September 2022

ಸೆ.21 : ಮುಲ್ಕಿ ಬಿಲ್ಲವ ಸಂಘೊಡು ನಾರಾಯಣ ಗುರುಕ್ಲೆಗ್ ಸಾಮೂಹಿಕ ಪುರ್ಪಾರ್ಚನೆ, ನೆಯಿತ್ತ ದೀಪಾರಾಧನೆ, ಭಜನೆ

Sep 19, 2022

ಮುಲ್ಕಿ: ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಪುಣ್ಯತಿಥಿತ್ತ ಅಂಗವಾದ್ ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಗುರುಕ್ಲೆನ ಸನ್ನಿಧಿಡ್ ಸೆ.21 ಬುಧಾರ ಕಾಂಡೆ ಸಾಮೂಹಿಕ ಪುರ್ಪ ದ ಅರ್ಚನೆ, ನೆಯಿತ್ತ ದೀಪದ ಆರಾಧನೆ ಬೊಕ್ಕ ಭಜನಾ ಸೇವೆ ನಡಪರೆ ಉಂಡು.

ಕಾಂಡೆ 8.30 ಗಂಟೆಗ್ ಸಾಮೂಹಿಕ ಪುರ್ಪದ ಅರ್ಚನೆ, ಬಯ್ಯಡ್ 6.30 ಗಂಟೆರ್ದ್ ನೆಯಿತ್ತ ದೀಪದ ಸೇವೆ ಅಂಚೆನೆ ಭಜನಾ ಸಂಕೀರ್ತನೆ ಉಂಡು. ಅವೆರ್ದ್ ಬೊಕ್ಕ ಸಂಘದ ಸದಸ್ಯೆರಾಯಿನ ಕಿಶೋರ್ ಜೆ.ಸಾಲಿಯನ್ ಬಪ್ಪನಾಡು ಮೆರೆನ ಲೆಕ್ಕೊಡು ಅನ್ನದಾನದ ಸೇವೆಲ ನಡಪರೆ ಉಂಡು. ಭಕ್ತೆರ್ ಎಚ್ಚಿನ ಸಂಖ್ಯೆಡ್ ಬತ್ತ್ ದ್ ಲೇಸ್ ಡ್ ಪಾಲ್ ಪಡೆವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ಅ.2 : ಹಳೆಯಂಗಡಿ ಶ್ರೀ ದೇವಿ ಚಾಮುಂಡೇಶ್ವರಿ ಸನ್ನಿಧಿಡ್ ಚಂಡಿಕಾ ಹೋಮ,ದೇವಿ ದರ್ಶನ

Sep 19, 2022

ಹಳೆಯಂಗಡಿ ಶ್ರೀ ದೇವಿ ಚಾಮುಂಡೇಶ್ವರಿ ಸನ್ನಿಧಿಡ್ ನವರಾತ್ರಿ ಉಚ್ಚಯದ ನಿಲೆಟ್ಟ್ ಸೆ.30 – ಅಕ್ಟೋಬರ್‌ 2 ತಾರೀಕ್ ಮುಟ್ಟ ದುರ್ಗಾ ಹೋಮ , ಚಂಡಿಕಾ ಹೋಮ, ದೇವಿ ದರ್ಶನ ನಡಪರೆ ಉಂಡು.

ಸೆಪ್ಟೆಂಬರ್ 30 ಸುಕ್ರಾರ ಗೋಧೂಳಿ ಮೂರ್ತೊಡು ದುರ್ಗಾ ನಮಸ್ಕಾರ ಪೂಜೆ ಅಂಚೆನೆ ಅಕ್ಟೋಬರ್‌ 2 ಕಾಂಡೆ ನವಕ ಕಲಶಾಭಿಷೇಕ,ಗಣ ಹೋಮ, ದುರ್ಗಾ ಹೋಮ, ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂಡಳಿರ್ದ್ ಭಜನಾ ಸೇವೆ ನಡಪರೆ ಉಂಡು. ಮಧ್ಯಾಹ್ನ ದೇವಿಶಪ್ತಸತಿ ಪಾರಾಯಣ,ಚಂಡಿಕಾ ಹೋಮ, ದೇವಿ ದರ್ಶನ, ಪುರ್ಸಾದ ವಿತರಣೆ ಬೊಕ್ಕ ಅನ್ನ ಸಂತರ್ಪಣೆ ನಡಪರೆ ಉಂಡು.

ಈ ಲೇಸ್ ಡ್ ಮಾತಾ ಭಕ್ತೆರ್ ಪಾಲ್ ಪಡೆವೊಡು ಪಂದ್ ಶ್ರೀ ಕ್ಷೇತ್ರದ ದೇವಿ ಪಾತ್ರಿ ವರುಣ್ ಹಳೆಯಂಗಡಿ, ಮಾಲತಿ ಹರೀಶ್ ಬೊಕ್ಕ ಕುಟುಂಬದಕುಲು ಲೆಪ್ಪೋಲೆಡ್ ತೆರಿಪಾದೆರ್.

