January 2023

ತಿಗಲೆ ಬೇನೆಡ್ ತೀರ್ ಪೋಯಿನ 6ನೇ ಕ್ಲಾಸ್ ದ ಕಲ್ಪಾರ್ಥಿ

ಕುಶಾಲನಗರ: ತಿಗಲೆ ಬೇನೆಡ್ 6ನೇ ಕ್ಲಾಸ್ ದ ಕಲ್ಪಾರ್ಥಿಯೊರಿ ಆಸ್ಪತ್ರೆಗ್ ಲೆತೊಂದು ಪೋನಗ ತೀರ್ ಪೋಯಿನ ಘಟನೆ ಕೊಡಗು ಜಿಲ್ಲೆದ ಕುಶಾಲನಗರ ತಾಲೂಕ್ ದ ಕೂಡುಮಂಗಳೂರು ಗ್ರಾಮಡ್ ನಡತ್ಂಡ್.

ಚಾಲಕೆರ್ ಮಂಜಾಚಾರಿ ಮೆರೆನ ಮಗೆ ಕೀರ್ತನ್ (12) ತೀರ್ ಪೋಯಿನಾರ್. ಕೊಪ್ಪ ಭಾರತ ಮಾತಾ ಶಾಲೆದ ಕಲ್ಪಾರ್ಥಿ ಆದಿತ್ತೆರ್.

ಮಾರ್ಚ್3-7 :ಕಂಕನಾಡಿ ಶ್ರೀ ಬ್ರಹ್ಮಬೈದರ್ಕಳ ಗರಡಿಗ್ 150ನೇ ವರ್ಷದ ಗೌಜಿ

ತುಳುನಾಡ್‌ದ ಕಾರ್ಣಿಕದ ಕ್ಷೇತ್ರ ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿ ಕ್ಷೇತ್ರದ 150ನೇ ವರ್ಷದ ಗೌಜಿದ ಲೇಸ್ ಮಾರ್ಚ್ 3-7 ತಾರೀಕ್ ಮುಟ್ಟ ಕ್ಷೇತ್ರದ ಅರ್ಚಕೆರ್ ವೇದಮೂರ್ತಿ ಕೆ. ವಾಸುದೇವ ಶಾಂತಿ ಮೇರ್ನ ಉಪಸ್ಥಿತಿಟ್ಟ್ ಗಂಗಾಧರ ಶಾಂತಿ ಮೆರೆನ ಮುತಾಲಿಕೆಡ್ ಅಂಚನೆ ಶ್ರೀ ನಾರಾಯಣ ಗುರು ವೈದಿಕ ಸಮಿತಿ(ರಿ) ಕುಡ್ಲ ಮೊಕ್ಲೆನ ಒಟ್ಟುಸೇರಿಗೆಡ್ ನಡಪರೆ ಉಂಡು.

ಮಾ.3 ಸುಕ್ರಾರ ಬೊಲ್ಪುಗು ಋತ್ವಿಜೆರ್ ಬತ್ತ್ ದ್ ಮಧ್ಯಾಹ್ನ 3 ಗಂಟೆಗ್ ಪುದೆ ಕಾಣಿಕೆ ಮೆರವಣಿಗೆ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರರ್ದ್ ಬರಿಯರೆ ಉಂಡು. ಮಾ.4 ಸನಿಯಾರ ಬೊಲ್ಪುಗು ಒಂಜಿ ಸಾರ ತಾರಾಯಿದ ಗಣಓಮ ನಡಪರೆ ಉಂಡು. ಮಾ.5 ಐತಾರ ಬೊಲ್ಪುಗು ಕ್ಷೇತ್ರದ ಪರಿವಾರ ದೈವ ದೇವೆರೆಗ್ ಕಲಶಾಭಿಷೇಕ ನಡಪರೆ ಉಂಡು. ಮ.6 ಸೋಮಾರ ಕಾಂಡೆ 7.40 ಗು ಶ್ರೀ ಬ್ರಹ್ಮಬೈದೆರ್‍ಲೆಗ್ ಒಂಜಿ ಸಾರ ಕಲಶದ ಕುಂಭಾಭಿಷೇಕ ನಡಪರೆ ಉಂಡು. ಮಾ.7 ಅಂಗಾರೆ ರಾತ್ರೆ 9 ಗು ನಾಗಪಾತ್ರಿ ಕಾವೂರು ಮನೋಜ್ ಶಾಂತಿ ಬೊಕ್ಕ ಕೂಟದಕ್ಲೆರ್ದ್ ಹಾಲಿಟ್ಟು ಸೇವೆ ಬೊಕ್ಕ ನಾಗ ಬ್ರಹ್ಮ ಮಂಡಲೋತ್ಸವ ಸೇವೆ ನಡಪರೆ ಉಂಡು. ಅಂಚನೆ ದಿನೊಲ ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಡ್ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆ ಉಂಡು ಪಂದ್ ಕ್ಷೇತ್ರದ ಅಧ್ಯಕ್ಷೆರ್ ಕೆ.ಚಿತ್ತರಂಜನ್, 150 ನೇ ಸಂಭ್ರಮ ಸಮಿತಿದ ಪ್ರಧಾನ ಸಂಚಾಲಕೆರ್ ಎಂ. ಮೋಹನ್ ಉಜ್ಜೋಡಿ, ಮ್ಯಾನೇಜರ್ ಜೆ.ಕಿಶೋರ್ ಕುಮಾರ್, ಆಡಳ್ತೆ ಮೊಕ್ತೇಸರೆರ್ ಬಿ.ವಿಠಲ, ಎ.ವಾಮನ, ಬಿ.ದಾಮೋದರ ನಿಸರ್ಗ, ದಿವರಾಜ್, ಜಗದೀಪ್ ಡಿ.ಸುವರ್ಣ, ಜೆ.ದಿನೇಶ್ ಅಂಚನ್, ಜೆ.ವಿಜಯ್ ಬೊಕ್ಕ ಪ್ರತಿನಿಧಿ ಸದಸ್ಯೆರ್ ಅಂಚನೆ ಬೇತೆ ಬೇತೆ ಸಮಿತಿದಕುಲು ತೆರಿಪಾದೆರ್.

