ಹುಷಾರ್ದಾಂತೆ ತೀರ್ ಪೋಯೆರ್ ಆನಂದಾಶ್ರಮ ಫ್ರೌಡಶಾಲೆದ ಪಿಟಿ ಮಾಸ್ಟರ್ ತಾರಾನಾಥ್ ರೈ
ಹುಷಾರ್ದಾಂತೆ ಕೋಟೆಕಾರ್ ಸೋಮೇಶ್ವರ ಆನಂದಾಶ್ರಮ ಫ್ರೌಡಶಾಲೆದ ಪಿಟಿ ಮಾಸ್ಟರ್ ತಾರನಾಥ್ ರೈ ಇನಿ ತೀರ್ ಪೋಯೆರ್.
ಮೆರೆನ ಅಕೇರಿದ ಕ್ರಿಯೆ ಎಲ್ಲೆ ನಡಪರೆ ಉಂಡು.
January 2023
ಉಗ್ರೆರೆನ್ ಪತ್ತುನ ಬೇಲೆನ್ ಸುಲಭ ಮಲ್ಪರೆ ರೆಡಿ ಆಯಿನ ಎಲಿಕುಲು!
ಡಿಆರ್ ಡಿಒ ವಿಜ್ಞಾನಿಲು ದೇಶದ ರಕ್ಷಣೆಗ್ ಎಲಿ ಸೈಬೋರ್ಗ್ಸ್ ಲೆನ ಸುರುತ ಕೂಟ ತಯಾರ್ ಮಲ್ದೆರ್.
ಬೊಂಬೈದ ಉಗ್ರೆರೆನ ದಾಳಿದಂಚಿನ ಪೊರ್ತುಡು ಈ ಎಲಿಕುಲು ಕಟ್ವಾಣದ ಉಲಯಿರ್ದ್ ಲೈವ್ ವೀಡಿಯೋ ಮಾಹಿತಿನ್ ಭದ್ರತಾ ಸಿಬ್ಬಂದಿಗ್ ಕೊರ್ಪುಂಡು. ದೆಂಗ್ ದ್ ಕುಲ್ಲುದು ಇತ್ತಿನ ಉಗ್ರೆರೆನ ಮಾತ ಮಾಹಿತಿ ನೆಟ್ಟ್ ತಿಕ್ಕುಂಡು. ಅವ್ವತ್ತಂದೆ ಹೈದರಾಬಾದ್ ದ ಡಿಆರ್ ಡಿಒ ಯುವ ವಿಜ್ಞಾನಿಲು ಎಲಿ ಸೈಬೋರ್ಗ್ಸ್ ಗ್ ಪ್ರಯೋಗಾಲಯಡ್ ತರಬೇತಿ ಕೊರ್ತೆರ್.
ಭಾರತ ಬೊಕ್ಕ ಶ್ರೀಲಂಕಾದ ಇನಿ ಕಡೆತ್ತ ಪಂತೊ
ಟೀಂ ಇಂಡಿಯಾ ಬೊಕ್ಕ ಶ್ರೀಲಂಕಾದ ನಡುಟ್ಟು 3 ನೇ ದ ಬೊಕ್ಕ ಕಡೆತ್ತ ಟಿ20 ಪಂತೊ ಇನಿ ರಾಜ್ ಕೋಟ್ ಡ್ ಬಯ್ಯಗ್ 7 ಗಂಟೆಗ್ ನಡಪರೆ ಉಂಡು.
ಇತ್ತೆ ತಲಾ ಪಂತೊ ಗೆಂದಿನ ರಡ್ಡ್ ತಂಡಲು ಟ್ರೋಫಿ ಪತ್ತರೆ ಬೇತೆ ಬೇತೆ ರಣತಂತ್ರ ಮಲ್ತೊಂದು ಉಂಡು.