10 ರೂಪಾಯಿಗ್ ಐಫೋನ್13 ಗೆಂದಿನ ಕುಡ್ಲದ ಪೊಂಜೊವು

Sep 19, 2022

ಕುಡ್ಲ: ಮುಲ್ಪದ ಪೊಂಜೊವು ಒರ್ತಿ 10 ರೂಪಾಯಿಗ್ ಐಫೋನ್ 13 ಗೆಂದ್‌ದ್ ಸುದ್ದಿಯಾತೆರ್.

10 ರುಪಿಯಾ ಪನ್ಪಿನ ವೈಬ್‌ಸೈಟ್ ಒಂಜಿ ಆಗಸ್ಟ್ 14-ಸೆಪ್ಟೆಂಬರ್ 15 ಮುಟ್ಟ 10 ರೂಪಾಯಿ ಕೊರ್ದ್ ಅದೃಷ್ಟ ಪರೀಕ್ಷೆ ಕೊರ್ಪಿನ ಅವಕಾಶನ್ ಜನಕ್ಲೆಗ್ ಕೊರ್ದಿತ್ತ್ಂಡ್. ಅಂಚನೆ ಕುಡ್ಲದ ಮಾರ್ನೆಮಿಕಟ್ಟೆದ ಹುಸ್ನಿಯಾ ಪನ್ಪಿನ ಪೊಂಜೊವು 10 ರೂಪಾಯಿ ಕೊರ್ದ್ ಪಂತೊಡ್ ಪಾಲ್ ಪಡೆದಿತ್ತೆರ್. ವೈಬ್‌ಸೈಟ್ ದ ವಿಶೇಷ ಸ್ಪಿನ್ನರ್‌ಡ್ ಗೆಂದ್‌ದ್ ಐಫೋನ್ 13 ಗೆಂದ್‌ದೆರ್.

A woman from Mangalore wins iPhone 13 ….!!

Mangalore: In a website named 10 rupayya; a lucky draw was arranged from August 14 th to September 15 th were one could participate by paying jist rupees ten. A woman from Mangalore Husniya participated in the game by paying Rupees ten.She has won in the special spinner draw and won iPhone 13.

ನಮ್ಮ ಭಾಷೆ, ಮೂಲ ಸಂಸ್ಕೃತಿ ಒರಿಪಾಯರೆ ಬೇಲೆ ಮಲ್ಪೊಡು: ಡಾ.ಡಿ.ವೀರೇಂದ್ರ ಹೆಗ್ಗಡೆ

Sep 19, 2022

ತುಳು ಪೊಲಬುದ 100 ವೆಬಿನಾರ್ ಉದಿಪನ

ತುಳು ಭಾಷೆನ್ ಸಂವಿಧಾನದ ಎಂಟನೇ ಪರಿಚ್ಛೇದಗ್ ಸೇರ್ಸಾವುನ ಪ್ರಯತ್ನ ನಡತೊಂದೇ ಉಂಡು. ಅಂಚ ಪಂದ್ ನಮ ಅಯಿಟ್ ಸೀಮಿತ ಆವಂದೇ ನಮ್ಮ ಭಾಷೆ, ಮೂಲ ಸಂಸ್ಕೃತಿನ್ ಒರಿಪಾವುನ ಬಗೆಟ್ ಬೇಲೆ ಮಲ್ಪೊಡು ಪಂದ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ ವೀರೇಂದ್ರ ಹೆಗ್ಗಡೆ ಪಂಡೆರ್.

