February 2024

ಫೆ.23-25: ಪಡ್ರೆ ಜುಮಾದಿ ದೈವೊಲ್ಯಡ್ ಕಾಲಾವಧಿ ಜಾತ್ರೆ

ಸುರತ್ಕಲ್: ಪಡ್ರೆ ಶ್ರೀ ಜುಮಾದಿ ದೈವೊಲ್ಯಡ್ ಫೆ.23-25 ಮುಟ್ಟ ಕಾಲಾವಧಿ ಜಾತ್ರೆ ನಡಪರೆ ಉಂಡು.

ಫೆ.23 ಸುಕ್ರಾರ ರಾತ್ರೆ ಮುಕ್ಕ ಭಂಡಾರದ ಇಲ್ಲರ್ದ್
ಪಡ್ರೆ ಶ್ರೀ ಜುಮಾದಿ ಬಂಟ ದೈವೊಲೆನ ಭಂಡಾರ ಬತ್ತ್ ದ್, ಪಡ್ರೆ ಸಾನೊಡು ಕೊಡಿ ಏರಿಯೆರೆ ಉಂಡು. ಬೊಕ್ಕ ದೀಪಾರಾಧನೆ ಬಲಿ ನಡಪರೆ ಉಂಡು.

ಫೆ.24 ಸನಿಯಾರ ಬೊಲ್ಪುರ್ದ್ ಬಯ್ಯ ಮುಟ್ಟ ಸಾರ್ವಜನಿಕ ಅನ್ನ ಪ್ರಸಾದ ಸೇವೆ, ರಾತ್ರೆ ಪೂತ್ತ ಪೂಜೆ, ಕಾಲಾವಧಿ ಜಾತ್ರೆ ನಡಪರೆ ಉಂಡು.

ಫೆ‌.25 ಐತಾರ ಬಯ್ಯಗ್ ಬಾಕಿಮಾರು ಚೆಂಡ್, ರಾತ್ರೆ ದೀಪಾರಾಧನೆ, ಬಲಿ, ಕೊಡಿ ಜಾವೆರೆ, ಬೊಕ್ಕ ಭಂಡಾರ ಪೋವೆರೆ ಉಂಡು.

ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್, ಗಂಧ ಪ್ರಸಾದ ದೆತೊಂದು ಶ್ರೀ ಜುಮಾದಿ ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಪಡ್ರೆ ಜುಮಾದಿ ದೈವೊಲ್ಯದ ಆಡಳಿತ ಸಮಿತಿದ ಗುರ್ಕಾರೆ, ಸರ್ವಸದಸ್ಯೆರ್ ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಫೆ.24: ಗಾಂಧಿನಗರ ಶ್ರೀ ದೇವಿ ಭಜನಾ ಮಂಡಳಿದ ವರ್ಷದ ಉಚ್ಚಯ, ಸತ್ಯನಾರಾಯಣ ಪೂಜೆ

ಕೆದಿಲ: ಗಾಂಧಿನಗರ ಶ್ರೀ ದೇವಿ ಭಜನಾ ಮಂಡಳಿದ ವರ್ಷದ ಉಚ್ಚಯ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ ಬೊಕ್ಕ ಧಾರ್ಮಿಕ ಸಭಾ ಲೇಸ್ ಫೆ.24 ಸನಿಯಾರ ನಡಪರೆ ಉಂಡು.

ಆನಿ ಬೊಲ್ಪುಗು ಭಜನೆ, ಗಣಪತಿ ಹೋಮ, ಸಾಮೂಹಿಕ ಶ್ರೀ ಅಶ್ವತ್ಥ ಕಲ್ಪೋಕ್ತ ಪೂಜೆ, ಬಯ್ಯಗ್ ಭಜನೆ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ, ಶ್ರೀ ದುರ್ಗಾಪೂಜೆ, ರಾತ್ರೆ ಮಹಾ ಮಂಗಳಾರತಿ, ಸಭಾ ಲೇಸ್, ಅನ್ನ ಪ್ರಸಾದ ಸೇವೆ, ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಶ್ರೀ ದೇವಿನ ಬೊಕ್ಕ ಶ್ರೀ ಸತ್ಯನಾರಾಯಣ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಮಂದಿರದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಅಫ್ಘಾನಿಸ್ತಾನಡ್ ಭೂಕಂಪ

ಅಫ್ಘಾನಿಸ್ತಾನಡ್ ಫೆ.21 ಬೊಲ್ಪುಗು 4.2 ಬಿರ್ಸ್ ದ ಭೂಕಂಪ ಆತ್ಂಡ್ ಪಂದ್ ರಾಷ್ಟ್ರೀಯ ಭೂಕಂಪಶಾಸ್ತ್ರ ತೆರಿಪಾದ್ಂಡ್.

