January 2023

ರೇಡಿಯೋ ಮಣಿಪಾಲ್ ಡ್ ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 77ನೇ ಸಂಚಿಕೆ ಜ.7 ಸನಿಯಾರ ಬಯ್ಯಗ್ 4:15 ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಉಪನ್ಯಾಸಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ಪಾಲ್ ಪಡೆಯೆರೆ ಉಲ್ಲೆರ್. ಜ.8 ಕ್ ಮಧ್ಯಾಹ್ನ 12:15 ಕ್ ಮರುಪ್ರಸಾರ ಆಪುಂಡು.

ರೇಡಿಯೋ ಮಣಿಪಾಲ್ ಡ್ ಕಥೆ ಕೇಳೋಣ ಕೂಪೆ

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಕನ್ನಡ ಸಾಹಿತ್ಯ ಪರಿಷತ್ತ್ ಒಡಿಪು ಜಿಲ್ಲೆ ಬೊಕ್ಕ ಒಡಿಪು ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 36ನೇ ಸಂಚಿಕೆ ಜ.7 ಸನಿಯಾರ ಬಯ್ಯಗ್ 4:30 ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಬರವುಗಾರೆರ್ ಬೊಕ್ಕ ಸಹಾಯಕೆರ್ ಡಾ. ಸುಮತಿ ಪಿ. ಅಂಡಾರ್ ಪಾಲ್ ಪಡೆಯೆರೆ ಉಲ್ಲೆರ್. ಜ.8 ಕ್ ಮಧ್ಯಾಹ್ನ 12:30 ಕ್ ಮರುಪ್ರಸಾರ ಆಪುಂಡು.

ಜ.8: ಬಿರುವೆರ್ ಕುಡ್ಲ ಪೈವಳಿಕೆ ಘಟಕದ ಉದಿಪನ ಲೇಸ್ ಡ್ ಕುಡ್ಲದ ಪಿಲಿಕ್ಲೆನ ಪಿಲಿ ಗೊಬ್ಬು

ಕಾಸ್ರೋಡುದ ಪೈವಳಿಕೆಡ್ ಜ.8 ಕ್ ಬಿರುವೆರ್ ಕುಡ್ಲ ಪೈವಳಿಕೆ ಘಟಕದ ಉದಿಪನ ಲೇಸ್ ಬಾಯಿಕಟ್ಟೆದ ಶ್ರೀ ಅಯ್ಯಪ್ಪ ಭಜನಾ ಮಂದಿರಡ್ ನಡಪರೆ ಉಂಡು.

ನೆತ್ತ ಅಂಗವಾದ್ ಅವ್ವೇ ದಿನ 10 ಗಂಟೆಗ್ ಇಸೇಸ ಆಕರ್ಷಣೆದೊಟ್ಟಿಗೆ ಜೋಡುಕಲ್ಲ್ ರ್ದ್ ಬಾಯಿಕಟ್ಟೆ ಮುಟ್ಟ ಬೇತೆ ಬೇತೆ ವಾದ್ಯಘೋಷ ಬೊಕ್ಕ ಪಿಲಿನಲಿಕೆದೊಟ್ಟಿಗೆ ಮೆರವಣಿಗೆ ನಡಪರೆ ಉಂಡು. ಬೊಕ್ಕ ಮಧ್ಯಾಹ್ನ 1 ಗಂಟೆಗ್ ಸರಿಯಾದ್ ಕಾಸ್ರೋಡುಡ್ ಸುರುತ ಸರ್ತಿ ಕುಡ್ಲದ ಪಿಲಿಲೆನ ಪಿಲಿ ಗೊಬ್ಬು ಲೇಸ್ ನಡಪುಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲದ ಬೊಳ್ಳಿ ಪರ್ಬ ಲೇಸ್ ದುಂಬು ಪೋಂಡು: ಡಾ.ರಾಜಶೇಖರ ಕೋಟ್ಯಾನ್

ಪೆಜಮಾಡಿದ ಬಿಲ್ಲವರ ಸಂಘಡ್ ಜ.15ಕ್ ನಡಪರೆ ಇತ್ತಿನ ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲದ ಬೊಳ್ಳಿ ಪರ್ಬ ಲೇಸ್ ನ್ ದುಂಬು ಪೋತುಂಡು ಪಂದ್ ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲದ ಅಧ್ಯಕ್ಷೆರ್ ಡಾ.ರಾಜ್ ಶೇಖರ್ ಕೋಟ್ಯಾನ್ ತೆರಿಪಾಯೆರ್.

