ಕುಡ್ಲ : ಫ್ರಾನ್ಸ್ ದೇಶದ ಕ್ಯಾನ್ಸ್ ಪಲೈಸ್ ಥಿಯೇಟರ್ಡ್ ಮೇ 12ರ್ದ್ ಮೇ 23 ಮುಟ್ಟ ನಡಪುನ 79ನೇ ಕ್ಯಾನ್ಸ್ ಚಲನಚಿತ್ರೋತ್ಸವ 2026 ದ ಮಾರ್ಶೆ ಡು ಫಿಲಂ ವಿಭಾಗೊಡು ತುಳುನಾಡ ನಿರ್ದೇಶಕಿ ಕರೆನ್ ಕ್ಷಿತಿ ಸುವರ್ಣ ನಿರ್ದೇಶನದ ಆಲ್ಜೈಮರ್ ಬೊಕ್ಕ ಆರೈಕೆದಾರೆರ್ನ ಬಗೆತ್ತ ಹಿಂದಿ-ಕನ್ನಡ “ಸೆಪ್ಟೆಂಬರ್ 21” ಸಿನಿಮಾ ಪ್ರೀಮಿಯರ್ ಪ್ರದರ್ಶನಗ್ ಆಯ್ಕೆ ಆತ್ಂಡ್.
ಪ್ರಿಯಾಂಕಾ ಉಪೇಂದ್ರ, ಜರೀನಾ ವಹಾಬ್, ಪ್ರವೀಣ್ ಸಿಂಗ್ ಸಿಸೋಡಿಯಾ, ಅಜಿತ್ ಶಿಧಯೆ ಬೊಕ್ಕ ಅಮಿತ್ ಬೆಹ್ಲ್ ಇಂಚಿನ ಪ್ರಬುದ್ಧ ಕಲಾವಿದೆರ್ ಅಭಿನಯ ಮಲ್ದಿನ ಈ ಫಿಲಂನ್ ವಿಸಿಕಾ ಫಿಲ್ಮ್ಸ್, ಎಫ್ಎಂಡಿ ಪ್ರೊಡಕ್ಷನ್ಸ್ ಬೊಕ್ಕ ಹಮಾರಾ ಮೂವಿ ದ ಒಟ್ಟುಗು ಫಿಲ್ಮ್ಸ್ಮ್ಯಾಕ್ಸ್ ನಿರ್ಮಾಣ ಮಲ್ದ್ಂಡ್.
ಈ ಸಿನಿಮಾ ಮೇ 16 ಬಯ್ಯಡ್ 5:45ಕ್ಕೆ ಫ್ರಾನ್ಸ್ ದ ಕ್ಯಾನ್ಸ್ನ ಪಲೈಸ್ ಥಿಯೇಟರ್ಡ್ ವಿಶ್ವ ಪ್ರೀಮಿಯರ್ ಆವರೆ ಉಂಡು.
ರಾಜಶೇಖರ್ ಚಿತ್ರಕತೆ ಬರೆದ್, ವಿನಯ್ ಚಂದ್ರಾ ಸಂಗೀತ ನಿರ್ದೇಶನ ಮಲ್ದಿನ ಈ ಸಿನಿಮಾ, ತನ್ನ ಬುಡೆದಿ ಬರಿತ್ತ ಇಲ್ಲಡ್ ಉಲ್ಲೊಲು ಪಂದ್ ನಂಬುನ ಬುದ್ಧಿಮಾಂದ್ಯ ಅಮ್ಮೆರ್ ಬೊಕ್ಕ ಮಹತ್ವಾಕಾಂಕ್ಷೆ ಅಂಚೆನೆ ಕರ್ತವ್ಯದ ನಡುತ್ತ ಬದ್ಕ್ನ್ ಆಯ್ಕೆ ಮಲ್ಪುನ ಮಗನ ಕಥೆ ನೆಟ್ಟ್ ಉಂಡು.
ಕೋಟ್
“”ಸೆಪ್ಟಂಬರ್ 21* ಫ್ರಾನ್ಸ್ದ ಕ್ಯಾನ್ಸ್ ಚಲನಚಿತ್ರೋತ್ಸವಗ್ ಪಾದಾರ್ಪಣೆ ಮಲ್ಪುನ ಅತ್ಯಂತ ಕಿರಿಯ ವ್ಯಕ್ತಿದ ಭಾರತೀಯ ನಿರ್ದೇಶನಡ್ ಒಂಜಾದುಂಡು.ಆಲ್ಜೈಮರ್ ರೋಗಿಲೆರ್ದ್ಲ ಅಕ್ಲೆನ್ ತೂಪೆನ್ನಕ್ಲಲೆನ ಸಂಕಷ್ಟ ಬಾರಿ ಮಲ್ಲ””
ಕರೆನ್ ಕ್ಷಿತಿ ಸುವರ್ಣ,
ಯುವ ನಿರ್ದೇಶಕೆರ್