ಅತ್ತಂದೆ ಕೋಡೆ ರಾತ್ರೆ ಜಮ್ಮು-ಕಾಶ್ಮೀರ ಸೇರ್ದ್ ಉತ್ತರ ಭಾರತದ ಸುಮಾರ್ ಕಡೆಟ್ಟ್ ಭೂಕಂಪ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.

ಫೆ.21-29: ಇರುವೈಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ವರ್ಷಾವಧಿ ಜಾತ್ರೆ, ತೇರ್ ಉಚ್ಚಯ

ಬೆದ್ರ: ಇರುವೈಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಫೆ.21-29 ಮುಟ್ಟ ವರ್ಷಾವಧಿ ಜಾತ್ರೆ, ತೇರ್ ಉಚ್ಚಯ ನಡಪರೆ ಉಂಡು.

ಈ ಲೇಸ್ ಎಡಪದವು ಬ್ರಹ್ಮಶ್ರೀ ಗಣೇಶ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.

ಫೆ.17 ಸನಿಯಾರ ಬೊಲ್ಪುಗು ತಾರಾಯಿದ ಗಣಹೋಮ, ಅಪ್ಪದ ಪೂಜೆ, ಪಂಚಕಜ್ಜಾಯ, ಗುಡಾನ್ನ ನೈವೇದ್ಯ, ಮಹಾಪೂಜೆ, ಅನ್ನ ಪ್ರಸಾದ ಸೇವೆ, ರಾತ್ರೆ ರಂಗಪೂಜೆ ನಡತ್ಂಡ್.

ಫೆ.21 ಬುಧಾರ ಬೊಲ್ಪುಗು ಸಾಮೂಹಿಕ ದೇವತಾ ಪ್ರಾರ್ತನೆ, ಕುಂಟ ಮೂರ್ತ ನಡತ್ಂಡ್. ಮಧ್ಯಾಹ್ನ ಮಹಾಪೂಜೆ, ರಾತ್ರೆ ಉಚ್ಚಯ ಬಲಿ ನಡತ್ಂಡ್.

ಫೆ.22 ಗುರುವಾರ (ಇನಿ) ಇಸೇಸ ಪೂಜೆ, ಉಚ್ಚಯ ಬಲಿ ನಡಪರೆ ಉಂಡು.

ಫೆ.23 ಸುಕ್ರಾರ ಬೊಲ್ಪುಗು ತಂಬಿಲ ಸೇವೆ, ಮಹಾಪೂಜೆ, ಬಯ್ಯಗ್ ಅಂಕುರಾರೋಪಣ, ಉಚ್ಚಯ ಬಲಿ ನಡಪರೆ ಉಂಡು.

ಫೆ.24 ಸನಿಯಾರ ಬೊಲ್ಪುಗು ಕಲಶ ಪ್ರಧಾನ ಹೋಮ, ಬೊಲ್ಪುಗು ಕೊಡಿ ಏರಿಯೆರೆ, ಮಹಾಪೂಜೆ, ಅನ್ನ ಪ್ರಸಾದ ಸೇವೆ ಬಯ್ಯಗ್ ಉಚ್ಚಯ ಬಲಿ, ಕಂಚಿಲಾಲೆ ರಾತ್ರೆ ಆಟ ನಡಪರೆ ಉಂಡು.

ಫೆ.25 ಐತಾರ ಬೊಲ್ಪುಗು ನವಕ ಕಲಶಾಭಿಷೇಕ, ಪ್ರಧಾನ ಹೋಮ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ, ಮಹಾಪೂಜೆ, ಅನ್ನ ಪ್ರಸಾದ ಸೇವೆ, ಬಯ್ಯಗ್ ಉಚ್ಚಯ ಬಲಿ, ಕಟ್ಟೆಪೂಜೆ, ಕೆರೆ ದೀಪೋಚ್ಚಯ ನಡಪರೆ ಉಂಡು.

ಫೆ.26 ಸೋಮಾರ ಬೊಲ್ಪುಗು ನವಕ ಕಲಶ ಪ್ರಧಾನ ಹೋಮ, ಮಹಾಪೂಜೆ, ಅನ್ನ ಪ್ರಸಾದ ಸೇವೆ ರಾತ್ರೆ ಧಾರ್ಮಿಕ ಸಭೆ, ಭೇರಿತಾಡನೆ, ನಡುಬಲಿ ಉಚ್ಚಯ, ಚಂದ್ರಮಂಡಲ ಸೇವೆ, ಬಾಕಿಮಾರು ದೀಪೋಚ್ಚಯ ಕಟ್ಟೆಪೂಜೆ ನಡಪರೆ ಉಂಡು.

