March 2023

Ullal: Police raid places conducting prostitution ಉಳ್ಳಾಲ: ವೇಶ್ಯಾವಾಟಿಕೆದ ಜಾಗೆಗ್ ಪೊಲೀಸ್ ರೈಡ್

ಉಳ್ಳಾಲ ತಾಲೂಕ್ ದ ಪೆರ್ಮನ್ನೂರು ಗ್ರಾಮದ ಪಂಡಿತ್ ಹೌಸ್ ದ ವಿಜೇತನಗರದ ರುಕಿಯಾ ಪನ್ಪಿನರೆನ ಇಲ್ಲಲ್ ಮಾ.7 ಕ್ಕ್ ಕೆಲವು ಜನ ಆಂಜೋವ್ ಬೊಕ್ಕ ನಾಲ್ ಜನ ಪೊಂಜೋವ್ ನಕುಲು ಅನೈತಿಕ ಚಟುವಟಿಕೆ ಮಲ್ತೊಂದು ಇತ್ತೆರ್ ಪಂದ್ ತಿಕ್ಕಿನ ಪೊಲಬುದ ಮಿತ್ತ್ ಪೊಲೀಸ್ ದಕುಲು ರೈಡ್ ಮಲ್ದೆರ್.

ಈ ರೈಡ್ ಮಲ್ಪರೆ ಸಹಾಯಕ ಪೊಲೀಸ್ ಆಯುಕ್ತೆರ್, ಮಂಗಳೂರು ದಕ್ಷಿಣ ಉಪ ವಿಭಾಗರ್ದ್ ಸರ್ಚ್ ವಾರಂಟ್ ದೆತೊಂದು ಉಳ್ಳಾಲ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕೆರಾಯಿನ ಸಂದೀಪ್ ಜಿ ಎಸ್, ಪೊಲೀಸ್ ಉಪ ನಿರೀಕ್ಷಕೆರ್ ಮಂಜುಳಾ ಎಲ್ ಬೊಕ್ಕ ಸಿಬ್ಬಂದಿನೊಟ್ಟಿಗೆ ರೈಡ್ ಮಲ್ತೆರ್.

ಬಂಟ್ವಾಳ ತಾಲೂಕ್ ದ ಬೋಳಂತೂರು ಗ್ರಾಮದ ವಿಟ್ಲಕೋಡಿ ಇಲ್ಲದ ದಿ. ಮೊಯಿದ್ದೀನ್ ಮೆರೆನ ಬೊಡೆದಿ ರುಕಿಯಾ (50) ದಸ್ತಗಿರಿ ಆಯಿನ ಆರೋಪಿ. ಮೆರೆನ್ ಕೋರ್ಟುಗು ಹಾಜರ್ ಮಲ್ದೆರ್. ಅಂಚನೆ ಆರೋಪಿ ಲತೀಫ್ ಪನ್ಪುನರೆನ ಮಿತ್ತ್ ಉಳ್ಳಾಲ ಠಾಣೆಡ್ ಕೆಲವು ಕೇಸ್ ದಾಖಲ್ ಆತ್ಂಡ್.

ಈ ಕೇಸ್ ದ ಬಗೆಟ್ ರಡ್ಡ್ ಚಕ್ರದ 3 ಗಾಡಿ, 9 ಮೊಬೈಲ್ ಫೋನ್, 5 ಸಾರ ರೂ.,ಇಂಚ ಒಟ್ಟು 1,76,580 ರೂ. ಬಿಲೆತ ಸೊತ್ತುಲೆನ್ ವಶಕ್ಕ್ ಪಡೆತೆರ್.

