ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Sun. Jun 21st, 2026

ಕಾಸ್ರೋಡ್ ಸುದ್ದಿ | Kasargod News

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕಣ್ಣೂರು ಏರ್ ಪೋರ್ಟ್: ಅಕ್ರಮ ಸಾಗಟ ಮಲ್ತೊಂದು ಇತ್ತಿನ 87.75 ಲಕ್ಷ ರೂ. ಬಿಲೆತ್ತ ಬಂಗಾರ್‌ ವಶಕ್..!

ಕಾಸ್ರೋಡು: ಗಲ್ಫ್ ರ್ದ್ ಅಕ್ರಮವಾದ್‌ ಬಂಗಾರ್‌ ಸಾಗಾಟ ಮಲ್ತೊಂದು ಇತ್ತಿನ ವ್ಯಕ್ತಿನ ಕಣ್ಣೂರು ವಿಮಾನ ನಿಲ್ದಾಣಡ್‌ ವಶಕ್ಕ್‌ ಪಡೆಯೊಂದೆರ್.‌
ಕುಂಬಳೆ ನಿವಾಸಿ ಸಲ್ಮಾನ್ ಫರೀದ್ ಆರೋಪಿ. ಸುಮಾರ್ 87.75 ಲಕ್ಷ ರೂ. ಬಿಲೆತ್ತ 1,517 ಗ್ರಾಂ ಬಂಗಾರ್‌ನ್‌ ವಶಕ್ಕ್‌ ಪಡೆಯೊಂದೆರ್. ಸಂಶಯಡ್ ಫರೀದ್ ನ ಬ್ಯಾಗನ್‌ ತಪಾಸಣೆ ಮಲ್ಪುನಗ ಬಂಗಾರ್ ಪತ್ತೆಯಾತ್‌ಂಡ್. ಟ್ರೋಲಿ ಬ್ಯಾಗ್‌ದ ಉಲಾಯಿ ಕಂಡ್‌ದ್‌ ದೀದ್‌, ಬಂಗಾರ್‌ನ್‌ ಸಾಗಾಟ ಮಲ್ತೊಂದು ಇತ್ತೆ ಪಂದ್‌ ತೆರಿದ್‌ ಬೈದುಂಡ್.‌

ಕಾಸ್ರೋಡ್ ಸುದ್ದಿ | Kasargod News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಬಿಗ್ ಬಾಸ್ ನಟೆ ಶಿಯಾಝ್ ಕರೀಂರ್ದ್ ಪೊಣ್ಣಗ್ ವಂಚನೆ, ಚೆನ್ನೈ ಏರ್ ಪೋರ್ಟುಡು ಅರೆಸ್ಟ್

ಕಾಸ್ರೋಡು: ಮದಿಮೆ ಆಪೆ ಪಂದ್ ಭರವಸೆ ಕೊರ್ದು, ಪೊಣ್ಣಗ್ ಕಿರುಕುಳ ಕೊರ್ನ ಆರೋಪಡ್ ಬಿಗ್ ಬಾಸ್ ನಟೆ ಶಿಯಾಝ್ ಕರೀಂ (34) ನ್ ಕಾಸ್ರೋಡು ಚಂದೇರ ಠಾಣೆ ಪೊಲೀಸೆರ್ ಅರೆಸ್ಟ್ ಮಲ್ದೆರ್.

ಪಿದಯಿ ದೇಶರ್ದ್ ಬತ್ತಿನ ಶಿಯಾಝ್ ನ್ ಕಾಸ್ರೋಡು ಪೊಲೀಸೆರ್ ಚೆನ್ನೈ ವಿಮಾನ ನಿಲ್ದಾಣಡ್ ಅರೆಸ್ಟ್ ಮಲ್ದೆರ್. ಅತ್ತಂದೆ ಶಿಯಾಝ್ ನ ಮಿತ್ತ್ ಪೊಲೀಸೆರ್ ಲುಕ್ ಔಟ್ ನೋಟಿಸ್ ಬುಡುಗಡೆ ಮಲ್ದೆರ್. ಶಿಯಾಝ್ ಬಿಗ್ ಬಾಸ್ ರಿಯಾಲಿಟಿ ಶೋ ಡ್ ಪಾಲ್ ಪಡೆದಿತ್ತೆರ್.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಎಡನೀರ್ ಮಠಟ್ಟ್ “ಪುವೆಂಪು ಒಂಜಿ ನೆಂಪು” ಲೇಸ್