ಕುಂದಾಪುರ: ಅಂತಾರಾಜ್ಯದ ರಡ್ಡ್ ಕಲ್ವೆರ್ ಬೊಕ್ಕ 16 ಲಕ್ಷ ಬಿಲೆತ್ತ ಸೊತ್ತುಲು ಪೊಲೀಸ್ ವಶಕ್ಕ್
ಕುಂದಾಪುರ: ಕರಿನ ಮೂಜಿ ತಿಂಗೊಲ್ದ ಪಿರವು ಕೋಟೇಶ್ವರದ ಒಂಜಿ ಇಲ್ಲಡ್ ಬಾಕಿಲ್ ಪುಡಾತ್ ದ್ ಬಂಗಾರ್ ಕಂಡಿನ ಕೇಸ್ ದ ಬಗೆಟ್ ರಡ್ಡ್ ಆರೋಪಿಲೆನ್ ಕುಂದಾಪುರ ವೃತ್ತನಿರೀಕ್ಷಕೆರ್, ಉಪನಿರೀಕ್ಷಕರೆನ ಮುತಾಲಿಕೆಡ್ ಪೊಲೀಸೆರೆನ ಕೂಟ ಅರೆಸ್ಟ್ ಮಲ್ದ್ಂಡ್.
ಈ ಬಗೆಟ್ ತನಿಖಾಧಿಕಾರಿ ವೃತ್ತನಿರೀಕ್ಷಕೆರ್ ಗೋಪಿಕೃಷ್ಣ ಕೆ.ಆರ್. ತನಿಖೆ ಮಲ್ತೊಂದು ಉಲ್ಲೆರ್. ಕಾಸ್ರೋಡು ಹೊಸದುರ್ಗ ಪೆರಿಯಾಟಡುಕಂ ನಿವಾಸಿ ಹಾಶಿಮ್ ಎ.ಎಚ್ (42) ನ್ ಕೇರಳದ ಕಾಸ್ರೋಡುಡ್ ಬೊಕ್ಕ ಕುಂಬಳೆ ಮಂಜೇಶ್ವರದ ಅಬೂಬಕ್ಕರ್ ಸಿದ್ದಿಕ್ (48)ನ್ ಮಡಿಕೇರಿಡ್ ವಶಕ್ಕ್ ಪಡೆತೆರ್. ಮೊಕುಲು ಜಿಲ್ಲೆದ ಒಡಿಪು ಪೇಂಟೆದ ಪೊಲೀಸ್ ಠಾಣೆ, ಮಲ್ಪೆ, ಕುಂದಾಪುರ ಪೊಲೀಸ್ ಠಾಣೆ ವ್ಯಾಪ್ತಿದ ಇಲ್ಲಡ್ ಕಂಡ್ ದ್, ಬಂಗಾರ್ ನ್ ಕೇರಳ ಮಂಜೇಶ್ವರ ತಾಲೂಕ್ ದ ಜುವೆಲ್ಸರ್ಸ್ ಒಂಜೇಕ್ ಮಾರ್ದೆರ್. ಮಾರಿನ ಜುವೆಲ್ಲರಿರ್ದ್ 15 ಲಕ್ಷ ಬಿಲೆತ 300 ಗ್ರಾಂ ಬಂಗಾರ್, 1 ಲಕ್ಷ ಬಿಲೆತ 1481 ಗ್ರಾಂ ಬೊಳ್ಳಿ, ಒಟ್ಟು 16 ಲಕ್ಷ ಬಿಲೆತ ಸೊತ್ತುಲೆನ್ ವಶಕ್ಕ್ ಪಡೆತೆರ್. ಮೊಕ್ಲೆನ್ ಜ.6 ಕ್ ಕೋರ್ಟ್ ಗ್ ಹಾಜರ್ ಮಲ್ದೆರ್. ಕುಂದಾಪುರ ವೃತ್ತ ನಿರೀಕ್ಷಕ ಗೋಪಿಕೃಷ್ಣ ಕೆ.ಆರ್ ಮುತಾಲಿಕೆಡ್, ಕುಂದಾಪುರ ಪೊಲೀಸ್ ಠಾಣೆದ ಉಪನಿರೀಕ್ಷಕೆರಾಯಿನ ಸದಾಶಿವ ಗವರೋಜಿ, ಪ್ರಸಾದ್ ಕುಮಾರ್ ಕೆ., ಎಎಸ್ಐ ಸುದಾಕರ, ಸಿಬ್ಬಂದಿಲಾಯಿನ ಸಂತೋಷ ಕುಮಾರ್, ಕೆ.ಯು ಸಂತೋಷ ಕುಮಾರ್, ರಾಮಪೂಜಾರಿ ಈ ಕೇಸ್ ದ ಆರೋಪಿಲೆನ್ ಪತ್ತೆರೆ ಸಕಾಯ ಮಲ್ದೆರ್.