ಬ್ರಹ್ಮೆರ್‍ನ ಮೂರ್ತಿಗ್ ಬಂಗಾರ್ದ ಲೇಪ

ಕಂಕನಾಡಿ ಗರಡಿಗ್ 150 ನೇ ವರ್ಷದ ನೆಂಪುಗಾದ್ ಬ್ರಹ್ಮೆರ್‍ನ ಮೂರ್ತಿಗ್ ಬಂಗಾರ್‍ದ ಲೇಪ ಪಾಡುನ ಕಜ್ಜ ನಡಪರೆ ಉಂಡು. ಈ ಕಜ್ಜೊಗು 40 ಲಕ್ಷ ರೂ. ಕರ್ಚಿ ಆಪಿನ ಅಂದಾಜಿ ಉಂಡು. ಭಕ್ತೆರ್ ಬಂಗಾರ್‍ದ 1ಪವನ್, ಅರ್ಧ ವನ್, ಕಾಲ್ ಪವನ್ ಇಜ್ಜಿಡ ಒಂಜಿ ಗ್ರಾಮ್ ಬಂಗಾರ್ ಕೊರ್‍ದು ಸೇವೆ ಮಲ್ಪೊಲಿ ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

March 3-7 : 150 years celebration of Sri Brahmabaidarkala Garadi, Kankanady

The much revered Kshetra – Sri Brahmabaidarkala Garadi Kankanady will be having it’s 150 years celebration from March 3rd -7th.
The program will be held under the auspices of Sri Narayana Guru Vaidika samithi, Mangalore with the chief priest Sri Vasudev Shanti and Gangadhar Shanti heading the proceedings.
Holy rituals and customs will follow on all the three days with holy meals in the afternoon and cultural programme in the evening said
K Chittaranjan president of the Kshetra.

To commemorate 150 years the main idols of Garadi will have a gold plating done the cost of which is estimated at 40 lakhs . Devotees can contribute in gold coins weighing 8,4,2 or 1 gram

ಮುಲ್ಕಿ ತಾಲೂಕ್ ಚುಟುಕು ಸಾಹಿತ್ಯ ಪರಿಷತ್ತ್ ದ ಸದಸ್ಯತ್ವ ಅಭಿಯಾನ ಸುರು

ಮುಲ್ಕಿ: ಚುಟುಕು ಸಾಹಿತ್ಯ ಬದ್ ಕ್ ಗ್ ಒಂಜಿ ಗುರಿ ದೀವೊಂದು ಈ ಕ್ಷೇತ್ರನ್ ಸಂಘಟನಾತ್ಮಕವಾದ್ ಮಲ್ಲ ಮಲ್ಪೊಡು ಪನ್ಪುನ ಉದ್ದೇಶ ದೀದ್ ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ತ್ ಪ್ರತೀ ತಾಲೂಕ್ ಡ್ ಉಮೇದ್ ಇಪ್ಪುನಕ್ಲೆನ್ ಒಟ್ಟು ಮಲ್ತ್ ದ್, ಬುಲೆಪಾವುನ ಪ್ರಯತ್ನನ್ ಪೊಸತಾದ್ ಅಸ್ತಿತ್ವಗ್ ಕನದ್ಂಡ್.