ಗುಲ್ಬರ್ಗದ ಚಿತ್ತಾಪುರ ಕರದಾಳ ಗ್ರಾಮದ ಬ್ರಹ್ಮಶ್ರೀ ನಾರಾಯಣಗುರು ಶಕ್ತಿ ಪೀಠದ ಪರಮ ಪೂಜ್ಯ ಡಾ.ಶ್ರೀ ಪ್ರಣಾವಾನಂದ ಸ್ವಾಮೀಜಿ ಬೊಕ್ಕ ಸಮಸ್ತ ಬಿಲ್ಲವ, ಈಡಿಗ, ನಾಮಧಾರಿ ಕುಲಬಾಂಧವರೆನ ಮುತಾಲಿಕೆಡ್ ಜ.6 ರ್ದ್ ಕುಡ್ಲದ ಕುದ್ರೋಳಿ ಕ್ಷೇತ್ರರ್ದ್ ಬೆಂಗ್ಲೂರ್ ದ ವಿಧಾನ ಸೌಧ ಮುಟ್ಟ ಐತಿಹಾಸಿಕ ಪಾದಯಾತ್ರೆ ನಡಪರೆ ಉಂಡು. ನೆಟ್ಟ್ ಸಮಾಜದ ಕುಲ ಬಾಂಧವೆರ್ ಎಚ್ಚದ ಸಂಖ್ಯೆಡ್ ಪಡೆವೊಂದುಲ್ಲೆರ್.ಅವ್ವತ್ತಂದೆ ಜ.14ಕ್ ಮಕರ ಸಂಕ್ರಾಂದಿ ಇಪ್ಪುನೆರ್ದಾವರ ಅಯ್ಯಪ್ಪ ಮಾಲೆ ಪಾಡಿನ ಸಮಾಜದ ಎಚ್ಚ ಭಾಂದವೆರ್ ಶಬರಿಮಲೆಕ್ ಪೋಪಿನೆರ್ದಾವರ ಈ ಲೇಸ್ ನ್ ಫೆಬ್ರವರಿ ತಿಂಗೊಲ್ದ ಅಕೇರಿಡ್ ಇಜ್ಜಿಂಡ ಮಾರ್ಚ್‌ಡ್ ಮಲ್ಪುನೇ ಪಂದ್ ನಿರ್ಧಾರ ಮಲ್ತ್ ದ ಪಂದ್ ಪಂಡೆರ್. ಈ ಪೊರ್ತುಡು ಮಹಾಮಂಡಲದ ಉಪಾಧ್ಯಕ್ಷೆರಾಯಿನ ಪೀತಾಂಬರ ಹೆರಾಜೆ, ಸೂರ್ಯಕಾಂತ್ ಜೆ. ಸುವರ್ಣ, ಪ್ರಧಾನ ಕಾರ್ಯದರ್ಶಿ ವಿಜಯ ಕುಮಾರ್ ಕುಬೆವೂರು, ಬೊಕ್ಕ ಬೇತೆ ಬೇತೆ ಸಂಘದ ಅಧ್ಯಕ್ಷೆರ್, ಪದಾಧಿಕಾರಿಲು ಇತ್ತೆರ್. ಫೆ.15 ಕ್ಕ್ ಪೆಜಮಾಡಿ ಬಿಲ್ಲವ ಸಂಘದ ಚಾವಡಿಡ್ ಬೊಳ್ಳಿ ಪರ್ಬದ ಲೇಸ್ ಮಲ್ಪರೆ ಅಟ್ಟಣೆ ಆದಿತ್ತ್ಂಡ್.

ಜ.8: ಮಿಯ್ಯಾರು ಲವಕುಶ ಜೋಡುಕರೆ ಕಂಬುಲ

ಕಾರ್ಲ ನವೋದಯ ಗ್ರಾಮ ವಿಕಾಸ ಚಾರಿಟೇಬಲ್ ಟ್ರಸ್ಟ್ ನೆತ್ತ ಮುತಾಲಿಕೆಡ್ ಜ.8ಕ್ 19ನೇ ವರ್ಷದ ಮಿಯ್ಯಾರು ಲವಕುಶ ಜೋಡುಕರೆ ಕಂಬುಲ ನಡಪರೆ ಉಂಡು ಪಂದ್ ಇಂಧನ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರ್ ಸುನಿಲ್ ಕುಮಾರ್ ತೆರಿಪಾದೆರ್.