ಕಾಸ್ರೋಡುದ ಬೀಡಿ ಕಾರ್ಮಿಕೆ ಇತ್ತೆ ಅಮೆರಿಕಾಡ್ ಜಡ್ಜ್!
ಕಾಸ್ರೋಡು: ಕಾಸ್ರೋಡುಡ್ ಬೀಡಿ ಕಟ್ಟ್ ದ್ ಜೀವನ ಮಲ್ತೊಂದು ಇತ್ತಿನ ಸುರೇಂದ್ರನ್ ಕೆ. ಪಟೇಲ್ (51 ) ಮೇರ್ ಇತ್ತೆ ಅಮೆರಿಕಾದ ಟೆಕ್ಸಾಸ್ದ 240ನೇ ಡಿಸ್ಟ್ರಿಕ್ಟ್ ಕೋರ್ಟ್ ಜಡ್ಜ್ ಆದ್ ನೇಮಕ ಆತೆರ್.
ಮೇರ್ ಪೊಸ ವರ್ಷದಾನಿಯೇ ಜಡ್ಜ್ ಆದ್ ಪ್ರಮಾಣ ವಚನ ಸ್ವೀಕಾರ ಮಲ್ತೆರ್. ವಕೀಲೆರ್ ಆಪುನ ದುಂಬು ಕಾಸ್ರೋಡುಡ್ ಬೀಡಿ ಫ್ಯಾಕ್ಟರಿಡ್ ಕೂಲಿ ಕಾರ್ಮಿಕೆರಾದ್ ಬೆನೊಂದು ಇತ್ತಿನ ಮೇರ್ ಸುಮಾರ್ 10 ವರ್ಷ ಕಾಲ ಕರ್ನಾಟಕಡೇ ಸೇವೆ ಸಂದಾಯೆರ್. ಬೊಕ್ಕ ಡೆಲ್ಲಿಡ್ ನರ್ಸ್ ಆದಿತ್ತಿನ ಕಾಸ್ರೋಡು ಮೂಲದ ಪೊಂಜೋವ್ ನ್ ಮದಿಮೆ ಆಯಿನ ಬೊಕ್ಕ ಸುಪ್ರೀಂಕೋರ್ಟ್ಡ್ ವಕೀಲೆರಾದ್ ಸೇವೆ ಸಂದಾಯೆರ್. ಆಯಿರ್ದ್ ಬೊಕ್ಕ ಬೊಡೆದಿನೊಟ್ಟಿಗೆ ಅಮೆರಿಕಾಗ್ ಪೋದು ಅಲ್ಪನೇ ವಕೀಲೆರಾದ್ ಬೇಲೆ ಮಲ್ತೊಂದು ಇತ್ತೆರ್. ಇತ್ತೆ ಅಮೆರಿಕಾದ ಜಡ್ಜ್ ಆದ್ ನೇಮಕ ಆತೆರ್.
ಬೆಂಗ್ಲೂರ್ ನಾಯಿಗ್ 20 ಕೋಟಿ ರೂ. ಆಫರ್
ಬೆಂಗ್ಲೂರ್: ಇಡೀ ದೇಶಡ್ ಸುಮಾರ್ ಜಾತಿದ ನಾಯಿಲು ಉಂಡು. ಈ ನಾಯಿಲೆಡ್ ಕಕೇಷ್ಯನ್ ಶೆಫರ್ಡ್ ಜಾತಿದ ನಾಯಿಲ ಒಂಜಿ. ಇತ್ತೆ ಈ ನಾಯಿ ಒಂಜಿ 20 ಕೋಟಿ ರೂ. ಆಫರ್ಗ್ ಬೆಂಗ್ಲೂರ್ ಡ್ ಸುದ್ದಿ ಆತ್ಂಡ್.