ತುಳು ಲಿಪಿ ಸಂಶೋಧಕೆರ್ ಪುಂಡೂರು ವೆಂಕಟರಾಜ ಪುಂಚಿತ್ತಾಯ(ಪುವೆಂಪು) ಅರೆನ ನೆನಪುಡ್ ಕಾಸ್ರೋಡು ಸೇರಿನಂಚ ತುಳುನಾಡ್ ಡ್ ಸಾಧನ ಕುಠೀರ ನಿರ್ಮಾಣ ಆವೊಡು, ಅಲ್ಪ ಅರೆನ ಮಾತ ಸಂಶೋಧನೆಲು ಪ್ರದರ್ಶನ ಆವೊಡು ಪಂದ್ ಸಾಹಿತಿ ಡಾ.ರಮಾನಂದ ಬನಾರಿ ಪಂಡೆರ್. ಎಡನೀರು ಮಠಟ್ಟ್ ನಡತ್ತಿನ ಡಾ. ವೆಂಕಟರಾಜ ಪುಂಚಿತ್ತಾಯರೆನ ಒಂಜಿ ನೆಂಪು 2023 ಈ ಲೇಸ್ ಡ್ ಪಾತೆರಿಯೆರ್.
ಎಡನೀರು ಮಠಾಧೀಶೆರಾಯಿನ ಶ್ರೀ ಶ್ರೀ ಸಚ್ಚಿದಾನಂದ ಭಾರತೀ ಸ್ವಾಮೀಜಿ ಲೇಸ್ ದ ಉದಿಪನ ಮಲ್ತ್ ಪಾತೆರ್ದ್ ಎಡನೀರು ಶಾಲೆಡ್ ಅಧ್ಯಾಪಕೆರಾದ್ ಸೇವೆ ಸಂದಾವೊಂದು ಇತ್ತಿನ ಪೊರ್ತುಡು ಪುವೆಂಪು ಅರೆನ ಸೇವೆನ್ ನೆಂಪು ಮಲ್ತೊಂಡೆರ್. ಎಡನೀರು ಮಠದ ವ್ಯವಸ್ಥಾಪಕೆರ್ ರಾಜೇಂದ್ರ ಕಲ್ಲೂರಾಯ ಸಭೆತ ಗುರ್ಕಾರ್ಮೆನ್ ವಹಿಸ್ ದ್ ಇತ್ತೆರ್. ಪ್ರಭಾಕರ ಕಲ್ಲೂರಾಯ ಬನಗದ್ದೆ ಪುವೆಂಪು ಭಾವಚಿತ್ರನ್ ಅನಾವರಣ ಮಲ್ತೆರ್. ಈ ಪೊರ್ತುಡು ತುಳು ಸಂಶೋಧಕೆರ್ ಒಡಿಪುದ ಡಾಕ್ಟರ್ ಪದ್ಮನಾಭ ಕೇಕುಣ್ಣಾಯ ಅರೆಗ್ “ಪುವೆಂಪು 2023” ಪ್ರಶಸ್ತಿ ಪ್ರದಾನ ಮಲ್ತೆರ್. ಲೇಸ್ ಡ್ ಜೈ ತುಲುನಾಡ್ (ರಿ.) ಕಾಸರಗೋಡ್ ದ ಹರಿಕಾಂತ್ ಸಾಲಿಯಾನ್, ಜಗನ್ನಾಥ್ ಕುಲಾಲ್, ಉತ್ತಮ, ಪ್ರವೀಶ ಕುಲಾಲ್, ತುಳುವೆರೆ ಆಯನೊ ಗುರ್ಕಾರ್ಲು ಗೋಪಾಲಕೃಷ್ಣ ಕುಲಾಲ್, ಗುಂಡೂರು ಪ್ರಭಾವತಿ ಕೆದಿಲಾಯ, ಡಾ. ಶ್ರೀನಿಧಿ ಸರಳಾಯ, ಡಾ. ಶ್ರೀಕರ್ ಭಟ್, ಸತೀಶ್ ನೆಲ್ಲಿ ಕುಂಜೆ ಈ ಪೊರ್ತುಡು ಇತ್ತೆರ್.
ನಿವೃತ್ತ ಮುಖ್ಯ ಶಿಕ್ಷಕೆರ್ ಸಿ.ಎಚ್ ಗೋಪಾಲ ಭಟ್ ಅರೆನ ಕಾಶಿ ಪ್ರವಾಸ ಯಾತ್ರ ಕೃತಿನ್ ಎಡನೀರು ಶ್ರೀ ಬುಡುಗಡೆ ಮಲ್ತೆರ್. ಡಾ. ಶಶಿರಾಜ ನೀಲಂ ಬೊಕ್ಕ ಗುರುಮೂರ್ತಿ ನಾಯಿಕಾಪು ಡಾ. ಪುವೆಂಪು ಸಂಪಾದಿತ ತುಳುಕಾವ್ಯ ಶ್ರೀ ಭಾಗವತೊರ್ದ್ ಕಾವ್ಯವಾಚನ ನಡತ್ಂಡ್. ಸತೀಶ್ ಪುಣಿಂಚಿತ್ತಾಯ ಬೊಕ್ಕ ಬಳಗರ್ದ್ ಪುವೆಂಪು ವಿರಚಿತ ಯಕ್ಷಗಾನ ಗಾಯನ, ಆದ್ಯಂತ್ ಅಡೂರು, ಸಾನ್ವಿತ್ ಜೆಎನ್, ಸನ್ನಿಧಿ ಜೆಎನ್, ಮೊಕ್ಲೆರ್ದ್ ಪುವೆಂಪು ವಿರಚಿತ ಪದ್ಯದ ಗಾಯನನ್ ನಡಪಾದ್ ಕೊರಿಯೆರ್.