ಅತ್ತಂದೆ ಮುಲ್ಕಿ ತಾಲೂಕ್ ಚುಟುಕು ಸಾಹಿತ್ಯ ಪರಿಷತ್ತ್ ತನ್ನ ಸದಸ್ಯತ್ವದ ಅಭಿಯಾನನ್ ಸುರು ಮಲ್ದ್ಂಡ್. ಬರ್ಪಿನ ಫೆಬ್ರವರಿಡ್ ಸಾಹಿತ್ಯ ಉಚ್ಚಯನ್ ನಡಪಾವುನ ಮುಖೇನ ಅಧಿಕೃತವಾದ್ ಉಂದು ಕಾರ್ಯೊಗು ಬರ್ಪುಂಡು. ಅಂಚಾದ್ ನೆತ್ತ ಸದಸ್ಯೆರಾಪಿನಕುಲು ನೇರವಾದ್ ಒವ್ವೇ ಕಾಸ್ ಇಜ್ಜಂದೆ ಆವೊಲಿ. ಅಂಚನೆ ನೆಟ್ಟ್ ಇಪ್ಪುನಕುಲು ತನ್ನ ಪೊಲಬುನು ನರೇಂದ್ರ ಕೆರೆಕಾಡ್, ಅಧ್ಯಕ್ಷೆರ್ ಚುಟುಕು ಸಾಹಿತ್ಯ ಪರಿಷತ್ ಮೂಲ್ಕಿ ತಾಲೂಕ್ “ನಮ್ಮನೆ” ಕೆರೆಕಾಡ್, ಅಂಚೆ : ಕೆಂಚನಕೆರೆ, ಮೂಲ್ಕಿ-574154 ಅತ್ತಂಡ ಪೋನ್ ನಂ/ವಾಟ್ಸಾಪ್‌ಡ್ (9663393374) ತೆರಿಪಾವೊಲಿ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ದಕ್ಷಿಣ ನೈಜಿರೀಯಾದ ರೈಲ್ ನಿಲ್ದಾಣರ್ದ್ 30 ಜನತ ಕಿಡ್ನಾಪ್

ನೈಜೀರಿಯಾ: ನಿಲ್ದಾಣಡ್ ರೈಲ್ ಗ್ ಕಾತೊಂದು ಇತ್ತಿನ 30 ಜನನ್ ಪುಂಡೆರ್ ನ ಗುಂಪು ಕಿಡ್ನಾಪು ಮಲ್ತಿನ ಘಟನೆ ದಕ್ಷಿಣ ನೈಜಿರೀಯಾದ ಎಡೋಡ್ ನಡತ್ಂಡ್.

ಈ ಗುಂಪು ಶಸ್ತ್ರಲೆನ್ ಪತೊಂದು ಜನಕ್ ಪೋಡಿಗೆ ಪುಟ್ಟಾವೊಂದು ಉಲ್ಲೆರ್. ಅವ್ವತ್ತಂದೆ ಇತ್ತೆ ಕಿಡ್ನಾಪ್ ಆಯಿನ‌ 30 ಜನತ ಬಗ್ಗೆ ಒವ್ವೇ ಮಾಹಿತಿ ಇಜ್ಜಿ.

30 persons kidnapped from a railway station in south Nigeria

Nigeria: A group of miscreants kidnapped 30 persons waiting for trains from a railway station in south Nigeria.

They threatened the people using arms and weapons and as of now there is no information about the whereabouts of the kidnapped people.

ಕುಡ್ಲಗ್ ಟೀಮ್‌ ಇಂಡಿಯಾದ ಮಾಜಿ ನಾಯಕೆ ಎಂ.ಎಸ್.ಧೋನಿ ಭೇಟಿ

ಕುಡ್ಲ: ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕೆ ಎಂ.ಎಸ್. ಧೋನಿ ಸನಿಯಾರ ಖಾಸಗಿ ಲೇಸ್ ದ ಬಗೆಟ್ ಬೊಂಬೈರ್ದ್ ಕುಡ್ಲ ಅಂತಾರಾಷ್ಟ್ರೀಯ ಇಮಾನ ನಿಲ್ದಾಣಗ್ ಬೈದೆರ್.

ಮೇರ್ ಇನಿ ಬಯ್ಯಗ್ ಕಾಸ್ರೋಡುದ ದೋಸ್ತಿ ಡಾ. ಶಾಜೀರ್ ಗಫಾರ್ ಮೆರೆನ ಪೊಪ್ಪ ಪ್ರೊ.ಕೆ ಕೆ ಅಬ್ದುಲ್ ಗಫಾರ್ ನ ಆತ್ಮಕಥನ ಬುಡುಗಡೆ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್.

ಪಂಜಾಬ್ ಕ್ಯಾಬಿನೆಟ್ ಸಚಿವೆರ್ ರಾಜೀನಾಮೆ

ಪಂಜಾಬ್ ಕ್ಯಾಬಿನೆಟ್ ಸಚಿವೆರ್ ಫೌಜಾ ಸರಾರಿ ತನ್ನ ತಾನಗ್ ರಾಜೀನಾಮೆ ಕೊರ್ತೆರ್.

ರಾಜ್ಯಪಾಲೆರೆಗ್ ಈ ರಾಜೀನಾಮೆ ಪತ್ರನ್ ಕೊರ್ದು, ತನ್ನ ವೈಯಕ್ತಿಕ ಕಾರಣಲೆನ್ ತೆರಿಪಾದೆರ್. ಈ ಮುಖೇನ ಆಪ್ ಸರ್ಕಾರ ರಚನೆ ಆಯಿನ ಬೊಕ್ಕ ರಡ್ಡ್ ಸಚಿವೆರ್ ರಾಜೀನಾಮೆ ಕೊರ್ತೆರ್.
‌