February 2022

ಸಂಸ್ಕೃತಿ – ಪರಂಪರೆದ ಪ್ರತೀಕ: ಗೌಜಿಡ್ ನಡತಿನ ಕುಡ್ಲ ತೇರ್

ಕುಡ್ಲ :ಶ್ರೀ ಮಂಗಳಾದೇವಿನ ನೆಲೆ ಬೂಡಾಯಿನ ಕುಡ್ಲ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜದ ಪಾಲ್ ಗ್ಲಾ ಸಾಧನೆದ ಕ್ಷೇತ್ರ. ಮುಲ್ಪದ ರಥಬೀದಿದ ಶ್ರೀ ವೆಂಕಟರಮಣ ದೇವಲ್ಯ ಸಮಾಜದ ಧರ್ಮ ಪೀಠಡ್ ಒಂಜಾಯಿನ ಶ್ರೀ ಕಾಶೀಮಠ ಸಂಸ್ಥಾನ್ ವಾರಾಣಸಿದ ಕುಡೊಂಜಿ ಕಣ್ಣ್ ಇತ್ತಿಲಕ ಅಂಚನೇ ದೇಶದ ಪ್ರಮುಖ ದೇವಲ್ಯ ಪಂದ್ ಪುಗಾರ್ತೆ ಪಡೆದುಂಡು.

ಪ್ರತಿ ಮಾಘ ಮಾಸದ ಶುದ್ಧ ತದಿಗೆದಾನಿ ಸುರು ಆದ್ ಅಟ್ಟೆಮಿ ದಾನಿ ಮುಗಿಯುನ ಈ ತೇರ್ ದ ಲೇಸ್ ಡ್ ರಥಸಪ್ತಮಿದ ಶುಭದಿನದಾನಿ ಆ ರಥ ಉಚ್ಚಯ ನಡಪುನ ವಾಡಿಕೆ. ಕುಡ್ಲ ತೇರ್ ಪಂದ್ ಪುಗಾರ್ತೆ ಪಡೆಯಿನ ಶ್ರೀ ತೇರ್ ಧಾರ್ಮಿಕ ವಿಧಿ ಆಚರಣೆಗ್ ಮಾತ್ರ ಸೀಮಿತ ಆವಂದೆ ಲೌಕಿಕ-ಪಾರಲೌಕಿಕ ಸಾಮಾಜಿಕ, ಸೌಹಾರ್ದತೆ ಉಪ್ಪುನ ಸಂಸ್ಕೃತಿ – ಪರಂಪರೆದ ಕೊಂಡಿಯಾದ್ ಪೆರಿಯಾಕ್ಲೆನೆರ್ದ್ ದುಂಬರಿದ್ ಬೈದುಂಡು . ಶ್ರೀ ಕಾಶಿ ಮಠದ ಪೀಠಾಧಿಪತಿ ಶ್ರೀಮದ್ ಸಂಯಮೀಂದ್ರತೀರ್ಥ ಸ್ವಾಮೀಜಿಲೆನ ಈ ಸಲದ ಉಪಸ್ಥಿತಿ ತೇರ್ ನ್ ನನಾತ್ ಪೊರ್ಲು ತೋಜಾದ್ ಕೊರುಂಡು.

ಈ ಸಲ 201ನೇ ತೇರ್ ಪೊಸ ಬ್ರಹ್ಮರಥಟ್ ತೇರಗ್ ಊರು ಪರವೂರುರ್ದು ಅವ್ವೆತೋ ಭಕ್ತೆರ್ ಪಾಲ್ ಪಡೆದಿತ್ತೆರ್ . ಶ್ರೀ ದೇವಲ್ಯೊದ ಮೊಕ್ತೇಸೆರೆರಾಯಿನ ಸಿ. ಎಲ್. ಶೆಣೈ , ಪ್ರಶಾಂತ್ ರಾವ್ , ರಾಮಚಂದ್ರ ಕಾಮತ್ , ಕೊಡುಗೈ ದಾನಿ ಪಿ . ದಯಾನಂದ ಪೈ , ಮುಂಡ್ಕುರ್ ರಾಮದಾಸ್ ಕಾಮತ್ , ಕುಡ್ಲ ದಕ್ಷಿಣ ಶಾಸಕ ಡಿ . ವೇದವ್ಯಾಸ್ ಕಾಮತ್ ಪಾಲ್ ಪಡೆದಿತ್ತೆರ್.

An icon of culture and tradition: ” Kudla Teeru”

Mangalore: The Rathotsav at Sri Venkatramana temple in Ratha Beedhi which is iconic of our tradition and culture. The Rathotsav is celebrated every year on the rathasaptami of magha masa.

The Gowda Saraswat Brahmins who have a special place in the history of coastal Karnataka lead the celebrations here.This year the festivities were conducted under the guidance and presence of Sri Kashi Mutt peethadesha Sri Samya Veerendra Swamiji.

This year was the 201st Rath yatra and people from all over participated in the festival with a divine spirit.