ಇತ್ತೆ ಜಿಲ್ಲಾ ಕಂಬುಲ ಸಮಿತಿದ ಮುತಾಲಿಕೆಡ್ ಆಜೆರ್ದ್ ಏಳ್ ಜೋಡುಕರೆ ಕಂಬುಲ ಕೂಟಲು ನಡತ್ ದ್ಂಡ್. ಮಿಯ್ಯಾರ್ ಡ್ಲಾ ಸುಮಾರ್ 250 ಜತೆರ್ದ್ ಎಚ್ಚ ಎರ್ಲುಲು ಬೇತೆ ಬೇತೆ ವಿಭಾಗರ್ದ್ ಪಾಲ್ ಪಡೆಪುನ ನಿರೀಕ್ಷೆ ಉಂಡು ಪಂದ್ ಪಂಡೆರ್. ಬೊಕ್ಕ ಜಿಲ್ಲಾ ಕಂಬುಲ ಸಮಿತಿದ ಮಾರ್ಗದರ್ಶನದೊಟ್ಟಿಗೆ ಕಂಬುಲದ ಪೆರಿಯ ಅನುಭವಿ ಭಾಸ್ಕರ್ ಎಸ್ ಕೋಟ್ಯಾನ್, ಗುಣಪಾಲ ಕಡಂಬ, ಕಾರ್ಯಾಧ್ಯಕ್ಷೆರ್ ಜೀವನದಾಸ್ ಅಡ್ಯಂತಾಯ ಮೊಕ್ಲೆನ ಸಲಹೆ ಸೂಚನೆದೊಟ್ಟಿಗೆ ಈ ಕಂಬುಲನ್ ಆಯೋಜನೆ ಮಲ್ದ್ಂಡ್. ಅಂಚನೆ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರರ್ದ್ ಸುಮಾರ್ 25 ಲಕ್ಷ ರೂ ಅನುದಾನದ ಪೊಸ ಸಭಾ ವೇದಿಕೆ ನಿರ್ಮಾಣ ಆವೊಂದು ಉಂಡು. ನೆತ್ತ ಉದಿಪನ ಲೇಸ್ ಆನಿ ಬಯ್ಯಗ್ ನಡಪುಂಡು. ಬಯ್ಯಗ್ ನಡಪುನ ಸಭಾ ಲೇಸ್ ಡ್ ಪೊಸ ಸಭಾ ವೇದಿಕೆದ ಉದಿಪನನ್ ಪ್ರವಾಸೋದ್ಯಮ, ಜೀವವೈವಿಧ್ಯ ಬೊಕ್ಕ ಪರಿಸರ ಇಲಾಖೆದ ಸಚಿವೆರ್ ಆನಂದ್ ಸಿಂಗ್ ಮಲ್ಪುವೆರ್.
ಈ ಲೇಸ್ ಡ್ ಮಲ್ಲ ಬಿನ್ನೆರಾದ್ ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ ಮೀನುಗಾರಿಕೆ ಇಲಾಖೆ, ಬಂದರು ಬೊಕ್ಕ ಒಳನಾಡಿನ ಸಾರಿಗೆ ಇಲಾಖೆ ಸಚಿವೆರ್ ಎಸ್ ಅಂಗಾರ, ಸಮಾಜ ಕಲ್ಯಾಣ ಇಲಾಖೆ ಸಚಿವೆರ್ ಕೋಟ ಶ್ರೀನಿವಾಸ್ ಪೂಜಾರಿ, ಮಾಜಿ ಸಿಎಂ ವೀರಪ್ಪ ಮೊಯ್ಲಿ, ಡಿಸಿಸಿ ಬ್ಯಾಂಕ್ ಅಧ್ಯಕ್ಷೆರ್ ಎಂ. ಎನ್ ರಾಜೇಂದ್ರ ಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಜ.8: ವಿರಾರ್ ಈಸ್ಟ್ ಶ್ರೀ ಕಡಲ್ದ ಅಪ್ಪೆ ಲಕ್ಷ್ಮೀ ಮಂತ್ರದೇವತೆ ಕೊರಗಜ್ಜ ಸಾನಿಧ್ಯಡ್ ಮಂತ್ರದೇವತೆ ದರ್ಶನ ಸೇವೆ

ವಿರಾರ್ : ಬೊಂಬೈದ ವಿರಾರ್ ಈಸ್ಟ್ ದ ಮೋರಿಯಾ ನಗರದ ಶ್ರೀ ಕಡಲ್ದ ಅಪ್ಪೆ ಲಕ್ಷ್ಮೀ ಮಂತ್ರದೇವತೆ ಕೊರಗಜ್ಜ ಸಾನಿಧ್ಯಡ್ ಮಂತ್ರದೇವತೆ ದರ್ಶನ ಸೇವೆ ಜ.8 ಐತಾರ ಮಧ್ಯಾಹ್ನ 3 ಗಂಟೆಗ್ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಮಂತ್ರದೇವತೆನ ಕೃಪೆಗ್ ಪಾತ್ರರಾವೊಡು ಪಂದ್ ‌ಪ್ರಶಾಂತ್ ಶೆಟ್ಟಿ ಲೆಪ್ಪೋಲೆಡ್ ತೆರಿಪಾದೆರ್.

January 8th: Virar East- Dharshan Seva at Sri Lakshmi Mantradevathe Koragajja Sanidya

Virar: Moriya Nagar- Sri Lakshmi Mantradevathe Koragajja Sanidya dharshan seva will be held on Sunday the 8 th of January at 3 noon

All devotees are requested to participate in the divine event
Invite from Prashant Shetty