ಬೊಕ್ಕ ಸತ್ಯನಾರಾಯಣ ಅನುದಾನಿತ ಕಿರಿಯ ಪ್ರಾಥಮಿಕ ಶಾಲೆದ ರಂಗ ಡಿಂಡಿಮ ಮಕ್ಕಳ ತಂಡರ್ದ್ ಉದಯ ಸಾರಂಗ್ ನಿರ್ದೇಶನಡ್ ಪುವೆಂಪು ವಿರಚಿತ “ಮಾವು ಹಲಸು”ನಾಟಕ ಪ್ರದರ್ಶನ ಆಂಡ್. ಜೈ ತುಲುನಾಡ್(ರಿ.) ಕಾಸ್ರೋಡು ಘಟಕದ ಮುತಾಲಿಕೆಡ್ ಲೇಸ್ ಡ್ ಪಾಲ್ ಪಡೆಯಿನ ಮಾತ ಕಲಾವಿದೆರೆಗ್ ಶಾಲ್ ಪಾಡ್ದ್ ತುಳು ಲಿಪಿತ ಕಲಿಕಾ ಚಾರ್ಟ್ ಬೊಕ್ಕ ಪುಸ್ತಕ ಕೊರ್ದ್ ಸೊಲ್ಮೆ ಸಂದಾಯ ಮಲ್ತೆರ್. ವಿಜಯರಾಜ ಪುಣಿಂಚಿತ್ತಾಯ ಬತ್ತಿ ಬಿನ್ನೆರೆನ್ ಎದ್ಕೊಂದು, ಪರಡಾಲಮೂಲೆ ವೆಂಕಟ ಕೃಷ್ಣ ಭಟ್ ಸೊಲ್ಮೆ ಸಂದಾಯ ಮಲ್ತೆರ್. ಪ್ರೊ. ಎ ಶ್ರೀನಾಥ್ ಲೇಸ್ ದ ಸುಧಾರಿಕೆ ಮಲ್ತೆರ್.