ಈ ಆಫರ್ ನ್ ಬೆಂಗ್ಲೂರ್ ದ ಜನಕ್ ಹೈದರಾಬಾದ್ ಬಿಲ್ಡರ್ವೊರಿ ಕೊರ್ತೆರ್. ಆಂಡ ಭಾರತೀಯ ಶ್ವಾನ ತಳಿಗಾರೆರೆನ ಸಂಘದ ಅಧ್ಯಕ್ಷೆರ್ ಎಸ್. ಸತೀಶ್ ತನ್ನ ಪ್ರೀತಿದ ನಾಯಿನ್ ತಾನೇ ಸಾಂಕುನ ಯೋಜನೆರ್ದ್ ಆಫರ್ ನ್ ನಿರಾಕರಿಸಾದೆರ್. ಕ್ಯಾಡಾಬೊಮ್ಸ್ ಹೇಡರ್ ಪುದರ್ ದ ಒಂಜರೆ ವರ್ಷದ ಕಕೇಷ್ಯನ್ ಶೆಫರ್ಡ್ ನಾಯಿ ಸುಮಾರ್ 100 ಕೆ.ಜಿ ತೂಕ ಉಂಡು. ತೂಯರೆ ಸಿಂಹದಲೆಕ್ಕನೇ ತೂಜುನ ಈ ನಾಯಿದ ತರೆತ ಗಾತ್ರ 38 ಇಂಚ್ ಉಂಡು, ಪುಗೆಲ್ 34 ಇಂಚ್ ಉಂಡು. ಅತ್ತಂದೆ ನೆತ್ತ ಕಾರ್ 2 ಲೀಟರ್ ಜ್ಯೂಸ್ ಬಾಟಲಿದಾತ್ ಮಲ್ಲ ಉಂಡು. ಅವ್ವತ್ತಂದೆ ಈ ನಾಯಿ ತಿರುವನಂತಪುರಂ ಕೆನಲ್ ಕ್ಲಬ್ ಪಂತೊಡ್ ಪಾಲ್ ಪಡೆದ್ ಸುಮಾರ್ ಪ್ರಶಸ್ತಿಲೆನ್ ಗೆಂದ್ ದ್ಂಡ್ ಕ್ಯಾಸ್ಪಿಯನ್ ಬೊಕ್ಕ ಕಪ್ಪು ಕಡಲ್ ದ ನಡುಟ್ ಇಪ್ಪುನ ಕಕೇಷ್ಯಾ ಪ್ರಾಂತ್ಯದ ಕೈತಲ್ ದ ಕಕೇಷಿಯನ್ ಶೆಫರ್ಡ್ ನಾಯಿನ್ ಕೈಕಂಜಿಲೆನ್ ಕಾಪರೆ ಸಾಂಕ್ ವೆರ್. ಈ ಜಾತಿದ ನಾಯಿ ಜಾರ್ಜಿಯಾ, ಅರ್ಮೇನಿಯಾ, ಅಜೆರ್ಬೈಜಾನ್, ಒಸ್ಸೆಟಿಯಾ, ಸರ್ಕಾಸಿಯಾ, ಟರ್ಕಿ, ರಷ್ಯಾ ಬೊಕ್ಕ ಡಾಗೆಸ್ತಾನ್ ದೇಶಡ್ ತೂಯೆರೆ ತಿಕ್ಕುಂಡು. ಭಾರತ ದೇಶಡ್ ತೂಯೆರೆ ತಿಕ್ಕುನೇ ಅಪರೂಪ ಪಂದ್ ಸತೀಶ್ ಪಂಡೆರ್.
ಉಡುಪಿದ ಸುದ್ದಿ | Udupi News
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ರಾಜಕೀಯ ಸುದ್ದಿ | Political News
ರಾಜ್ಯದ ಸುದ್ದಿ | State News
ವಿಧಾನಸಭೆ ವೋಟುಗು ಎಸ್ಡಿಪಿಐ ಆಭ್ಯರ್ಥಿಲೆನ ಸುರುತ್ತ ಪಟ್ಟಿ ಬುಡುಗಡೆ
ಬೆಂಗ್ಲೂರು: 2023 ತ್ತ ಕರ್ನಾಟಕ ವಿಧಾನಸಭಾ ವೋಟುಗು ಎಸ್ಡಿಪಿಐ ತನ್ನ ಅಭ್ಯರ್ಥಿಲೆನ ಸುರುತ್ತ ಪಟ್ಟಿನ್ ಬುಡುಗಡೆ ಮಲ್ತ್ದ್ಂಡ್.
