ಅ.29: ವಿದ್ಯಾದಾಯಿನಿ ಸಭಾದ ಶತಮಾನೋತ್ಸವದ ಲೆಕ್ಕೊಡು ಜಾನಪದ ನೃತ್ಯ ಪಂತೊ
ಬೊಂಬೈ: ಬೊಂಬೈ ವಿದ್ಯಾದಾಯಿನಿ ಸಭಾದ ಶತಮಾನೋತ್ಸವದ ಲೆಕ್ಕೊಡು ಅ.29 ಐತಾರ ಸಾಂತಕ್ರೂಸ್ ಬಿಲ್ಲವ ಭವನದ ಸಭಾಂಗಣಡ್ ಜಾನಪದ ನೃತ್ಯ ಪಂತೊ ನಡಪರೆ ಉಂಡು.
ಈ ಪಂತೊ ಆನಿ ಬೊಲ್ಪುರ್ದ್ ಮಧ್ಯಾಹ್ನ ಮುಟ್ಟ ತುಳು ಕನ್ನಡ ಶಾಲೆ ಬೊಕ್ಕ ಸಂಘ ಸಂಸ್ಥೆಲೆಗ್ ನಡಪರೆ ಉಂಡು. ಈ ಪಂತೊಡು ಸುರುಕು ಪುದರ್ ಕೊರಿನ ಪತ್ತ್ ಕೂಟದಕ್ಲೆಗ್ ಮಾತ್ರ ಪಾಲ್ ಪಡೆಯೆರೆ ಅವಕಾಶ ಉಂಡು. ನೆತ್ತ ಮೇಲ್ವಿಚಾರಣೆನ್ ಸುರುತ್ತ 15 ಸಾರ ರೂ., ರಡ್ಡನೇದ 10 ಸಾರ ರೂ., ಬೊಕ್ಕ ಮೂಜಿನೇದ 5 ಸಾರ ರೂ. ನಗದು ಇನಾಮುನ್ ಕನ್ನಡ ಜಾನಪದ ಪರಿಷತ್ತು ಬೆಂಗ್ಲೂರ್ ದ ಮಹಾರಾಷ್ಟ್ರ ಘಟಕದ ಮುತಾಲಿಕೆಡ್ ಕೊರ್ಪುಂಡು.
ಅಂಚೆನೆ ಪಾಲ್ ಪಡೆಯಿನ ಮಾತ ಕೂಟಲೆಗ್ ಸಮಾಧಾನಕರ ಇನಾಮು ಬೊಕ್ಕ ಪಾರಿತೋಷಕನ್ ಸಂಸ್ಥೆದ ಮುತಾಲಿಕೆಡ್ ಕೊರ್ಪೆರ್. ಮಧ್ಯಾಹ್ನರ್ದ್ ಬೊಕ್ಕ ನಡಪರೆ ಇಪ್ಪುನ ಸಭಾ ಲೇಸ್ ಡ್ ಇನಾಮುನ್ ಕೊರ್ಪೆರ್. ಈ ಲೇಸ್ ಮುಟ್ಟ ಸ್ಪರ್ಧಾಳುಲು ಇಪ್ಪೊಡಾಪುಂಡು. ಬೊಲ್ಪುಗ್ ತೆನಸ್, ಮಧ್ಯಾಹ್ನ ಬೊಕ್ಕ ಬಯ್ಯಗ್ ವನಸ್ ದ ವ್ಯವಸ್ಥೆ ಉಂಡು. ಈ ಪಂತೊ ತುಳು ಕನ್ನಡಿಗೆರಾದ್ ಆಯೋಜನೆ ಮಲ್ದೆರ್. ಅಂಚಾದ್ ಮೊಕುಲು ಬನ್ನಗ ಆಧಾರ್ ಕಾರ್ಡ್ ಕೊನವೊಡಾಪುಂಡು.