ಕುಡ್ಲ ವಿಶ್ವವಿದ್ಯಾನಿಲಯದ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳು ಪೀಠ, ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜ್‌ದ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗದ ಮುತಾಲಿಕೆಡ್ ನಡತೊಂದು ಇತ್ತಿನ ತುಳು ವೆಬಿನಾರ್ ದ 100ನೇ ಸಂಚಿಕೆನ್ ಉದಿಪನ ಮಲ್ತ್‌ದ್ ಆಶೀರ್ವಚನ ಮಲ್ತಿನ ಆರ್, ನಮ ಒಲ್ಪ ಇತ್ತ್ಂಡಲ ಸತ್ಯ, ಧರ್ಮ, ಸಹಬಾಳ್ವೆದ ಸಾದಿಡ್ ನಡತೊಂದು ಪೋಯರೆ ಪಂದ್ ಕೊರಿನ ತುಳು ಭಾಷೆ, ಸಂಸ್ಕೃತಿದ ಬಗೆಟ್ ಶ್ರೀ ಧರ್ಮಸ್ಥಳ ಸಂಸ್ಕೃತಿ ಸಂಶೋಧನಾ ಪ್ರತಿಷ್ಠಾನ ಬೇಲೆ ಮಲ್ತೊಂದುಂಡು ಪಂದ್ ಪಂಡೆರ್.
ತುಳು ಭಾಷೆ ಬುಳೆಯೊಂದು ಬತ್ತಿನ ಸಾದಿದ ಬಗೆಟ್ ವಿಶೇಷ ಉಪನ್ಯಾಸ ಕೊರಿನ ತುಳು ಕನ್ನಡ ವಿದ್ವಾಂಸೆರ್ ಆಯಿನ ವಿಶ್ರಾಂತ ಕುಲಪತಿ ಡಾ.ಬಿ.ಎ.ವಿವೇಕ ರೈ, ಬಾಸೆಲ್ ಮಿಷನ್ 1886 ಟ್ ಸುರುತ್ತ ತುಳು ಶಬ್ದಕೋಶನ್ ಕನತ್ಂಡ್. ರಷ್ಯನ್ ಸಂಶೋಧಕೆರ್ ಎಂ.ಎಸ್.ಆಂಡ್ರೊನೋವ್ ಬೊಕ್ಕ ಪಿ.ಎಸ್.ಸುಬ್ರಹ್ಮಣ್ಯಮ್ ‘ತುಳು ಬೇತೆ ದ್ರಾವಿಡ ಭಾಷೆಲೆಡ್ದ್ ವಿಭಿನ್ನ’ ಪಂದ್ ತೆರಿಪಾದೆರ್ ಪಂಡೆರ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷೆರ್ ದಯಾನಂದ ಜಿ. ಕತ್ತಲ್ಸಾರ್ ಪಾತೆರ್ದ್, ಅಕಾಡೆಮಿ 5 ಚಾನೆಲ್‌ದ ಮುಖೇನ ತುಳು ಜ್ಞಾನದ ಪ್ರಸರಣ ಬೊಕ್ಕ ದಾಖಲೀಕರಣ ಮಲ್ಪರೆ ಉಂಡು. ಸುಮಾರ್ 14 ಪುಸ್ತಕಲೆನ್ ಸದ್ಯಡೇ ಬುಡುಗಡೆ ಮಲ್ಪರೆ ಉಂಡು ಪಂದ್ ಪಂಡೆರ್.

ಲೇಸ್‌ಡ್ ಗುರ್ಕಾಮೆ ವಹಿಸೊನಿನ ಕುಡ್ಲ ವಿಶ್ವವಿದ್ಯಾನಿಲಯದ ಕುಲಪತಿ ಪ್ರೊ. ಪಿ ಸುಬ್ರಹ್ಮಣ್ಯ ಯಡಪಡಿತ್ತಾಯ ಪಾತೆರ್ದ್, ತುಳು ಪೀಠದ ಮುಖೇನ ಎಚ್ಚದ ಸಂಶೋಧನೆ, ಅಧ್ಯಯನಗ್ ಅವಕಾಶ ಮಲ್ತ್ ಕೊರಿಯರೆ ಉಂಡು ಪಂಡೆರ್.

ವಿಜಯಲಕ್ಷ್ಮಿ ಕಟೀಲ್ ಲೇಸ್ ಸುದಾರಿಕೆ ಮಲ್ತೆರ್. ಸುರೇಶ್ ರಾವ್ ಅತ್ತೂರು ಪ್ರಾರ್ಥನೆ ಮಲ್ತೆರ್. ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜ್‌ದ ಪ್ರಾಂಶುಪಾಲೆರ್ ಡಾ. ಸುಭಾಷಿಣಿ ಶ್ರೀವತ್ಸ ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್.

Let us strive to save our language and tradition- Dr D Veerendra Heggade.
100 th webnier of tulu script inaugurated

” Efforts are on to include Tulu language in the eighth schedule of the constitution.Alonf with that let us put in extra effort to save our language and the ancient traditions associated with it” said Sri D Veerendra Heggade.

He was speaking at the inauguration of the 100th webnier of tulu script organised jointly by the Sri Dharmasthala Manjunateshwara Tulu Peetha if Mangalore University and the post graduate center of Tulu studies of the evening college at University College.
Dr Vivek Rai retired chancellor also gave a special lecture on the growth of Tulu language and said the first dictionary of Tulu language was published by the Basal Mission way back in 1886 and said Tulu language was unique from other Dravidian languages.
Tulu Sahitya Academy president Dayanand Kattalsar said that about 14 books in tulu are to be published shortly.