ಬೆಂಗ್ಲೂರುಡು ಸುದ್ದಿಗೋಷ್ಠಿ ಮಲ್ತಿನ ಎಸ್ಡಿಪಿಐ ರಾಷ್ಟ್ರೀಯ ಅಧ್ಯಕ್ಷೆರ್ ಎಮ್.ಕೆ. ಪೈಝಿ ಮೇರ್, ಎಸ್ಡಿಪಿಐ ಆಭ್ಯರ್ಥಿಲೆನ ಸುರುತ್ತ ಪಟ್ಟಿನ್ ಬುಡುಗಡೆ ಮಲ್ತೆರ್.
10 ಕ್ಷೇತ್ರಡ್ ಸ್ಪರ್ಧಿಸಾವುನ ಆಭ್ಯರ್ಥಿಲೆನ ಪಟ್ಟಿ ಇಂಚ ಉಂಡು.
ಬಂಟ್ವಾಳ (ದಕ್ಷಿಣ ಕನ್ನಡ) – ಇಲ್ಯಾಸ್ ಮಹಮ್ಮದ್ ತುಂಬೆ
ಬೆದ್ರ (ದಕ್ಷಿಣ ಕನ್ನಡ) – ಅಲ್ಫೋನ್ಸೋ ಫ್ರಾಂಕೋ
ಬೊಲ್ತೇರ್: (ದಕ್ಷಿಣ ಕನ್ನಡ) – ಅಕ್ಬರ್ ಬೊಲ್ತೇರ್
ಕಾಪು (ಒಡಿಪು) – ಹನೀಫ್ ಮುಳೂರು
ದಾವಣಗೆರೆ ದಕ್ಷಿಣ (ದಾವಣಗೆರೆ) – ಇಸ್ಮಾಯಿಲ್ ಝಬೀವುಲ್ಲಾ
ನರಸಿಂಹರಾಜ ಕ್ಷೇತ್ರ – ಅಬ್ದುಲ್ ಮಜೀದ್ ಮೈಸೂರು
ಪುಲಕೇಶಿ ನಗರ – ಬಿ.ಆರ್ ಭಾಸ್ಕರ್ ಪ್ರಸಾದ್
ಸರ್ವಜ್ಞ ನಗರ (ಬೆಂಗ್ಲೂರು) – ಅಬ್ದುಲ್ ಹನ್ನಾನ್
ಚಿತ್ರದುರ್ಗ – ಬಾಳೆಕಾಯಿ ಶ್ರೀನಿವಾಸ್
ವಿಜಯನಗರ – ನಝೀರ್ ಖಾನ್
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಪಣೋಲಿಬೈಲ್ ಡ್ ಜ.9-16 ಮುಟ್ಟ ಅಗೆಲ್ ಸೇವೆ ಬೊಕ್ಕ ಕೋಲ ಸೇವೆ ಇಜ್ಜಿ
ಬಂಟ್ವಾಳ: ಸಜೀಪಮೂಡ ಗ್ರಾಮದ ಕಾರ್ಣಿಕ ಕ್ಷೇತ್ರ ಪಣೋಲಿಬೈಲು ಶ್ರೀ ಕಲ್ಲುರ್ಟಿ ದೈವಸ್ಥಾನಡ್ ಜ.9-16 ಮುಟ್ಟ ಅಗೆಲ್ ಸೇವೆ ಬೊಕ್ಕ ಕೋಲ ಸೇವೆ ಇಪ್ಪುಜಿ ಪಂದ್ ಕ್ಷೇತ್ರ ಪ್ರಕಟಣೆಡ್ ತೆರಿಪಾದೆರ್.