ಈ ಪಂತೊಡು ಗರಿಷ್ಠ 8 ಜನ ಪಾಲ್ ಪಡೆವೊಲಿ. ಪದ್ಯ ಬೊಕ್ಕ ಡ್ಯಾನ್ಸ್ ಕೇವಲ ಜಾನಪದಗ್ ಅನುಗುಣವಾದಿಪ್ಪೊಡು. ಪದ್ಯನ್ ಬೇತೆನೇ ಪೆನ್ ಡ್ರೈವ್ ಮುಖೇನ ಸಂಸ್ಥೆಗ್ ಕಡಪಾವೊಡು. ಅಂಚೆನೆ ನಿಕ್ಲೆನ ಪುದರ್ ಬೊಕ್ಕ ಎಚ್ಚದ ಪೊಲಬುಗಾದ್ 9324759589 ಅತ್ತಂಡ 8850067062 ನಂಬರ್ ಗ್ ಸಂಪರ್ಕ ಮಲ್ಪೊಲಿ ಪಂದ್ ಸಂಸ್ಥೆದ ಗುರ್ಕಾರೆ ಪುರುಷೋತ್ತಮ ಎಸ್ ಕೋಟ್ಯಾನ್, ಕಾರ್ಯದರ್ಶಿ ಚಿತ್ರಾಪು ಕೆ.ಎಮ್ ಕೋಟ್ಯಾನ್ ಬೊಕ್ಕ ಪದುಕೆರ್ ಪ್ರಕಟಣೆಡ್ ತೆರಿಪಾದೆರ್.
ಗುರ್ಕಾರ್ಲು ಆದ್ ಮಾಧವ ಪೂಜಾರಿ ಪಟ್ಲ, ಗೌರವಾಧ್ಯಕ್ಷೆರಾದ್ ಬಾಬು ಕೆ.ವಿ., ಕಾರ್ಯದರ್ಶಿಯಾದ್ ಲಕ್ಷ್ಮಣ ಪೂಜಾರಿ ಎಸ್. ವಿಟ್ಲ, ಜೊತೆ ಕಾರ್ಯದರ್ಶಿಯಾದ್ ರಮೇಶ್ ಕುಮಾರ್ ಆರ್.ಎಸ್., ಉಪಾಧ್ಯಕ್ಷೆರಾದ್ ಗಂಗಾಧರ ಪೂಜಾರಿ ನಿಡ್ಯ, ಅಶೋಕ ಪೂಜಾರಿ ಮಚ್ಚ, ಜಯ ಪ್ರಕಾಶ್ ಪಾಣೆಮಜಲು, ಕೋಶಾಧಿಕಾರಿಯಾದ್ ಸುಧಾಕರ ಪೂಜಾರಿ ಕೇಪು, ಸಂಘಟನಾ ಕಾರ್ಯದರ್ಶಿ ಮೋನಾಕ್ಷ ಆಯ್ಕೆಯಾಯೆರ್.
ಅ.15 ಐತಾರ ದೇವಿಗ್ ಮಹಾಪೂಜೆ ಅ.18 ಬುಧವಾರ ಮಹಾಗಣಪತಿ ದೇವೆರೆಗ್, ತ್ರಿನಾಳಿಕೇರ ಮಹಾ ಗಣಪತಿ ಹೋಮ,ಮಹಾಪೂಜೆ, ಅ.19 ಗುರುವಾರ ಕಾಂಡೆ ಚಂಡಿಕಾಯಾಗ, ನಾಗದೇವೆರೆಗ್ ಪಂಚಾಮೃತ ಅಭಿಷೇಕ, ಮಧ್ಯಾಹ್ನ ಚಂಡಿಕಾ ಯಾಗದ ಪೂಜೆ, ಪೂರ್ಣಾಹುತಿ, ಮಹಾಪೂಜೆ, ಅ.23 ಸೋಮವಾರ ಕಾಂಡೆ ದುರ್ಗಾ ಹೋಮ, ಮಧ್ಯಾಹ್ನ ಮಹಾ ಪೂಜೆ, ಪಲ್ಲ ಪೂಜೆ, ಸಾರ್ವಜನಿಕ ಅನ್ನ ಸಂತರ್ಪಣೆ, ಅ.24 ಅಂಗಾರೆ ಕಾಂಡೆ ಅಕ್ಷರ ಅಭ್ಯಾಸ, ಗಾಡಿ ಪೂಜೆ, ಬಯ್ಯಗ್ ಲಕ್ಷ್ಮೀ ಸಹಿತ ಸತ್ಯನಾರಾಯಣ ಮಹಾ ಪೂಜೆ, ರಾತ್ರೆ ದೇವಿಗ್ ವಿಶೇಷ ರಂಗ ಪೂಜೆ, ಬೊಕ್ಕ ದೇವೆರೆನ ಪಲ್ಲಕ್ಕಿ ಮೆರವಣಿಗೆ ನಡಪೆರೆ ಉಂಡು.