ಈ ಪೊರ್ತುಡು ಉಳ್ಳಾಲ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕೆರಾಯಿನ ಸಂದೀಪ್ ಜಿ ಎಸ್, ಪೊಲೀಸ್ ಉಪ ನಿರೀಕ್ಷಕೆರ್ ಮಂಜುಳಾ ಎಲ್ ಬೊಕ್ಕ ಸಿಬ್ಬಂದಿಲಾಯಿನ ಮಂಜುನಾಥ ಎನ್, ವಾಸುದೇವ ಚವ್ಹಾಣ್, ದ್ರಾಕ್ಷಾಯಿಣಿ,ಲಕ್ಷ್ಮೀ ಬೊಕ್ಕ ಎಸಿಪಿ ಸ್ಕ್ವಾಡ್ ದ ಸಿಬ್ಬಂದಿ ರೆಜಿ ಇತ್ತೆರ್.

Bank of Baroda reduces interest on housing loans ಕಮ್ಮಿ ಆಂಡ್ ಬ್ಯಾಂಕ್ ಆಫ್ ಬರೋಡಾದ ಇಲ್ಲ್ ಸಾಲದ ಬಡ್ಡಿ

ಬ್ಯಾಂಕ್ ಆಫ್ ಬರೋಡಾ, ಇಲ್ಲ್ ಸಾಲದ ಬಡ್ಡಿನ್ 40 ಬಿಪಿಎಸ್‌ರ್ದ್ 8.50% ಗ್ ಕಮ್ಮಿ ಮಲ್ದ್ಂಡ್.

MSME ಸಾಲದ ಬಡ್ಡಿನ್ 8.40% ಗ್ ಕಮ್ಮಿ ಮಲ್ದ್ಂಡ್ . ವರ್ಷದ ಅಕೇರಿದ ಸೀಮಿತ ಅವಧಿದ ಆಫರ್ 31ನೇ ಮಾರ್ಚ್ 2023 ಮುಟ್ಟ ಇಪ್ಪುಂಡು. ಇಲ್ಲ್ ಸಾಲದ ಮಿತ್ತ್ ದ ಸಂಸ್ಕರಣಾ ಶುಲ್ಕ ಪೂರ ಮನ್ನಾ ಆಪುಂಡು ಬೊಕ್ಕ MSME ಸಾಲದ ಸಂಸ್ಕರಣಾ ಶುಲ್ಕದ ಮಿತ್ತ್ ಅರ್ಧದಾತ್ ಮನ್ನಾ ಮಲ್ದ್ಂಡ್.

Indian origin Arun Subramanian appointed as judge in the US ಅಮೆರಿಕದ ನ್ಯಾಯಾಧೀಶೆರಾದ್ ಭಾರತೀಯ ಮೂಲದ ಅರುಣ್ ಸುಬ್ರಮಣಿಯನ್ ಆಯ್ಕೆ

ಅಮೆರಿಕಡ್ ಇಪ್ಪುನ ಭಾರತೀಯ ಮೂಲದ ಅರುಣ್ ಸುಬ್ರಮಣಿಯನ್ ಮೇರ್ ಅಲ್ತ ನ್ಯಾಯಾಧೀಶೆರಾದ್ ನೇಮಕ ಆಯೆರ್.

ಮೇರ್ ನ್ಯೂಯಾರ್ಕ್ ದ ದಕ್ಷಿಣ ಜಿಲ್ಲಾ ನ್ಯಾಯಾಲಯದ ನ್ಯಾಯಾಧೀಶರಾದ್ ಅಧಿಕಾರ ಒಯಿಸೊನ್ವೆರ್. ಈ ಪೀಠಡ್ ನ್ಯಾಯಾಧೀಶೆರಾದ್ ಆಯ್ಕೆ ಆಯಿನ ಸುರುತ ದಕ್ಷಿಣ ಏಷ್ಯಾದ ಜನ ಅರುಣ್ ಪಂದ್ ಸೆನೆಟರ್ ನ್ಯಾಯಾಂಗ ಸಮಿತಿ ತೆರಿಪಾದ್ಂಡ್. ಈ ಪಿರವು ಭಾರತೀಯ ಮೂಲದ ಜೂಲಿ ಎ ಮ್ಯಾಥ್ಯೂ, ಕೆಪಿ ಜಾರ್ಜ್ ಬೊಕ್ಕ ಸುದರ್ಶನ್ ಕೆ ಪಾಟೀಲ್ ನ್ಯಾಯಾಧೀಶೆರಾತೆರ್.