ಸಜೀಪ ಮಾಗಣೆ ಶ್ರೀ ಉಳ್ಳಾಲ್ತಿ ಅಮ್ಮ ಮೆರೆನ ವಾರ್ಷಿಕ ಪುದ್ದಾರ್ ಮೆಚ್ಚಿ ಜಾತ್ರೆ ಇಪ್ಪುನೆಡ್ದಾವರ ಕ್ಷೇತ್ರಡ್ ಅಗೆಲ್ ಸೇವೆ ಬೊಕ್ಕ ಕೋಲ ಸೇವೆ ಇಪ್ಪುಜಿ.
ಇಮಾನಡ್ ಪೊಂಜೋವ್ ನ ಮಿತ್ತ್ ಪಡಿಕೆ ಮೈತಿನ ಆರೋಪಿ ಶಂಕರ್ ಮಿಶ್ರಾ ಅರೆಸ್ಟ್
ಬೆಂಗ್ಲೂರ್: ಅಮೆರಿಕರ್ದ್ ಡೆಲ್ಲಿಗ್ ಬರೊಂದು ಇತ್ತಿನ ಏರ್ ಇಂಡಿಯಾ ಇಮಾನಡ್ ಪೊಂಜೋವ್ ಪ್ರಯಾಣಿಕೆರೆನ ಮಿತ್ತ್ ಪಡಿಕೆ ಮಲ್ತಿನ ಕೇಸ್ ದ ಆರೋಪಿ ಶಂಕರ್ ಮಿಶ್ರಾನ್ ಬೆಂಗ್ಲೂರ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಶಂಕರ್ ಮಿಶ್ರಾ ಅಮೆರಿಕ ಮೂಲದ ಕಂಪೆನಿಡ್ ಮಲ್ಲ ಪೋಸ್ಟ್ ಡ್ ಉಲ್ಲೆರ್. ಭಾರತಡ್ ಆ ಸಂಸ್ಥೆದ ಉಪಾಧ್ಯಕ್ಷೆರಾತೆರ್. ಎಡ್ಡೆ ಶಿಕ್ಷಣ ಪಡೆಂಡಾಲ ಪರ್ತಿನ ಅಮಲ್ ಡ್ ಈ ಬೇಲೆ ಮಲ್ತ್ ದ್ ಇತ್ತೆ ಪೊಲೀಸೆರ್ನ ಕೈಕ್ ತಿಕ್ ದೆರ್.
ಒಂಜೇ ದಿನ 1.28 ಲಕ್ಷ ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನಾ ಅಕೌಂಟ್ ನೋಂದಣಿ: ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್ ದ ಪೊಸ ದಾಖಲೆ
ಕುಡ್ಲ: ಕರ್ನಾಟಕ ಗ್ರಾಮೀಣ ವಿಕಾಸ ಬ್ಯಾಂಕ್, ಅಟಲ್ ಪಿಂಚಣಿ ಯೋಜನೆ (ಎಪಿವೈ) ಅಡಿಡ್ ಒಂಜೇ ದಿನ 45,000 ಅಕೌಂಟ್ ಲೆನ್ ನೋಂದಣಿ ಮಲ್ಪುನ ಮುಖೇನ ರಾಷ್ಟ್ರೀಯ ದಾಖಲೆಗ್ ಮಲ್ತ್ ದಿತ್ತ್ಂಡ್. ಇತ್ತೆ ಈ ಬ್ಯಾಂಕ್ ಒಂಜೇ ದಿನ 1,28,857 ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆ ಅಕೌಂಟ್ ನೋಂದಣಿ ಮಲ್ಪುನ ಮುಖೇನ ಕುಡೊಂಜಿ ದಾಖಲೆ ಬರೆತ್ಂಡ್ ಪಂದ್ ಬ್ಯಾಂಕ್ ದ ಅಧ್ಯಕ್ಷೆರ್ ಪಿ ಗೋಪಿಕೃಷ್ಣ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