Uncategorized ಕಾಸ್ರೋಡ್ ಸುದ್ದಿ | Kasargod News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಅ.2: ಪೆರ್ಲ ಶ್ರೀ ಸತ್ಯನಾರಾಯಣ ಪ್ರೌಢಶಾಲೆಡ್ ಉದ್ಯೋಗ ಪೊಲಬು ಶಿಬಿರ

ಕಾಸ್ರೋಡು: ಪೆರ್ಲ ಬ್ರಹ್ಮಶ್ರೀ ನಾರಾಯಣ ಗುರು ಬಿಲ್ಲವ ಸೇವಾ ಸಂಘ (ರಿ.) ದ ಮುತಾಲಿಕೆಡ್ ಅ.2 ಕ್ಕ್ ಪೆರ್ಲ ಶ್ರೀ ಸತ್ಯನಾರಾಯಣ ಪ್ರೌಢಶಾಲೆಡ್ ಸಾರ್ವಜನಿಕ ಧರ್ಮಾರ್ಥ ಉದ್ಯೋಗ ಪೊಲಬು ಶಿಬಿರ ನಡಪರೆ ಉಂಡು.

ಈ ಲೇಸ್ ಡ್ ಎಸ್ ಎಸ್ ಎಲ್ ಸಿ ಅತ್ತಂಡ ಅವೆರ್ದ್ ಎಚ್ಚ ಶಿಕ್ಷಣ ಪಡೆಯಿನ ಉದ್ಯೋಗಾರ್ಥಿಲು ಪಾಲ್ ಪಡೆವೊಲಿ. ಈ ಶಿಬಿರಡ್ ಕೇರಳ ರಾಜ್ಯ ಲೋಕ ಸೇವಾ ಆಯೋಗ ಅಂಡರ್ ಸೆಕ್ರೆಟರಿ ಆದಿತ್ತಿನ ಗಣೇಶ್ ಪ್ರಸಾದ್ ಮಾಣೂರು ಪೊಲಬು ಕೊರಿಯೆರೆ ಉಲ್ಲೆರ್. ನೆಟ್ಟ್ ಎಚ್ಚದ ಸಂಖ್ಯೆಡ್ ಉದ್ಯೋಗಾಕಾಂಕ್ಷಿಲು ಪಾಲ್ ಪಡೆವೊಡು ಪಂದ್ ಪೆರ್ಲ ಬ್ರಹ್ಮಶ್ರೀ ನಾರಾಯಣ ಗುರು ಮಹಿಳಾ ಸಂಘದ ಗುರ್ಕಾರ್ಲು, ಸರ್ವಸದಸ್ಯೆರ್ ಬೊಕ್ಕ ಪೆರ್ಲ ಬ್ರಹ್ಮಶ್ರೀ ನಾರಾಯಣ ಗುರು ಬಿಲ್ಲವ ಸೇವಾ ಸಂಘ (ರಿ.) ದ ಗುರ್ಕಾರ್ಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News