ಫೆ.27 ಅಂಗಾರೆ ಬೊಲ್ಪುಗು ನವಕ ಕಲಶ ಪ್ರಧಾನ ಹೋಮ, ಮಲ್ಲ ತೇರ್ ಉಚ್ಚಯ, ಅನ್ನ ಪ್ರಸಾದ ಸೇವೆ, ರಾತ್ರೆ ತೇರ್ ಉಚ್ಚಯ, ಶ್ರೀ ಭೂತಬಲಿ, ಶಯನೋಚ್ಚಯ, ಕವಾಟ ಬಂಧನ, ಬೆಡಿಮರ್ದ್ ಪ್ರದರ್ಶನ ನಡಪರೆ ಉಂಡು.

ಫೆ.28 ಬುದಾರ ಬೊಲ್ಪುಗು ಕವಾಟ ಉದಿಪನ, ಪಲ್ಲಪೂಜೆ, ತುಲಾಭಾರ ಸೇವೆ, ಕಲಶಾಭಿಷೇಕ, ಚೂರ್ಣೋಚ್ಚಯ, ಚಂದ್ರಮಂಡಲ ಸೇವೆ, ಮಹಾಪೂಜೆ, ಮಧ್ಯಾಹ್ನ ಮಹಾ ಅನ್ನ ಪ್ರಸಾದ ಸೇವೆ, ರಾತ್ರೆ ಬ್ರಹ್ಮ ತಂಬಿಲ, ಉಚ್ಚಯ, ಕಟ್ಟೆಪೂಜೆ, ಓಕುಳಿ, ಅವಭೃತ, ಮಾಡ್ಲಾಯಿ ದೈವ ದೇವೆರೆನ ಭೇಟಿ, ಮಾಡ್ಲಾಯಿ ದೈವೊದ ನೇಮ, ಕೊಡಿ ಜಾವೆರೆ ಉಂಡು.

ಫೆ‌.29 ಗುರುವಾರ ಬೊಲ್ಪುಗು ಮಂಗಳ ಗಣಯಾಗ, ನವಕ ಕಲಶ, ಪ್ರಧಾನ ಹೋಮ, ಮಹಾಪೂಜೆ, ಅನ್ನ ಪ್ರಸಾದ ಸೇವೆ ಬಯ್ಯಗ್ ಹೊಸಮರಾಯ ದೈವೊದ ಭಂಡಾರ ಜಪ್ಪೆರೆ, ರಾತ್ರೆ ಹೊಸಮರಾಯ ದೈವೊದ ನೇಮ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಬತ್ತ್ ದ್, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಇರುವೈಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಐ.ಕುಮಾರ್ ಶೆಟ್ಟಿ ಇರುವೈಲ್, ಅರ್ಚಕೆರ್ ಐ.ರಾಘವೇಂದ್ರ ಭಟ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಇನಿ ಮುಂಡ್ಕೂರು ಕಜೆ ಶ್ರೀ ಮಹಾಮ್ಮಾಯಿ ದೇವಲ್ಯಡ್ ಬ್ರಹ್ಮಕಲಶಾಭಿಷೇಕ, ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ಸುರು

ಮುಂಡ್ಕೂರು: ಒಡಿಪುದ ಕಾರ್ಲ ತಾಲೂಕ್ ದ ಮುಂಡ್ಕೂರು ಕಜೆ ಶ್ರೀ ಮಹಾಮ್ಮಾಯಿ ದೇವಲ್ಯಡ್ ಬ್ರಹ್ಮಕಲಶಾಭಿಷೇಕ, ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಲೇಸ್ (ಫೆ.22) ಇನಿರ್ದ್ ಫೆ.28 ಮುಟ್ಟ ನಡಪರೆ ಉಂಡು.

ಫೆ.22 ಕ್ಕ್ (ಇನಿ) ಬೊಲ್ಪುಗು ಸಾಮೂಹಿಕ ಪ್ರಾರ್ತನೆ, ತೋರಣ ಮೂರ್ತ, ಉಗ್ರಾಣ ಮೂರ್ತ, ಗಣಪತಿ ಹೋಮ, ಬಯ್ಯಗ್ ರಾಕ್ಷೋಘ್ನ ಹೋಮ, ವಾಸ್ತುಪೂಜೆ, ವಾಸ್ತುಬಲಿ ನಾಗಮಂಡಲ ನಡಪರೆ ಉಂಡು.

