ಕಾತ್ಯಾಯಿನ ಆಳ್ವ ಅಮಾನತು ಪಿರ ದೆತೊನ್ಯೆರೆ ಬಂಟರ ಸಂಘ ಆಗ್ರಹ

ಒಡಿಪು , ಮೇ 29: ರೆಮ್ಡಿಸಿವರ್ ಕಳ್ಳ ಮಾರಾಟ ದಂಧೆಡ್ ಶಾಮೀಲಾದಿತ್ತಿನ ವೈದ್ಯೆನ್ ಪತ್ತೆ ಮಲ್ತ್ ಬಂದಿಸಾಯಿನ ಸಂಜಯ್ ನಗರದ ಇನ್ಸ್‌ ಪೆಕ್ಟರ್ ಕಾತ್ಯಾಯಿನಿ ಆಳ್ವ ಮೆರೆಗ್ ಕೆಲವು ನಕಲಿ ವೈದ್ಯೆರ್ ಅಂಚನೆ ರಾಜಕೀಯ ಶಕ್ತಿದ ಒತ್ತಡರ್ದ್ ಅಮಾನತು ಮಲ್ದಿನೆನ್ ಒಡಿಪುದ ಬಂಟರ ಸಂಘ ತೀವ್ರವಾದ್ ಖಂಡನೆ ಮಲ್ದೆರ್.

ಮೆರ್ನ ಅಮಾನತು ಸಮಾಜಗ್ ತಪ್ಪುಸಂದೇಶ ಕೊರ್ಪಿನ ಹಂತಗ್ ಬೈದುಂಡು, ಉಂದೆನ್ ಉನ್ನತ ಅಧಿಕಾರಿಲು ತೆರಿದ್ ಅಮಾನತು ಆದೇಶ ಪಿರ ದೆತೊನೊಡು ಪಂದ್ ಬಂಟರ ಸಂಘ ಒಡಿಪು ನೆತ್ತ ಗೌರವ ಗುರ್ಕಾರ್ಲಾಯಿನ ಜಯಕರ ಶೆಟ್ಟಿ ಇಂದ್ರಾಳಿ, ಗುರ್ಕಾರ್ಲಾಯಿನ ಪುರುಷೋತ್ತಮ ಪಿ.ಶೆಟ್ಟಿ ಬೊಕ್ಕ ಪದಾಧಿಕಾರಿಲು ಪ್ರಕಟಣೆಡ್ ತೆರಿಪಾದೆರ್.