ಜಾನ್ಸನ್ ಬೇಬಿ ಪೌಡರ್ ಕಂಪೆನಿದ ಲೈಸೆನ್ಸ್ ಕ್ಯಾನ್ಸಲ್ ಮಲ್ತಿನ ಮಹಾರಾಷ್ಟ್ರ

Sep 19, 2022

ಬೊಂಬಾಯಿ: ಸಾರ್ವಜನಿಕೆರ್ನ ಆರೋಗ್ಯದ ಕಾಳಜಿರ್ದ್ ಜಾನ್ಸನ್ ಅಂಡ್ ಜಾನ್ಸನ್ ಪ್ರೈವೇಟ್ ಲಿಮಿಟೆಡ್‌ನ ಬೇಬಿ ಪೌಡರ್ ಉತ್ಪಾದನಾ ಲೈಸೆನ್ಸ್‌ನ್ ಮಹಾರಾಷ್ಟ್ರದ ಆಹಾರ ಬೊಕ್ಕ ಔಷಧಿದ ಆಡಳಿತ ಕ್ಯಾನಲ್ ಮಲ್ತ್ ದ್ಂಡ್.

ಪ್ರಯೋಗಾಲಡ್ ನಡತಿನ ಪರೀಕ್ಷೆದ ಪೊರ್ತುಡು ಉಂದೆತ್ತ ಪುಡಿ ಜೋಕ್ಲೆನ ಚರ್ಮದ ಪಿಹೆಚ್ ಮೌಲ್ಯಗ್ ಸಮನಾದ್ ಇಜ್ಜಿ ಪಂದ್ ತೆರಿದ್ ಬೈದ್ಂಡ್. ಅಂಚಾದ್ ಮಹಾರಾಷ್ಟ್ರ ಎಫ್‌ಡಿಎ ಜಾನ್ಸನ್ ಕಂಪೆನಿ ಲೈಸನ್ಸ್ ನ್ ಕ್ಯಾನ್ಸಲ್‌ ಮಲ್ತ್ ದ್ಂಡ್.

Maharashtra cancels license for Johnson baby powder

Mumbai: In view of the intrest of the public health the Maharashtra government food and medical has cancelled the licence of baby powder of Johnson and Johnson private limited. It is said when tested in a laboratory it’s ph balance in not good enough for baby’s tender skin.So the Maharashtra FID has cancelled the licence for baby powder.

ಕುದ್ರೋಳಿ ಶಾರದೆಗ್ ಈ ಸರ್ತಿ ಬೊಲ್ಲಿದ ಪಟ್ಟ, ಬೊಲ್ಲಿದ ವೀಣೆ ಕಾಣಿಕೆ

Sep 19, 2022

ಸೆ.26 – ಅ. 6 ಮುಟ್ಟ ಕುದ್ರೋಳಿಡ್ ಗೌಜಿಡ್ ನಡಪರೆ ಉಂಡು ಕುಡ್ಲ ದಸರಾ ಮಹೋಚ್ಚಯ

ಕುಡ್ಲ: ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಡ್ ಈ ಸರ್ತಿ ಕುಡ್ಲ ದಸರಾ ಮಹೋಚ್ಚಯ ಸೆ. 26-ಅ.6 ಮುಟ್ಟ ಭಾರೀ ಗೌಜಿಡ್ ನಡಪರೆ ಉಂಡು ಪಂದ್ ಕ್ಷೇತ್ರದ ಅಭಿವೃದ್ಧಿದ ರೂವಾರಿ ಬಿ. ಜನಾರ್ದನ ಪೂಜಾರಿ ತೆರಿಪಾಯೆರ್.

ದಸರಾ ಮಹೋಚ್ಚಯದ ಬಗೆಟ್ ಐತಾರ ಕುದ್ರೋಳಿಡ್ ನಡತಿನ ಪೂರ್ವಭಾವಿ ಸಭೆ ಬೊಕ್ಕ ಸುದ್ದಿಗೋಷ್ಠಿಡ್ ಪಾತೆರ್ದಿನ ಆರ್, ಕುಡ್ಲ ದಸರಾ ಉಚ್ಚಯಗ್ ಬೇತೆ ಬೇತೆ ಜಿಲ್ಲೆ ರಾಜ್ಯರ್ದ್ 10 ಲಕ್ಷ ರ್ದ್ ಲ ಎಚ್ಚ ಜನ ಬರ್ಪಿನ ಸಾಧ್ಯತೆ ಇತ್ತ್‌ದ್, ಅವೆಟ್ ಬೋಡಾದ್ ತಯಾರ್ ನಡತ್ತೊಂದು ಉಂಡು. ಪ್ರತಿ ದಿನಲ ಧಾರ್ಮಿಕ ಸೇವೆದೊಟ್ಟುಗ್ ನುಪ್ಪುಸೇವಲ ಇಪ್ಪರೆ ಉಂಡು. ಭಕ್ತೆರ್‍ನ ಅನುಕೂಲಗಾದ್ ಈ ಸರ್ತಿ ಚಂಡಿಕಾ ಯಾಗೊನು ಗ್ಲಾಸ್ ಔಸ್ ಡ್ ಮಲ್ಪರೆ ನಿರ್ಧಾರ ಮಲ್ತ್‌ದ ಪಂದ್ ಪಂಡೆರ್.

