September 18, 2026

“ಟಾಸ್” ಪಿಚ್ಚರ್ ರಾಜ್ಯಾದ್ಯಂತ ಬಿಡುಗಡೆ

“ಟಾಸ್ ಸಿನಿಮಾ ಯಶಸ್ವಿ ಆವಡ್ : ನಳಿನ್ ಕುಮಾರ್ ಕಟೀಲ್

ಕುಡ್ಲ : ಅವಿಕಾ ಪ್ರೊಡಕ್ಷನ್ ಬೊಕ್ಕ ಬಿಆರ್ ಬಿ ಪ್ರೊಡಕ್ಷನ್ ಲಾಂಛನಡ್ ತಯಾರಾತಿನ ಅರ್ಜುನ್ ದೇವ್ ನಿರ್ದೇಶನ ಬೊಕ್ಕ ನಟನೆದ “ಟಾಸ್” ತುಳು ಸಿನಿಮಾ ಬಿಗ್ ಸಿನೆಮಾಸ್‌ಡ್ ನಡತಿನ ಸರಳ ಸಮಾರಂಭಡ್ ರಾಜ್ಯಾದ್ಯಂತ ಬಿಡುಗಡೆ ಆಂಡ್.
ಮಾಜಿ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ತುಡರ್ ಅರ್ಲಾದ್ ಸಿನಿಮಾಗ್ ಚಾಲನೆ ಕೊರಿಯೆರ್. ಈ ಪೊರ್ತುಡು ಪಾತೆರ್ನ ಆರ್, ಇನಿ ತುಲುನಾಡ್‌ಡ್ ರಡ್ಡ್ ವಿಶೇಷ ದಿನ ಆದುಂಡು. ಒಂಜಿ ಕಡೆಟ್ಟ್ ವಿಶೇಷ ಸಚಿವ ಸಂಪುಟ ಸಭೆ ಆಂಡ ಕುಡೊಂಜಿ ಕಡೆಟ್ಟ್ ತುಳು ಭಾಷೆದ ಬಹು ನಿರೀಕ್ಷಿತ ಸಿನಿಮಾ “ಟಾಸ್” ಬಿಡುಗಡೆ ಆವೊಂದುಂಡು. ಡಾ. ದೇವದಾಸ್ ಕಾಪಿಕಾಡ್ ನಮಕ್ಕ್ ಮಾತ ಹೀರೋ ಇತ್ತಿಲೆಕ. ಆರ್ ಮುಟ್ಟಿನ ಪೂರಾ ಬಂಗಾರ್ ಆಪುಂಡು. ಅಂಚ ಈ ಸಿನಿಮಾಲ ಕಾಂತಾರದಂಚ ಯಶಸ್ವಿ ಆವಡ್ “ಪಂದ್ ಪಂಡೆರ್.
ಬಿಜೆಪಿ ಜಿಲ್ಲಾಧ್ಯಕ್ಷ ಸತೀಶ್ ಕುಂಪಲ,
ಪುಗರ್ತೆದ ನಿರ್ದೇಶಕೆರ್ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್,
ಚಲನ ಚಿತ್ರ ನಿರ್ಮಾಪಕೆರ್ ಪ್ರಕಾಶ್ ಪಾಂಡೇಶ್ವರ್ ಬೊಕ್ಕ
ಡಾ ಶಿವಶರಣ್ ಶೆಟ್ಟಿ ಪಾತೆರ್ದ್ ಸಿನಿಮಾಗ್ ಎಡ್ಡೆಪ್ಪು ಬಯಕಿಯೆರ್.
ಡಾ.ದೇವದಾಸ್ ಕಾಪಿಕಾಡ್, ಕದ್ರಿ ಮಣಿಕಾಂತ್, ಭೋಜರಾಜ ವಾಮಂಜೂರು, ಶರ್ಮಿಳಾ ಡಿ ಕಾಪಿಕಾಡ್, ವೀರೇಂದ್ರ ಶೆಟ್ಟಿ ಕಾವೂರು, ಗಿರೀಶ್ ಎಂ ಶೆಟ್ಟಿ ಕಟೀಲು, ಪ್ರಕಾಶ್ ತೂಮಿನಾಡ್, ಪುಷ್ಪ ರಾಜ್ ಬೊಳ್ಳಾರ್, ಕಿಶೋರ್ ಕೊಟ್ಡಾರಿ, ರಾಕೇಶ್ ಶೆಟ್ಟಿ, ಅಶ್ವಿತ್ ಕೊಟ್ಟಾರಿ, ಮುಖೇಶ್ ಹೆಗ್ಡೆ, ಚಂದ್ರಹಾಸ ಶೆಟ್ಟಿ ರಂಗೋಲಿ, ಬಾಳ ಜಗನ್ನಾಥ ಶೆಟ್ಟಿ, ದಿನೇಶ್ ಶೆಟ್ಟಿ, ಫಯಾಜ್ ಅಭ್ದುಲ್ ರಝಾಕ್ ದುಬಾಯಿ, ಇಝಾಕ್ ಚೈತ್ರ ಶೆಟ್ಟಿ, ಸದಾಶಿವ ಅಮೀನ್, ಜೋಯಲ್ ಡಿ ಸೋಜ, ರೋಶನ್ ಶೆಟ್ಟಿ, ಚೈತ್ರಾ ಶೆಟ್ಟಿ, ಶೈಲಶ್ರೀ ಮುಲ್ಕಿ ಮೊಕುಲು ಮಾತ ಇತ್ತೆರ್. ಜಿತೇಶ್ ಉಳಿಯ ಕಾರ್ಯಕ್ರಮ‌ ನಿರೂಪಣೆ ಮಲ್ತೆರ್.