Indian origin Arun Subramanian appointed as judge in the US

Arun Subramanian an Indian origin American has been appointed as judge in a US court.

He took charge as a judge of the Southern district court in New York.He is the first South Asian to be selected as judge in this bench said the judicial committee responsible for his appointment.
To date Julie A Mathew, K P George and Sudarshan K Patil of Indian origin were selected as Judges.

Israeli army raid Palestine – 6 persons killed ಪ್ಯಾಲೆಸ್ತೀನ್ ದ ಮಿತ್ತ್ ಇಸ್ರೇಲ್ ಸೇನೆದ ದಾಳಿ: 6 ಜನ ತೀರ್ ಪೋಯೆರ್

ಪ್ಯಾಲೆಸ್ತೀನ್ ದ ಜೆನಿನ್ ಪೇಂಟೆದ ಮಿತ್ತ್ ಇಸ್ರೇಲ್ ಸೇನೆ ಕುಡೊರ ನಡಪಾಯಿನ ಹಠಾತ್ ದಾಳಿಡ್ 6 ಜನ ತೀರ್ ಪೋಯೆರ್.

ಈ ದಾಳಿಗ್ ಕೈತಲ್ ದ ಉಗ್ರಗಾಮಿಲು ಬೆಚ್ಚ ಆತೆರ್. ಈ ದಾಳಿ ಮೂಜಿ ಗಂಟೆದ ಪೊರ್ತು ನಡತ್ಂಡ್. ಕರಿನ ತಿಂಗೊಲ್ ನಬ್ಲುಸ್ ಡ್ ರಡ್ಡ್ ಇಸ್ರೇಲ್ ದಕ್ಲೆನ್ ಕೆರ್ತಿನೆಕ್ಕ್ ಪಗೆ ಬೂಟರೆ ಬೋಡಾದ್ ಪ್ಯಾಲೆಸ್ಟೈನ್ ದ ಮಿತ್ತ್ ಈ ದಾಳಿ ನಡತ್ಂಡ್ ಪಂದ್ ವರದಿ ಆತ್ಂಡ್.

Israeli army raid Palestine – 6 persons killed

In a sudden attack by the Israeli army on the town of Jenin in Palestine; 6 persons were killed.
The raids lasted three hours and authorities said that this raid was
was a counter attack and they had eliminated a person responsible for the killing of two Israeli settlers in the West Bank.

Congress recalls the bundh call given for tomorrow ಎಲ್ಲೆದ ಕರ್ನಾಟಕ ಬಂದ್ ಪಿರ ದೆತ್ತಿನ ಕಾಂಗ್ರೆಸ್

ಬೆಂಗ್ಲೂರ್: ರಾಜ್ಯಡ್ ಬಿಜೆಪಿ ಸರ್ಕಾರದ ಭ್ರಷ್ಟಾಚಾರದ ವಿರುದ್ಧ ಕಾಂಗ್ರೆಸ್ ಎಲ್ಲೆ (ಮಾ.9) ಮಲ್ಪರೆ ಇತ್ತಿನ ಕರ್ನಾಟಕ ಬಂದ್ ನ್ ಪಿರ ದೆತ್ತ್ಂಡ್.

