ತಮಿಳುನಾಡ್ ಡ್ ಕರಡಿ ದಾಳಿ: ಮೂಜಿ ಜನತ ಸ್ಥಿತಿ ಗಂಭೀರ

ತಮಿಳುನಾಡ್ : ತಮಿಳುನಾಡ್ ದ ತೆಂಕಶಿ ಜಿಲ್ಲೆದ ಕಾಡ ಜಾಗೆಡ್ ಕರಡಿಯೊಂಜಿ ದಾಳಿ ಮಲ್ತ್ ದ್, ಮೂಜಿ ಜನಕ್ ಪೆಟ್ಟಾಯಿನ ಘಟನೆ ನಡತ್ಂಡ್.

ಒರಿ ಬೈಕ್ ಡ್ ಕಾಡ ಜಾಗೆಡ್ ಪೋವೊಂದು ಇತ್ತಿನ ಪೊರ್ತುಡು ಈ ಕರಡಿ ದಾಳಿ ಮಲ್ದ್ಂಡ್. ಆ ಪೊರ್ತುಡು ಅಲ್ಪ ಇತ್ತಿನ ಜನಕುಲು ರಕ್ಷಣೆಗ್ ಬೈದೆರ್. ಆಂಡ ಕರಡಿ ಬಲಿಪಂದೆ ಅಕಲ್ನ ಮಿತ್ತ್ ಲ ದಾಳಿ ಮಲ್ದ್ಂಡ್. ಇಚಾರ ತೆರಿದ್ ಜಾಗೆಗ್ ಬತ್ತಿನ ಅರಣ್ಯ ಇಲಾಖೆ ಸಿಬ್ಬಂದಿಲು ಮಸ್ತ್ ಪೆಟ್ಟಾಯಿನ ಮೂಜಿ ಜನನ್ ಕರಡಿದ ಬಾಯಿರ್ದ್ ತಪ್ಪಾದ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಬೊಕ್ಕ ಈ‌ ಕರಡಿನ್ ಪತ್ತ್ ದ್, ಅರಣ್ಯ ಪ್ರದೇಶಗ್ ಬುಡಿಯೆರೆ ಆಂಡ್ ಪಂದ್ ಅರಣ್ಯ ಇಲಾಖೆ ಅಧಿಕಾರಿ ಮಾಹಿತಿ ಕೊರ್ತೆರ್.