ಫೆ.23 ಕ್ಕ್ ನವಗ್ರಹ ಯಾಗ, ಮೃತ್ಯುಂಜಯ ಯಾಗ, ಪುದೆಕಾಣಿಕೆ ಮೆರವಣಿಗೆ, ಬಯ್ಯಗ್ ಆದಿವಾಸ ಹೋಮ, ದೈವೊಲೆನ ಅಧಿವಾಸ, ಕಳಶಾದಿವಾಸ, ವಾಸ್ತು ಹೋಮ, ಬಲಿ ನಡಪರೆ ಉಂಡು.

ಫೆ.24 ಕ್ಕ್ ಶಿಖರ ಪ್ರತಿಷ್ಠೆ, ಶ್ರೀ ಮಹಮ್ಮಾಯಿ ದೇವಿನ ಬಿಂಬ ಗದ್ದಿಗೆ ಪ್ರತಿಷ್ಠೆ, ನಿದ್ರಾ ಕುಂಭಾಭಿಷೇಕ, ಪ್ರಸನ್ನ ಪೂಜೆ, ಕಲಶಾಭಿಷೇಕ, ಆಶ್ಲೇಷ ಬಲಿ, ಪ್ರತಿಷ್ಠಾಪನೆ ಲೇಸ್, ವಾಸ್ತು ಹೋಮ, ವಾಸ್ತು ಬಲಿ ನಡಪರೆ ಉಂಡು.

ಫೆ.25 ಕ್ಕ್ ಶಾಂತಿ ಹೋಮ, ಕಲಸ ಮಂಡಲ ರಚನೆ, ಮಹಾ ಚಂಡಿಕಾಯಾಗ, ದೇವಿ ದರ್ಶನ, ಅನ್ನ ಪ್ರಸಾದ ಸೇವೆ, ಬಯ್ಯಗ್ ಅಧಿವಾಸ ಹೋಮ ನಡಪರೆ ಉಂಡು.

ಫೆ.26 ಕ್ಕ್ ಬ್ರಹ್ಮಕಲಶಾಭಿಷೇಕ, ಬ್ರಹ್ಮ ಕುಂಭಾಭಿಷೇಕ, ಪ್ರಸನ್ನ ಪೂಜೆ, ದೇವಿ ದರ್ಶನ, ಪಲ್ಲಪೂಜೆ, ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.

ಫೆ.27 ಕ್ಕ್ ಮೆರವಣಿಗೆ, ಮುಡ್ಕೂರು ದೇವಲ್ಯಡ್ ಸಾರ್ವಜನಿಕ ಅನ್ನ ಪ್ರಸಾದ ಸೇವೆ, ಮಧ್ಯಾಹ್ನ ಮೆರವಣಿಗೆದ ಮುಕೇನ ಜಾರಿಗೆ ಕಟ್ಟೆ -ಪೇರೂರು-ಸಚ್ಚರಿಪೇಟೆ ಕಟ್ಟೆಡ್ ಪೂಜೆ, ರಾತ್ರೆ ಮಾರಿಗುಡಿಟ್ಟ್ ದೇವಿ ದರ್ಶನ ರಾತ್ರೆ ಗುಳಿಗ ಪಂಜುರ್ಲಿ ದೈವೊಲೆನ ನೇಮ ನಡಪರೆ ಉಂಡು.

ಫೆ.28 ಕ್ಕ್ ವಾರ್ಷಿಕ ಮಾರಿ ಪೂಜೆ, ಮಧ್ಯಾಹ್ನ ಮಹಾಪೂಜೆ, ದೇವಿ ದರ್ಶನ ನಡಪರೆ ಉಂಡು.

ಅಂಚೆನೆ ಪ್ರತಿದಿನೊಲ ಬಯ್ಯಗ್ ಸಭಾ ಲೇಸ್ ದ ಬೊಕ್ಕ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಅತ್ತಂದೆ ಬೊಲ್ಪುರ್ದ್ ಬಯ್ಯ ಮುಟ್ಟ ಧಾರ್ಮಿಕ ಬೊಕ್ಕ ಸಂಗೀತ ಲೇಸ್ ನಡಪರೆ ಉಂಡು. ನೆತ್ತೊಟ್ಟಿಗೆ ಅನ್ನ ಪ್ರಸಾದ ಸೇವೆಲ ನಡಪುಂಡು. ಮುಂಡ್ಕೂರುರ್ದ್ ಜಾರಿಗೆಕಟ್ಟೆ ಸಂಕಲಕರಿಯ ಬೊಕ್ಕ ಸಚ್ಚರಿಪೇಟೆಯಾದ್ ಶ್ರೀ ಕ್ಷೇತ್ರ ಕಜೆಕ್ಕ್ ಧರ್ಮೊಗು ಬಸ್ ಸೇವೆ ಉಂಡು.