ಎಲ್ಲೆ ಬೊಲ್ಪುಗು 9 ಗಂಟೆರ್ದ್ 11 ಗಂಟೆ ಮುಟ್ಟ ಬಂದ್ ಮಲ್ಪರೆ ಕೆಪಿಸಿಸಿ ಕರೆ ಕೊರ್ದಿತ್ತ್ಂಡ್. ಆಂಡ ಸೆಕೆಂಡ್ ಪಿಯುಸಿ ಪರೀಕ್ಷೆ ಎಲ್ಲೆ ಸುರು ಆಪುರ್ನೆದಾವೆರ ಕಾಂಗ್ರೆಸ್ ಈ ತೀರ್ಮಾನನ್ ದೆತೊಂದುಂಡು ಪಂದ್ ಕೆಪಿಸಿಸಿ ಅಧ್ಯಕ್ಷೆರ್ ಡಿ ಕೆ ಶಿವಕುಮಾರ್ ಈ ಘೋಷಣೆನ್ ಮಲ್ದೆರ್. ನೇರ್ದಾವೆರ ಪಿಯುಸಿ ಕಲ್ಪಾರ್ಥಿಲು ನೆಮ್ಮದಿಡ್ ಉಲ್ಲೆರ್.

Srinivas Bhat couple honoured by Panchavarna Friends , Hejmady ಪೆಜಮಾಡಿ ಪಂಚವರ್ಣ ಫ್ರೆಂಡ್ಸ್ ವತಿರ್ದ್ ಶ್ರೀನಿವಾಸ್ ಭಟ್ ದಂಪತಿಗ್ ತಮ್ಮನ

ಪೆಜಮಾಡಿ ಬಸ್ತಿ ಪಡ್ಪು ಶ್ರೀ ಮಹಾಲಿಂಗೇಶ್ವರ ಅಬ್ಬಗ ದಾರಗ ಆಲಡೆದ ಜಾತ್ರೆ ಮಾ.7 ಕ್ಕ್ ನಡತ್ಂಡ್.

ಈ ಪೊರ್ತುಡು ಪೆಜಮಾಡಿ ಪಂಚವರ್ಣ ಫ್ರೆಂಡ್ಸ್ ವತಿರ್ದ್ ನಡತಿನ ಧರ್ಮ ಸಭೆಟ್ಟ್ ಅಬ್ಬಗ ದಾರಗ ಆಲಡೆದ ಪ್ರಧಾನ ಅರ್ಚಕೆರ್, ತನ್ನ ವೈವಾಹಿಕ ಜೀವನದ ಬೊಳ್ಳಿ ಪರ್ಬದ ಗೌಜಿಡ್ ಉಪ್ಪುನ ಶ್ರೀನಿವಾಸ್ ಭಟ್ ಬೊಕ್ಕ ರಜನಿ ಶ್ರೀನಿವಾಸ್ ಭಟ್ ದಂಪತಿಲು ಬೊಕ್ಕ ಸಮಾಜದ ಬೇತೆ ಬೇತೆ ಕ್ಷೇತ್ರಡ್ ಸುಮಾರ್ 35 ವರ್ಷೊರ್ದಿಂಚ ಪ್ರಾಮಾಣಿಕ ಸೇವೆ ಸಂದಾವೊಂದುಪ್ಪುನ ರವಿ ಕುಮಾರ್ ಕೊಳಂಬೆ, ವಸಂತ ದೇವಾಡಿಗ ಪೆಜಮಾಡಿ ಕೋಡಿ, ಉಮಾನಾಥ ಅಮೀನ್ ಪೆಜಮಾಡಿ ಕೋಡಿ ಮೊಕ್ಲೆಗ್ ಮಾಜಿ ಸಚಿವೆರ್ ವಿನಯಕುಮಾರ್ ಸೊರಕೆ ತಮ್ಮನ ಮಲ್ತೆರ್.

ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಆಬ್ಬಗ ದಾರಗ ದೈವೊಲ್ಯದ ಆಡಳಿತ ಮೊಕ್ತೇಸರೆರ್ ಸುರೇಶ್ ಶೆಟ್ಟಿ, ಉದ್ಯಮಿ ರಲ್ಫಿ ಡಿ ಕ್ರಾಸ್ತಾ, ಪೆಜಮಾಡಿ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಸುಭಾಷ್ ಜಿ ಸಾಲಿಯಾನ್, ಪ್ರಬೋಧ್ ಚಂದ್ರ ಪೆಜಮಾಡಿ, ಪಂಚವರ್ಣ ಫ್ರೆಂಡ್ಸ್ ಅಧ್ಯಕ್ಷೆರ್ ರವೀಂದ್ರ ಪೆಜಮಾಡಿ, ಪರಮೇಶ್ವರ ಪೆಜಮಾಡಿ, ರಾಜು ಪೆಜಮಾಡಿ, ಮಿಥುನ್ ಸುವರ್ಣ, ನಿತಿನ್ ಕೋಡಿ ಮೊಕುಲು ಮಾತ ಇತ್ತೆರ್.

Manik Saha to take oath as the chief minister of Tripura today ತ್ರಿಪುರಾದ ಮುಖ್ಯಮಂತ್ರಿಯಾದ್ ಮಾಣಿಕ್ ಸಹಾ ಇನಿ ಪ್ರಮಾಣ ವಚನ ಸ್ವೀಕಾರ

ತ್ರಿಪುರಾದ ಮುಖ್ಯಮಂತ್ರಿಯಾದ್ ಮಾಣಿಕ್ ಸಹಾ ಇನಿ ರಡ್ಡನೇ ಸರ್ತಿ ಪ್ರಮಾಣ ವಚನ ಸ್ವೀಕಾರ ಮಲ್ಪರೆ ಉಲ್ಲೆರ್.

ಮೆರೆನ ಪ್ರಮಾಣ ವಚನ ಲೇಸ್ ಡ್ ಪ್ರಧಾನಿ ನರೇಂದ್ರ ಮೋದಿ ಬೊಕ್ಕ ಕೇಂದ್ರ ಗೃಹ ಸಚಿವೆರ್ ಅಮಿತ್ ಶಾ ಪಾಲ್ ಪಡೆಯೆರೆ ಉಲ್ಲೆರ್. ರಾಜ್ಯಡ್ ನಡತಿನ 60 ವಿಧಾನಸಭಾ ವೋಟುಡು ಬಿಜೆಪಿ 32 ತಾನನ್ ಗೆಂದ್ ದ್ಂಡ್. ತಿಪ್ರಾ ಮೋತಾ ಪಕ್ಷ 13 ನೇ ತಾನದೊಟ್ಟಿಗೆ ರಡ್ಡನೇ ತಾನಡ್ ಉಂಡು. ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ 11 ತಾನ ಗೆಂದ್ ದ್ಂಡ್.

Manik Saha to take oath as the chief minister of Tripura today

Manik Saha will take charge as the CM of Tripura for the second time today.
The PM Narendra Modi and home minister Amit Shah will take part in the oath taking ceremony.
BJP won 32 of the 60 seats in the recently conducted Vidhana Sabha elections.

Li Qiang to be the new Prime minister of China ಲಿ ಕಿಯಾಂಗ್ ಚೀನಾದ ನನದ ಪ್ರಧಾನಿ

ಚೀನಾ ಅಧ್ಯಕ್ಷೆರ್ ಕ್ಸಿ ಜಿನ್ ಪಿಂಗ್ ಮೆರೆನ ನಿಕಟವರ್ತಿ ಲಿ ಕಿಯಾಂಗ್ ಚೀನಾ ದೇಶದ ನನದ ಪ್ರಧಾನಿ ಆವೆರೆ ಉಲ್ಲೆರ್.

ಕೊರೊನಾ ಲಾಕ್ ಡೌನ್ ಪೊರ್ತುಡು ಪ್ರಮುಖ ಪೇಂಟೆದ ಶಾಂಘೈಡ್ ಕಟ್ಟುನಿಟ್ಟಾಯಿನ ಕಾನೂನು ಜಾರಿ ಆಪುಲೆಕ್ಕ ಲಿಯಾಂಗ್ ಕ್ರಮ ದೆತೊನೊಂದು ಇತ್ತೆರ್. ಅಧ್ಯಕ್ಷೆರ್ ಜಿನ್ ಪಿಂಗ್ ನೊಟ್ಟಿಗೆ ಎಡ್ಡೆಪ್ಪುಡ್ ಇತ್ತಿರ್ನೆದಾವೆರ ಪ್ರಧಾನಿ ಪಟ್ಟೊಗು ಏರ್ದೆರ್.