ದಸರಾ ಉದಿಪನಗ್ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಮೇರೆಗ್ ಲೆಪ್ಪೋಲೆನ್ ಕಡಪಾದ್ ಯಾನೇ ಬರಿಯರೆ ಪನ್ಪೆ. ಅರೆನ ಪೊರ್ತುನು ದೀದ್ ಉದಿಪನೆದ ಲೇಸ್‌ನ್ ದೀಯರೆ ಉಲ್ಲ ಪಂದ್ ಪಂಡೆರ್.

ಶಾರದೆಗ್ ಬೊಲ್ಲಿ ಪೀಠ:
ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್ ಪಾತೆರ್ದ್, ಕುಡ್ಲ ದಸರಾದ ಶಾರದೆಗ್ ಈ ಸರ್ತಿ 12 ಲಕ್ಷ ರೂ. ಕರ್ಚಿಡ್ 12 ಕೆ.ಜಿ. ತೂಕದ ಬೊಲ್ಲಿದ ಪೀಠನ್ ಕುದ್ರೋಳಿ ಶ್ರೀ ಗೋಕರ್ಣನಾಥ ಸೇವಾದಳ ಬೊಕ್ಕ ಭಕ್ತೆರ್‍ನ ಸೇವೆಯಾದ್ ಪುತ್ತೂರ್‌ಡ್ ನಿರ್ಮಾಣ ಮಲ್ತೊಂದುಲ್ಲೆರ್. ಸೆ.24ಕ್ಕ್ ಸಮರ್ಪಣೆ ನಡಪರೆ ಉಂಡು. ಭಕ್ತೆರ್ ಒರಿ ಬೊಲ್ಲಿದ ವೀಣೆನ್ ಕಾಣಿಕೆಯಾದ್ ಕೊರಿಯರೆ ಉಲ್ಲೆರ್ ಪಂದ್ ಪಂಡೆರ್. ಭಕ್ತೆರ್‍ನ ಅನುಕೂಲಗಾದ್ ಕೆಲವೊಂಜಿ ಎಲ್ಯ ಬದಲಾವಣೆ ಮಲ್ಪರೆ ಉಲ್ಲ ಪಂದ್ ಪಂಡೆರ್.

ಕುಡ್ಲದ ಮೇಯರ್ ಜಯಾನಂದ ಅಂಚನ್, ಕ್ಷೇತ್ರಾಡಳಿತ ಮಂಡಳಿ ಅಧ್ಯಕ್ಷೆರ್ ಎಚ್.ಎಸ್. ಸಾಯಿರಾಮ್, ಉಪಾಧ್ಯಕ್ಷೆರ್ ಊರ್ಮಿಳಾ ರಮೇಶ್, ಕಾರ್ಯದರ್ಶಿ ಮಾಧವ ಸುವರ್ಣ, ಟ್ರಸ್ಟಿಲಾಯಿನ ರವಿಶಂಕರ ಮಿಜಾರು, ಕೆ. ಮಹೇಶ್ಚಂದ್ರ, ಎಂ. ಶೇಖರ್ ಪೂಜಾರಿ, ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್ ದೇವೇಂದ್ರ ಪೂಜಾರಿ, ಉಪಾಧ್ಯಕ್ಷೆರ್ ಬಿ,ಜಿ. ಸುವರ್ಣ, ಸದಸ್ಯೆರಾಯಿನ ಹರಿಕೃಷ್ಣ ಬಂಟ್ವಾಳ, ರಮಾನಾಥ್ ಕಾರಂದೂರು, ಶೈಲೇಂದ್ರ ವೈ. ಸುವರ್ಣ, ಎಚ್.ಎಸ್. ಜಯರಾಜ್, ಕೃತಿನ್ ಡಿ. ಅಮೀನ್, ಚಂದನ್ ದಾಸ್, ಸತ್ಯಜಿತ್‌ ಸುರತ್ಕಲ್ ಮೊಕುಲು ಮಾತ ಸಭೆಟ್ ಪಾಲ್ ಪಡೆದ್ ಇತ್ತೆರ್.

Kudroli Dasshara celebrations to begin from September 26 th;
The CM Basavaraj Bommai is expected to inaugurate

Mangalore: The Mangalore Dasshara at Kudroli Gokarnatheswara temple is to begin from September 26 th to October 6th said B Janardan Poojary the person who has inspired the development of the temple.

Speaking to the press he said more than 10 lakh people are expected to visit the temple during the Dasshara festivities and there will be religious and cultural programs on all the days. The CM Basavaraj Bommai is expected to participate in the inaugural ceremony.

ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ನವರಾತ್ರಿ ಪೂಜಾ ಮಹೋಚ್ಚಯ

Sep 19, 2022

ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ನವರಾತ್ರೀ ಪೂಜಾ ಮಹೋಚ್ಚಯ ಸೆಪ್ಟೆಂಬರ್ 26-ಅಕ್ಟೋಬರ್ 5 ಮುಟ್ಟ ಭಾರೀ ಗೌಜಿಡ್ ನಡಪರೆ ಉಂಡು.

10 ದಿನಲ ಬೇತೆ ಬೇತೆ ರೀತಿದ ಧಾರ್ಮಿಕ, ಸಾಂಸ್ಕೃತಿಕ, ವೈದಿಕ ಕಾರ್ಯಕ್ರಮಕ್ಕುಲು ನಡಪರೆ ಇತ್ತ್‌ದ್ ಈ ಲೇಸ್ ಮಾತೆರ್‍ಲಾ ಬತ್ತ್‌ದ್ ದೇವಿನ ಕೃಪೆಗ್ ಪಾತ್ರರಾವೊಡ್ ಪಂದ್ ದೇವಲ್ಯದ ಅನುವಂಶಿಕ ಮೊಕ್ತೇಸರೆರ್ ಅಂಚನೆ ಅನುವಂಶಿಕ ಅರ್ಚಕೆರ್ ಆಯಿನ ಕೆ. ವಾಸುದೇವ ಅಸ್ರಣ್ಣ, ಅಧ್ಯಕ್ಷೆರ್, ಆಡಳಿತ ಸಮಿತಿ ಅಂಚನೆ ಅನುವಂಶಿಕ ಮೊಕ್ತೇಸರೆರ್ ಸತೀಶ್ ಕುಮಾರ್ ಶೆಟ್ಟಿ ಲೆಪ್ಪೋಲೆಡ್ ತೆರಿಪಾದೆರ್.

ಉಳ್ಳಾಲ: ಪೊಯ್ಯೆನ್ ಕಲ್ವ ಸಾದಿಡ್ ಕೊನೊಂದಿತ್ತಿನ 8 ಜನ ಪೊಲೀಸೆರ್ನ ವಶಕ್ಕ್

Sep 19, 2022

ಉಳ್ಳಾಲ ತಾಲೂಕು ವ್ಯಾಪ್ತಿದ ತಲಪಾಡಿ ಕೈತಲ್ ಪೊಯ್ಯೆನ್ ಕಲ್ವ ಸಾದಿಡ್ ಕೊನೊಂದಿತ್ತಿನೆನ್ ಸಿಸಿಟಿವಿಡ್ ಪತ್ತೆ ಮಲ್ತ್ ದ್ ಪೊಯ್ಯೆ ಕೊನಯರೆ ಗಲಸ್ ದಿನ ರಡ್ಡ್ ಗಾಡಿದೊಟ್ಟುಗ್ 8 ಜನನ್ ಉಳ್ಳಾಲ ಪೊಲೀಸೆರ್ ವಶಕ್ ದೆತೊಂದೆರ್.

ಜಿಲ್ಲಾಡಳಿತ ಸಿಸಿ ಕೆಮರಾ ಪಾಡ್ದಿತ್ತ್ ದ್, ಕೋಟೆಕಾರ್ ಪ.ಪಂ.ಮುಖ್ಯಾಧಿಕಾರಿ ಕೊರಿನ ದೂರುದೆಲಕನೆ ಉಳ್ಳಾಲ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ ದೆರ್.

ತಲಪಾಡಿ ಕಜೆತ್ತ ರಿಯಾಝ್(26), ಕೆ.ಸಿ.ರೋಡ್‌ ದ ಅಬೂಬಕ್ಕರ್‌(53), ಸೋಮೇಶ್ವರ ಗ್ರಾಮದ ಕುದ್ರು ಹೌಸ್‌ ದ ರಘುನಾಥ್‌ (40), ತಲಪಾಡಿ ಚೆಕ್‌ಪೋಸ್ಟ್‌ ಕೈತಲ್ ದ ರಾಜೇಶ್‌(40), ಕೆ.ಸಿ.ರೋಡ್‌ ಪಂಜಳದ ಮುತ್ತಾಲಿಬ್‌(22), ಉತ್ತರಪ್ರದೇಶದ ಅತುಲ್‌ (22), ರಾಮಧಾರಿ (28), ಪಂಕಜ್‌(24)ಮೊಕುಲೆನ್ ಪೊಲೀಸೆರ್ ವಶಕ್ ದೆತೊಂದಿತ್ತ್ ದ್, ರಡ್ಡ್ ಪಿಕಪ್‌ ಗಾಡಿಲೆನ್ ವಶಕ್ ದೆತೊಂದೆರ್. ಉಳ್ಳಾಲ ಪೊಲೀಸ್‌ ಸ್ಟೇಷನ್ ಡ್ ಕೇಸ್ ದಾಖಲ್ ಆತ್ಂಡ್.

