲು ಮಾತ ಶ್ರಮದಾನೊಡು ಪಾಲ್ ಪಡೆಯೆರ್.
ಗಣೇಶ್ ಅಮೀನ್ ಮೇರ್ ಕೊರ್ತಿನ ಕಿದೆ ಗೊಬ್ಬರೊನು ತಾರೆದ ಬೊಕ್ಕ ಪೂತ್ತ ದೈಕ್ ಲೆನ ಮುದೆಲೆಗ್ ಪಾಡ್ದ್, ಕಜವು, ಪ್ಲಾಸ್ಟಿಕ್ ದೆತ್ತ್ ದ್ ಪರಿಸರ ಸ್ವಚ್ಚತೆಡ್ ಮಾತೆರ್ಲ ಪಾಲ್ ಪಡೆಯೆರ್.