ಈ ಪೊರ್ತುಡು ಮೇರ್ ಪಾತೆರ್ದ್, ಆರ್ಥಿಕವಾದ್ ಪಿರವು ಒರಿನ ಬೊಕ್ಕ ಕಡಿಮೆ ಆದಾಯದ ವರ್ಗದಕ್ಲೆಗ್ ಆಕ್ಲೆನ ಕೈಟ್ ಆಪುನಾತೆಟ್ ಕಾಸ್ ದ ಸೇವೆಲೆನ್ ಎತ್ತಾಯೆರೆ ಬ್ಯಾಂಕ್ ತೂಪುಂಡು. ಅಂಚನೆ ಸಾಮಾಜಿಕ ಭದ್ರತಾ ಯೋಜನೆ ಆಯಿನ ಅಟಲ್ ಪಿಂಚಣಿ ಯೋಜನೆ (ಎಪಿವೈ), ಪ್ರಧಾನ ಮಂತ್ರಿ ಜೀವನ್ಜ್ಯೋತಿ ಭೀಮಾಯೋಜನೆ (ಪಿಎಂಜೆಜೆಬಿವೈ) ಬೊಕ್ಕ ಪ್ರಧಾನ ಮಂತ್ರಿ ಸುರಕ್ಷಾ ಭೀಮಾ ಯೋಜನೆಲೆನ (ಪಿಎಂಎಸ್ಬಿವೈ) ಅನುಷ್ಠಾನಡ್ ಬ್ಯಾಂಕ್ ಎಡ್ಡೆ ಕಾರ್ಯ ನಿರ್ವಹಿಸೊಡು ಪಂದ್ ಪಂಡೆರ್. ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆ (ಪಿ ಎಮ್ಎಸ್ ಬಿ ವಾಯ್) 18 ರ್ದ್ 70 ವರ್ಷದುಲಯಿದ ಬ್ಯಾಂಕ್ ಆಕೌಂಟ್ ದಕ್ಲೆಗ್ ವಾರ್ಷಿಕ ನವೀಕರಣದ ಆಧಾರದ ಮಿತ್ತ್ ಕೇವಲ ವಾರ್ಷಿಕ 20 ರೂ.ಡ್ ಆಕ್ಸಿಡೆಂಟ್ ವಿಮಾ ಸೌಲಭ್ಯನ್ ಕೊರ್ಪುಂಡು. ನೆಟ್ಟ್ ಪಾಲಿಸಿದಾರ್ ಸೈತ್ಂಡ ಬೊಕ್ಕ ಪೂರ ಅಂಗವೈಕಲ್ಯ ಆಂಡ 2 ಲಕ್ಷ ರೂ. ಬೊಕ್ಕ ಒಂತೆ ಅಂಗವೈಕಲ್ಯ ಆಂಡ 1ಲಕ್ಷ ರೂ. ಕೊರ್ಪುಂಡು. ಈ ಇಸಯಲೆನ್ ಜನಸಾಮಾನ್ಯರೆಗ್ ತೆರಿಪಾಯೆರೆ ಬ್ಯಾಂಕ್ ತನ್ನ ಬೇಲೆನ್ ಮತ್ತೊಂದು ಉಂಡು. ಈ ಯೋಜನೆ ಸುರು ಆದ್ ಇಡೇ ಮುಟ್ಟ 15,49,981 ಅಕೌಂಟ್ ಲೆನ್ ನೋಂದಣಿ ಮಲ್ದ್ಂಡ್. ಇತ್ತೆ ಬ್ಯಾಂಕ್ 9 ಜಿಲ್ಲೆಲೆಡ್ (ಧಾರವಾಡ, ಬೆಳಗಾವಿ, ಗದಗ, ಹಾವೇರಿ, ವಿಜಯಪುರ, ಬಾಗಲಕೋಟೆ, ಉತ್ತರಕನ್ನಡ, ಒಡಿಪು ಬೊಕ್ಕ ದಕ್ಷಿಣಕನ್ನಡ) 629 ಶಾಖೆಲೆನ್ ಕಜ್ಜೊ ಮಲ್ತೊಂದು ಉಂಡು. 30700 ಕೋಟಿ ರೂ.ವೈವಾಟ್ ಮಲ್ತೊಂದು ಇಪ್ಪುನ ಬ್ಯಾಂಕ್ ಸುಮಾರ್ 2000 ಹಳ್ಳಿಲೆಗ್ ರಚನಾತ್ಮಕ ಬ್ಯಾಂಕಿಂಗ್ ಸೇವೆಲೆನ್ ಕೊರೊಂದುಂಡು ಪಂದ್ ಪಂಡೆರ್.