Li Qiang to be the new Prime minister of China

A close associate of Chinese President Kwen Jin Ping; Li Qiang is the next Prime minister incumbent of China.

He was responsible for imposing strict laws and maintaing order in the city of Shangai during the difficult COVID-19 period.

Radio Manipal to air a program to highlight the importance of clean drinking water ರೇಡಿಯೊ ಮಣಿಪಾಲ್ ಡ್ ಪರ್ಪಿನ ನೀರ್ ದ ಪ್ರಾಮುಖ್ಯತೆದ ಬಗೆಟ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಮಾ.7 ಅಂಗಾರೆ ಬಯ್ಯಗ್ 6 ಗಂಟೆಗ್ ಪರ್ಪಿನ ನೀರ್ ದ ಪ್ರಾಮುಖ್ಯತೆದ ಬಗೆಟ್ ಪ್ರಸಾರ ಆಂಡ್.

ಈ ಲೇಸ್ ಡ್ ಮಣಿಪಾಲ ಕೆ.ಎಂ.ಸಿ ಸಮುದಾಯದ ವೈದ್ಯಕೀಯ ವಿಭಾಗಡ್ ವೈದ್ಯಕೀಯ ಸಮಾಜ ಸೇವಕೆರಾಯಿನ ನೀಲಾವತಿ ಎ. ಪಾಲ್ ಪಡೆವೆರ್. ನನ ಮಾ.8 ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

Soft Selection Commission (SSC) 5369 vacancies-applications called for ಸ್ಟಾಫ್ ಸೆಲೆಕ್ಷನ್ ಕಮಿಷನ್ (SSC) ಡ್ 5369 ಬೇಲೆ

ಸ್ಟಾಫ್ ಸೆಲೆಕ್ಷನ್ ಕಮಿಷನ್ (SSC) ಡ್ ಖಾಲಿ ಇಪ್ಪುನ 5369 ಬೇಲೆಗ್ ಅರ್ಜಿ ಪಾಡೊಲಿ.

ನೆಟ್ಟ್ ಇನ್ವೆಸ್ಟಿಗೇಟರ್ ಗ್ರೇಡ್-2, ಅಕೌಂಟೆಂಟ್, ಟೆಕ್ನಿಕಲ್ ಅಸಿಸ್ಟೆಂಟ್ ಬೇಲೆಲು ಉಂಡು. 10 ನೇ ಕ್ಲಾಸ್, ಇಂಟರ್, ಪದವಿಗ್ ಅನುಗುಣವಾದ್ ಅರ್ಜಿ ಪಾಡೊಲಿ. 18 ರ್ದ್ 30 ವರ್ಷದೊಲಯಿ ಇಪ್ಪೊಡು. ಅರ್ಜಿ ಸಂದಾಯೆರೆ ಮಾ.27 ಅಕೇರಿದ ತಾರೀಕ್. ಅರ್ಜಿ ಶುಲ್ಕ 100 ರೂ. ಕಟ್ಟೊಡು. ನೆತ್ತ ಪರೀಕ್ಷೆ ಜೂನ್ ಅತ್ತಂಡ ಜುಲೈ ತಿಂಗೊಲ್ಡ್ ನಡಪುನ ಸಾಧ್ಯತೆ ಉಂಡು. ನೆತ್ತ ವೆಬ್‌ಸೈಟ್: https://ssc.nic.in

Soft Selection Commission (SSC) 5369 vacancies-applications called for

Applications are called for 5369 vacancies in different categories of SSC.
For more details and information log on to their website: https://ssc. nic. in