ಈ ಮಾತ ಲೇಸ್ ಡ್ ಭಕ್ತೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಶ್ರೀ ದೇವೆರೆನ ಪ್ರಸಾದ ದೆತೊಂದು ಶ್ರೀ ಕ್ಷೇತ್ರದ ಪರವಾದ್ ಪ್ರಧಾನ ಅರ್ಚಕೆರ್ ಅನಂತ ಕೃಷ್ಣ ಆಚಾರ್ಯ, ಸಹೋದರೆರ್, ಮಾನಾದಿಗೆದ ಗುರ್ಕಾರೆ ಎಂ.ಜಿ. ಕರ್ಕೇರ, ಗುರ್ಕಾರೆ ಕಜೆ ಹೊಸಮನೆ ಸುಂದರ ಸಫಲಿಗ, ಒತ್ತು ಗುರ್ಕಾರೆ ಹೆಗ್ಗಡೆ ಕಜೆ ಚನ್ನಪ್ಪ ಸಫಲಿಗ, ಪ್ರಧಾನ ಕಾರ್ಯದರ್ಶಿ ಕಜೆ ಪಡುಬೈಲು ಸುರೇಂದ್ರ ಸಾಲ್ಯಾನ್, ಜತೆ ಕಾರ್ಯದರ್ಶಿ ಕಜೆ ಮಂಗಿಲಮಾರ್ ನಾರಾಯಣ ಸಫಲಿಗ, ಕೋಶಾಧಿಕಾರಿ ಕಜೆ ಆಚೆ ಮನೆ ಉದಯಕುಮಾರ್, ಜತೆ ಕೋಶಾಧಿಕಾರಿ ಕಜೆಮನೆ ಭುಜಂಗ ಮೂಲ್ಯ , ಸದಸ್ಯೆರ್ ಕಜೆ ಪಡುಬೈಲು ಜಯ ಸಾಲ್ಯಾನ್, ಕಜೆ ಆಚೆಮನೆ ಸಂಜೀವ ಸೇರಿಗಾರ್, ಕಜೆ ಹೊಸಮನೆ ಶೇಖರ್ ಮೆಂಡನ್, ಕಜೆ ಮನೆ ಸುರೇಶ್ ವಾಸು ಮೂಲ್ಯ, ಕಜೆ ಮಂಗ್ಲಿಮಾರ್ ದಯಾನಂದ ಸಫಲಿಗ, ಹೆಗ್ಗಡೆ ಕಎ ಸುಚಿತ್ ಕುಮಾರ್, ಬೊಂಬೈ ಸಮಿತಿದ ಗುರ್ಕಾರೆ ಸುಧಾಕರ್ ಎಂ ಶೆಟ್ಟಿ ಮುಲ್ಲಡ್ಕ, ಸ್ಥಳೀಯ ಸಮಿತಿದ ಗುರ್ಕಾರೆ ವಿನಯ್ ಕುಮಾರ್ ಶೆಟ್ಟಿ ನಡಿಗುತ್ತು, ಸಲಹೆಗಾರೆರ್, ಒತ್ತು ಗುರಿಕಾರೆರ್, ಬೇತೆ ಬೇತೆ ಸಮಿತಿದ ಸದಸ್ಯೆರ್, ಇನ್ನ, ಮುಲ್ಲಡ್ಕ, ಪೋಸ್ರಾಲ್, ಬೋಳ, ಕಡಂದಲೆ, ಸಚ್ಚರಿಪೇಟೆ ಬೊಕ್ಕ ಉಳೆಪಾಡಿದ ಗ್ರಾಮದ ಮಾತ ಗ್ರಾಮಸ್ಥೆರ್, ಬ್ರಹ್ಮಕಲಶ ಉಚ್ಚಯ ಸಮಿತಿ ಬೊಕ್ಕ ಅಭಿವೃದ್ದಿ ಸಮಿತಿದ ಮಾತ ಪದುಕೆರ್ ಬೊಕ್ಕ ಸದಸ್ಯೆರ್ ಬಿನ್ನಾಪು ಮಲ್ದೆರ್.