Uncategorized ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳುನಾಡ್ ಡ್ ಶಿಕ್ಷಣ ಬೊಕ್ಕ ಆಡಳಿತೆಡ್ ತುಳು ಬಾಸೆ ಕಡ್ಡಾಯ ಮಲ್ಪರೆ ತುಳುವೆರೆ ಪಕ್ಷ ಬಿನ್ನಾಪು

Sep 18, 2022

ಬೊಲ್ತೇರ್: ತುಳುನಾಡ್ ಡ್ ಶಿಕ್ಷಣ ಬೊಕ್ಕ ಆಡಳಿತೆಡ್ ತುಳು ಬಾಸೆ ಕಡ್ಡಾಯ ಮಲ್ಪೊಡು ಪಂದ್ ತುಳುವೆರೆ ಪಕ್ಷ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೆರೆಗ್ ಬಿನ್ನಾಪು ಮಲ್ದ್ಂಡ್.

ಕನ್ನಡ ನಾಡ್ ಡ್ ಕನ್ನಡ ಬಾಸೆನ್ ಆಡಳಿತ ಬೊಕ್ಕ ಶಿಕ್ಷಣೊಡು ಕಡ್ಡಾಯ ಮಲ್ಪುನೆಕ್ಕ್ ನಮ್ಮ ದಾಲ ಅಡ್ಡಿ ಇಜ್ಜಿ, ಆಂಡ ಒಡಿಪು, ದ.ಕ ಜಿಲ್ಲೆ ಬೊಕ್ಕ ಮಲೆನಾಡ್ ದ ತುಳುಬಾಷಿಕ ಜಾಗೆಡ್ ಶಿಕ್ಷಣ ಬೊಕ್ಕ ಆಡಳಿತೊಡು ತುಳು ಬಾಸೆ ಅಂಚೆನೆ ಕೊಡಗು ಜಿಲ್ಲೆ ಡ್ ಕೊಡವ ಬಾಸೆನ್ ಕಡ್ಡಾಯ ಮಲ್ಪೊಡು.

ಈ ಮುಕೇನ ಈ ಭಾಗೊಡು ಕನ್ನಡ ಕಡ್ಡಾಯ ಪಂದ್ ಒತ್ತಡ ಪಾಡುನ ಸರಿಯತ್ತ್ ಪಂದ್ ತುಳುವೆರೆ ಪಕ್ಷದ ಗುರ್ಕಾರ್ ಶೈಲೇಶ್ ಆರ್.ಜೆ ಬೊಕ್ಕ ಸರ್ವ ಸದಸ್ಯೆರ್ ಮುಖ್ಯಮಂತ್ರಿಲೆಗ್ ಕಾಕಜಿ ಬರೆದ್ ಬಿನ್ನಾಪು ಮಲ್ದೆರ್.
ಅವ್ವತ್ತಾಂದೆ ಭಾರತ ದೇಶದ ಸಂವಿಧಾನದ 345 ನೇ ವಿಧಿತ್ತ ಪಿರ್ಕಾರ ತುಳುನಾಡ್ ಡ್ ತುಳು ಬಾಸೆನ್ ಅಂಚೆನೆ ಕೊಡಗುಡು ಕೊಡವ ಬಾಸೆನ್ ರಾಜ್ಯದ ಅಧಿಕೃತ ಬಾಸೆಂದ್ ಘೋಷಣೆ ಮಲ್ಪೊಡು ಪಂದ್ ಆರ್ ಬಿನ್ನಾಪು ಮಲ್ದೆರ್.

Tuluvere Paksha urges for making Tulu language compulsory in official usage and education in Tulunadu.

Bheltangady: Tulu language must be made compulsory in official usage and education in Tulunadu urged Tuluvere Paksha in a request sent to the CM Basavaraj Bommai.

In the coastal districts of DK, Udupi and Kasaragod which is basically Tulunadu instead of making Kannada compulsory, the push must be for Tulu said president of Tuluvere Paksha Shailesh R J and other members. As per section 345 of the constitution Tulu must be compulsory in Tulunadu and Kodava language in Kodagu.

ತೀರ್ ಪೋಂಡು ಕಂಬುಲದ ಮೋಡೆ ಎರು

Sep 18, 2022

ಕಂಬುಲದ ಕಲಟ್ಟ್ ಮಲ್ಲ ಪುದರ್ ಮಲ್ತಿನ ಮೋಡೆ ಎರು ಸನಿಯಾರ ಮಧ್ಯಾನ ಹುಷಾರ್ ದಾಂತೆ ತೀರ್ ಪೋತುಂಡು.