ಸೆ.18: ಜಿಲ್ಲಾ ಕಂಬುಲ ಸಮಿತಿ ಸಭೆ

ಬೆದ್ರ: ದಕ್ಷಿಣ ಕನ್ನಡ, ಒಡಿಪು ಬೊಕ್ಕ ಕಾಸರಗೋಡು ಜಿಲ್ಲಾ ವ್ಯಾಪ್ತಿದ ಜಿಲ್ಲಾ ಕಂಬಳ ಸಮಿತಿದ ಪೊಸ ಪದಾಧಿಕಾರಿಲೆನ ಪದಗ್ರಹಣ ಬೊಕ್ಕ ಕಂಬಳ ಸಮಿತಿದ ಸುರುತ ಸಭೆನ್ ಸೆ. 18 ಮದ್ಯಾಹ್ನ 3 ಗಂಟೆಗ್ ಬೆದ್ರದ ಕೋಟಿ ಚೆನ್ನಯ ಕಂಬುಲ ಕರೆತ ಕೈತಲ್ ಸೃಷ್ಟಿ ಗಾರ್ಡನ್ ಡ್ ಕಂಬುಲ ಸಮಿತಿದ ಪೊಸ ಗುರ್ಕಾರೆರ್ ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ಬೆಳಪು ಮೆರ್ ನ ಗುರ್ಕಾಮೆಡ್ ನಡಪೆರೆ ಉಂಡು ಪಂದ್ ಸಮಿತಿ ಪ್ರಕಟನೆಡ್ ತೆರಿಪಾದೆರ್.

ಸಭೆಟ್ ಕಂಬುಲದ ದಿನನ್ ಪಟ್ಟಿ ಮಲ್ತ್ ದ್ ಕಡೆಕ್ ಬೆಂಗಳೂರ್ ಡ್ ನಡಪುನ ಕಂಬಳದ ಬಗೆಟ್ ಚರ್ಚೆ ಮಲ್ಪೆರೆ ಉಂಡು. ಕಂಬಳದ ವ್ಯವಸ್ಥಾಪಕರ್ , ಎರುಕ್ಲೆನ ಧಣಿಕುಲು, ಪೋಷಕೆರ್, ಕಂಬಳದ ತೀರ್ಪುಗಾರೆರ್, ಎರು ಗಿಡಪುನಕುಲು, ಎರುಕುಲೆನ ಚಾಕಿರಿ ಮಲ್ಪುನಕುಲು, ಜನಪ್ರತಿನಿಧಿಲು, ಅಭಿಮಾನಿಲು ಈ ಸಭೆಟ್ ಪಾಲ್ ಪಡೆದ್ ಸಲಹೆ ಕೊರೊಡು ಪಂದ್ ಸಮಿತಿ ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್.

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News

ಅಸ್ಟೆಮಿ, ಮೊಸರುಕುಡಿಕೆ ಉಚ್ಚಯೊಗು ರೂಲ್ಸ್‌

ಸೆ.6 ದಾನಿ ರಾಜ್ಯದಾದ್ಯಂತ ಶ್ರೀ ಕೃಷ್ಣ ಜನ್ಮಾಷ್ಟಮಿ ಆಚರಣೆದ ನಿಲೆಟ್ಟ್ ಸರಕಾರ ಕೆಲವೊಂಜಿ ರೂಲ್ಸ್ ನ್ ಕನದ್ಂಡ್.

