beautyoftulunaad

ಕೊಳಚಿಕಂಬಳ ಶ್ರೀ ಜಾರಂದಾಯ ಧೂಮಾವತಿ ಯೂತ್ ಕ್ಲಬ್‌ದ 17 ನೇ ವಾರ್ಷಿಕೋತ್ಸವ

ಜೋಕುಲೆಡ ಧಾರ್ಮಿಕ ಪ್ರಜ್ಞೆ ಪುಟ್ಟಾವುನ ಕೆಲಸ ಅಪ್ಪೆ ಅಮ್ಮರ್ದ್ ಆವೊಡು : ಶಿವಾನಂದ ಶಾಂತಿ

ಮುಲ್ಕಿ : ಪೋಷಕೆರ್ ಮೊಬೈಲ್‌,ಧಾರವಾಹಿರ್ದ್ ದೂರ ಇತ್ತ್‌ದ್ ಭಜನೆ ಇಂಚಿನ ಬೇತೆ ಬೇತೆ ಧಾರ್ಮಿಕ ಕೆಲಸರ್ದ್ ಉತ್ತಮ,ಸಂಸ್ಕಾರ,ಸಂಸ್ಕ್ರತಿನ್ ತೆರಿಪಾಂಡ ಜೋಕುಲು ಸಂಸ್ಕಾರವಂತೆರಾಯರೆ ಸಾಧ್ಯ ಪಂದ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿದ ತಂತ್ರಿಲಾಯಿನ ಶಿವಾನಂದ ಶಾಂತಿ ಮೂಡುಬಿದ್ರಿ ಪಂಡೆರ್.
ಆರ್ ಮೂಲ್ಕಿ ಕೊಳಚಿಕಂಬಳ ಶ್ರೀ ಜಾರಂದಾಯ ಧೂಮಾವತಿ ದೈವಸ್ಥಾನದ ಸಮಿತಿದ ಸಹ ಸಂಸ್ಥೆ ಶ್ರೀ ಜಾರಂದಾಯ ಧೂಮಾವತಿ ಯೂತ್ ಕ್ಲಬ್‌ನ 17 ನೇ ವಾರ್ಷಿಕೋತ್ಸವ ಹಾಗೂ ಮಹಾ ಶಿವರಾತ್ರಿಯ ಪ್ರಯುಕ್ತ ಕೊಳಚಿಕಂಬಳ ಶ್ರೀ ಜಾರಂದಾಯ ಧೂಮಾವತಿ ದೈವಸ್ಥಾನದ ವಠಾರಡ್ ನಡತಿನ ಧಾರ್ಮಿಕ ಸಭಾ ಕಾರ್ಯಕ್ರಮ, ವಿವಿಧ ಕ್ಷೇತ್ರದ ಸಾಧಕೆರೆಗ್ ಸನ್ಮಾನ ಪ್ರತಿಭಾ ಪುರಸ್ಕಾರ, ಊರಿನ ಪ್ರತಿಭಾನ್ವಿತ ವಿದ್ಯಾರ್ಥಿಲೆಗ್ ವಿದ್ಯಾನಿಧಿ ವಿತರಣೆ ಕಾರ್ಯಕ್ರಮಡ್ ಆಶೀರ್ವಚನ ಕೊರ್ದು ಪಾತೆರಿಯೆರ್.
ಈ ಪೊರ್ತುಡು ಎಸ್‌ಎಸ್ ಎಲ್ ಸಿ ಬೊಕ್ಕ ಪಿಯುಸಿ ಪರೀಕ್ಷೆಡ್ ಜಾಸ್ತಿ ಮಾರ್ಕ್ಸ್ ದೈದಿನ ವಿದ್ಯಾರ್ಥಿಲೆಗ್ ವಿದ್ಯಾನಿಧಿ ಬೊಕ್ಕ ವಿದ್ಯಾರ್ಥಿ ವೇತನ ಪಟ್ಟಿಯೆರ್. ಅಂಚೆನೆ ಪ್ರತಿಭಾವಂತ ವಿದ್ಯಾರ್ಥಿಲೆನ್ ಮಾನಾದಿಗೆ ಮಲ್ತೆರ್. ಬಿನ್ನೆರಾದ್ ಉದ್ಯಮಿಲಾಯಿನ ಪ್ರವೀಣ್ ಕುಮಾರ್ ಬೊಳ್ಳೂರು,ಮೂಲ್ಕಿ ಪ್ರಬೋದ್ ಕುಡ್ವ, ಮಂತ್ರ ಸರ್ಫ್ ಕ್ಲಬ್, ಕೊಳಚಿಕಂಬಳದ ನಟರಾಜ್ ಪಾಲ್ ಪಡೆದಿತ್ತೆರ್. ಕೊಳಚಿಕಂಬಳ ಶ್ರೀ ಜಾರಂದಾಯ ದ್ಯೆವಸ್ಥಾನದ ಗುರಿಕಾರೆರ್ ಹರೀಶ್ಚಂದ್ರ ಪಿ ಸಾಲ್ಯಾನ್‌,ತೇಜ ಪೂಜಾರಿ, ಪ್ರಾಣೇಶ್‌ ಪೂಜಾರಿ ಸಾನದ ಮನೆ, ಕೃಷ್ಣ ಕೋಟ್ಯಾನ್‌ ಸಾನದ ಮನೆ, ದೈವಸ್ಥಾನ ಸಮಿತಿದ ಉಪಾಧ್ಯಕ್ಷ ಹೇಮನಾಥ ಕೋಟ್ಯಾನ್‌,ಮಹಿಳಾ ಮಂಡಳಿದ ಅಧ್ಯಕ್ಷೆರ್ ಲತಾ ಶೇಖರ್‌,ಶ್ರೀ ಜಾರಂದಾಯ ಧೂಮಾವತಿ ಯೂತ್‌ ಕ್ಲಬ್‌ ದ ಅಧ್ಯಕ್ಷೆರ್ ಚರಣ್‌ ಬಂಗೇರ,ಪ್ರಧಾನ ಕಾರ್ಯದರ್ಶಿ ಕಾರ್ತಿಕ್‌ ಕೋಟ್ಯಾನ್‌,ಕೋಶಾಧಿಕಾರಿ ಸುನೀಲ್‌ ಕೋಟ್ಯಾನ್‌ ಬೊಕ್ಕ ಪದಾಧಿಕಾರಿಲು ಇತ್ತೆರ್. ಪೊಂಜೊವುಲೆರ್ದ್ ಬೊಕ್ಕ ಜೋಕುಲೆರ್ದ್ ಸಾಂಸ್ಕ್ರತಿಕ ಕಾರ್ಯಕ್ರಮ, ಲಕುಮಿ ತಂಡ “ಆಂಟೀ ಬೊಕ್ಕ ಅಂಕಲ್” ತುಳು ಹಾಸ್ಯಮಯ ನಾಟಕ ಪ್ರದರ್ಶನ ನಡತ್ಂಡ್.
ಯೂತ್‌ ಕ್ಲಬ್‌ ಅಧ್ಯಕ್ಷೆರ್ ಚರಣ್‌ ಬಂಗೇರ ಸ್ವಾಗತ ಮಲ್ತೆರ್. ಹರೀಶ್ಚಂದ್ರ ಪಿ ಸಾಲ್ಯಾನ್‌ ಪ್ರಸ್ತಾವನೆ ಮಲ್ತೆರ್. ಲತಾ ಶೇಖರ್‌ ಸೊಲ್ಮೆ ಸಂದಾಯೆರ್. ಕಾರ್ತಿಕ್‌ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.