ಆಜಿ ವರ್ಷ ಪ್ರಾಯದ ಮೋಡೆ ರಡ್ಡ್ ದಿನೊರ್ದಿಂಚಿ ಹುಷಾರ್ ದಾಂತೆ ಇತ್ತ್ಂಡ್. ಮೋಡೆ ಎರುರ್ದಾತ್ರ ಕಾರ್ಲ ತೆಳ್ಳಾರ್ ದ ನೇರೋಳ್ಳಪಲ್ಕೆ ಬರ್ಕೆ ಇಲ್ಲದ ದುರ್ಗ-ತೆಳ್ಳಾರು ಪುದರ್ ಭಾರಿ ರೈಸೊಂದಿತ್ತ್ಂಡ್.

ಮೋಡೆ ಎರು ಕುಡ್ಲದ ತ್ರಿಶಾಲ್ ಕೆ.ಪೂಜಾರ್ಲೆನ ಮಾಲಕತ್ವೊಡು ಬಲ್ಲ್ ದ, ನುಗತ್ತ ಹಿರಿಯ, ಕಿರಿಯ ವಿಭಾಗೊಡು ಪಾಲ್ ಪಡೆದ್ ಮಸ್ತ್ ಇನಾಮು ಲೆನ್ ಗೆಂದ್ ದ್ಂಡ್.

September 2022

ಸೆ.21 : ಮುಲ್ಕಿ ಬಿಲ್ಲವ ಸಂಘೊಡು ನಾರಾಯಣ ಗುರುಕ್ಲೆಗ್ ಸಾಮೂಹಿಕ ಪುರ್ಪಾರ್ಚನೆ, ನೆಯಿತ್ತ ದೀಪಾರಾಧನೆ, ಭಜನೆ

ಅ.2 : ಹಳೆಯಂಗಡಿ ಶ್ರೀ ದೇವಿ ಚಾಮುಂಡೇಶ್ವರಿ ಸನ್ನಿಧಿಡ್ ಚಂಡಿಕಾ ಹೋಮ,ದೇವಿ ದರ್ಶನ

10 ರೂಪಾಯಿಗ್ ಐಫೋನ್13 ಗೆಂದಿನ ಕುಡ್ಲದ ಪೊಂಜೊವು

ನಮ್ಮ ಭಾಷೆ, ಮೂಲ ಸಂಸ್ಕೃತಿ ಒರಿಪಾಯರೆ ಬೇಲೆ ಮಲ್ಪೊಡು: ಡಾ.ಡಿ.ವೀರೇಂದ್ರ ಹೆಗ್ಗಡೆ

ಜಾನ್ಸನ್ ಬೇಬಿ ಪೌಡರ್ ಕಂಪೆನಿದ ಲೈಸೆನ್ಸ್ ಕ್ಯಾನ್ಸಲ್ ಮಲ್ತಿನ ಮಹಾರಾಷ್ಟ್ರ

ಕುದ್ರೋಳಿ ಶಾರದೆಗ್ ಈ ಸರ್ತಿ ಬೊಲ್ಲಿದ ಪಟ್ಟ, ಬೊಲ್ಲಿದ ವೀಣೆ ಕಾಣಿಕೆ

ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ನವರಾತ್ರಿ ಪೂಜಾ ಮಹೋಚ್ಚಯ

ಉಳ್ಳಾಲ: ಪೊಯ್ಯೆನ್ ಕಲ್ವ ಸಾದಿಡ್ ಕೊನೊಂದಿತ್ತಿನ 8 ಜನ ಪೊಲೀಸೆರ್ನ ವಶಕ್ಕ್

ತುಳುನಾಡ್ ಡ್ ಶಿಕ್ಷಣ ಬೊಕ್ಕ ಆಡಳಿತೆಡ್ ತುಳು ಬಾಸೆ ಕಡ್ಡಾಯ ಮಲ್ಪರೆ ತುಳುವೆರೆ ಪಕ್ಷ ಬಿನ್ನಾಪು

ತೀರ್ ಪೋಂಡು ಕಂಬುಲದ ಮೋಡೆ ಎರು

You Missed

ರಾಜ್ಯಡ್ ಗುಟ್ಕಾ, ಪಾನ್ ಮಸಾಲ ನಿಷೇಧ

ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘ (ರಿ), ಯುವವಾಹಿನಿ (ರಿ) ಹಳೆಯಂಗಡಿ ಘಟಕದ ನಿರೆಲ್‌ಡ್ “ಆಟಿದ ಗೇನ” ಲೇಸ್

ಆ.15: ಪುಣೆ ತುಳುಕೂಟ(ರಿ.)ದ 27ನೇ ವರ್ಷೊದ ಕಲ್ಚರಲ್ ಫೆಸ್ಟ್ -2026

ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ 45ನೇ ವರ್ಷೊದ ಚೌತಿ ಪರ್ಬದ ಲೆಪ್ಪೋಲೆ ಬುಡುಗಡೆ