  1. ಶ್ರೀ ಕೃಷ್ಣ ಜನ್ಮಾಷ್ಟಮಿ ಬೊಕ್ಕ ಮೊಸರು ಕುಡಿಕೆ ಲೇಸ್ ಆಯೋಜನೆ ಮಲ್ಪುನಕುಲು ಕಡ್ಡಾಯವಾದ್ ಪೊಲೀಸ್ ಇಲಾಖೆರ್ದ್ ದುಂಬೆ ಅನುಮತಿ ಪಡೆಯೊನೊಡು.
  2. ಕೊಜಪುದ ಕರನ್ 14 ಅಡಿ ಎತ್ತರ ಮುಟ್ಟ ಕಟ್ಟೊಡು, ಕರನ ಬುಡ್ದು ಬೇತೆ ವಸ್ತುಲೆನ್ ಕಟ್ಟೆರೆ ಇಜ್ಜಿ.
  3. ಕೊಜಪುದ ಕರನ್ ಕಟ್ಟ್ ನಗ ಗಾಡಿಲೆನ ಸಂಚಾರಗ್ ಅಡ್ಡಿ ಆವಂದಿನಂಚ ತೂವೊಡು.
    4.ಕರ ದರ್ಪುನ ಸ್ವಯಂ ಸೇವೆಕೆರ್ನ ಮಿತ್ತ್ ನೀರ್ ತೇಪರೆ ಬಲ್ಲಿ.
  4. ಪೊಲೀಸ್ ಇಲಾಖೆರ್ದ್ ಫೈನಲ್ ಮಲ್ತಿನ ರೂಟ್ ಡ್ ಮಾತ್ರ ಮೆರವಣಿಗೆ ಮಲ್ಪೊಡು.
  5. ಕರ ಕಟ್ಟ್ ನಗ ಟ್ಯಾಬ್ಲೊ ತಯಾರ್ ಮಲ್ಪುನಗ ಜಾಗೆಡ್ ಇಪ್ಪುನ ಕರೆಂಟ್ ದ ವಯರ್ ದ ಬಗ್ಗೆ ಎಚ್ಚರ ವಹಿಸೊನೊಡು.
  6. ಮೊಸರು ಕುಡಿಕೆ ಮೆರವಣಿಗೆ ಪೋಪಿನ ಮಾರ್ಗೊಡು ಬೋಡಾಯಿನಾತ್ ಬೊಲ್ಪುದ ವ್ಯವಸ್ಥೆ ಇಪ್ಪೊಡು.
  7. ತುರ್ತು ಸಂದರ್ಭಡ್ ಅನುಕೂಲ ಆಪುನಂಚ ಆಂಬ್ಯುಲೆನ್ಸ್ ವ್ಯವಸ್ಥೆ ಮಲ್ಪೊಡು.
  8. ಮೈಕ್ ಪಾಡರೆ ಬಗ್ಗೆ ಪೊಲೀಸ್ ಇಲಾಖೆರ್ದ್ ಅನುಮತಿ ದೆತೊನೊಡು.
    ಸರ್ವೋಚ್ಚ ನ್ಯಾಯಾಲಯದ ಆದೇಶದಂಚ ರಾತ್ರೆ 10 ಗಂಟೆ ಮುಟ್ಟ ಮಾತ್ರ ಮೈಕ್ ಗ್ ಅವಕಾಶ
  9. ಒವ್ವೆ ಕಾರಣಗ್ ಮೆರವಣಿಗೆಡ್ ಡಿ.ಜೆ ಪಾಡರೆ ಬಲ್ಲಿ
    11.ಫಿಟ್‌ನೆಸ್ ಸರ್ಟಿಫಿಕೆಟ್, ಇನ್ಷೂರೆನ್ಸ್ ಸರ್ಟಿಫಿಕೆಟ್ ಇಪ್ಪುನ ಗಾಡಿಡ್ ಮಾತ್ರ ಟ್ಯಾಬ್ಲೊ ಮಲ್ಪೊಡು.
  10. ಸ್ವಯಂಸೇವಕೆರೆನ್ ಗುಂಪಾದ್ ವಿಂಗಡನೆ ಮಲ್ತ್ ದ್ ಮೆರವಣಿಗೆ ಪೋನಗ ಮಾರ್ಗಡ್ ಅಕ್ಲೆನ್ ನಿಯೋಜನೆ ಮಲ್ತ್ ಸಲೀಸಾದ್ ಸಾಗುನಂಚ ಮಲ್ಪೊಡು.
  11. ಒವ್ವೆ ಧರ್ಮ/ಸಮುದಾಯದ ಭಾವನೆಗ್ ಧಕ್ಕೆ ಆಪಿಲೆಕ ಟ್ಯಾಬ್ಲೋ ನೃತ್ಯ/ ರೂಪಕ ಇಪ್ಪೆರೆ ಬಲ್ಲಿ.
  12. ಪಟಾಕಿ ಬುಡ್ ನಗ ಆಸ್ಪತ್ರೆದ ಕಯಿತಲ್, ಜನ ಸಂದಣಿದ ನಡುಟ್ಟು ಪಟಾಕಿ ಬುಡಿಯೆರೆ ಬಲ್ಲಿ . ರಾತ್ರೆ 10 ಗಂಟೆರ್ದ್ ಬೊಕ್ಕ ಪಟಾಕಿ ಬುಡರೆ ಇಜ್ಜಿ.
  13. ಲೇಸ್ ಗ್ ಸಂಬಂಧಿಸಿನಂಚ ಸಾರ್ವಜನಿಕ ಜಾಗೆಡ್ ಫ್ಲೆಕ್ಸ್ ಬೊಕ್ಕ ಬ್ಯಾನರ್ ನ್ ಪಾಡುನೆರ್ದ್ ದುಂಬು ಸ್ಥಳೀಯ ಪ್ರಾಧಿಕಾರರ್ದ್ ಕಡ್ಡಾಯವಾದ್ ಅನುಮತಿ ದೆತೊನೊಡು.
  14. ಕಾರ‍್ಯಕ್ರಮಕ್ಕ್ ಸಂಬಂಧಿಸಾದ್ ಪಾಡುನ ಪ್ಲೆಕ್ಸ್, ಬ್ಯಾನರ್‌ಡ್ ಒವ್ವೆ ಪ್ರಚೋದನಾತ್ಮಕ ಬರವು/ಫೊಟೊ ಬಳಕೆ ಮಲ್ಪೆರೆ ಇಜ್ಜಿ.
  15. ಕಾರ‍್ಯಕ್ರಮಕ್ ಸಂಬಂಧಿಸಾದ್ ಪಾಡುನ ಮಾತಾ ಪ್ಲೆಕ್ಸ್, ಬ್ಯಾನರ್ ಬೊಕ್ಕ ಬಂಟಿಂಗ್ಸ್ ಲೆನ್ ಕಾರ್ಯಕ್ರಮ ಮುಗಿನ ಕೂಡ್ಲೆ ಕಡ್ಡಾಯವಾದ್ ದೆಪ್ಪೊಡು.
  16. ಕಾರ್ಯಕ್ರಮಕ್ ಬರ್ಪುನ ಜನಕ್ಲೆನ ಗಾಡಿಗ್ ಪಾರ್ಕಿಂಗ್ ಜಾಗೆ ಮಲ್ಪೊಡು. ಮೆರವಣಿಗೆ ಪೋಪುನ ಜಾಗೆಡ್ ಗಾಡಿನ್ ಉಂತಾವದಿಲಕ ಸ್ವಯಂಸೇವಕೆರೆನ್ ನಿಯೋಜನೆ ಮಲ್ಪೊಡು.
  17. ಸ್ಥಳೀಯ ಪರಿಸ್ಥಿತಿಗ್ ಅನುಗುಣವಾದ್ ಬಂದೋಬಸ್ತ್ ಕರ್ತವ್ಯಡ್ ಇಪ್ಪುನ ಪೊಲೀಸ್ ಅಧಿಕಾರಿಲೆನ ಸೂಚನೆನ್ ಪಾಲನೆ ಮಲ್ಪೊಡು ಬೊಕ್ಕ ಪೊಲೀಸೆರ್ ನ ಒಟ್ಟಿಗೆ ಸಂಘಟಕೆರ್ ಸಹಕಾರ ಮಲ್ಪೊಡು.
ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ತೆಂಕುತಿಟ್ಟು ಚಿಕ್ಕ ಮೇಳದ ಒಕ್ಕೂಟ ಉದಿಪನ; ಜು.27 ಕ್ಕ್ ಸಭೆ

ತುಳುನಾಡ್ ದ ದೇವ ಕಲೆ ಆಯಿನ ಯಕ್ಷಗಾನದ ಚಿಕ್ಕ ಮೇಳಗ್ ಒಂಜಿ ಶಿಸ್ತ್ ದ ಚೌಕಟ್ಟ್ ಪಾಡುನ ನಿಲೆಟ್ಟ್ ಇಂಚೊಗು ಬಂಟ್ವಾಳ ನಡತಿನ ತುರ್ತು ಸಭೆಟ್ಟ್
ತೆಂಕುತಿಟ್ಟು ಚಿಕ್ಕ ಮೇಳದ ಒಕ್ಕೂಟ ರಚನೆ ಆತ್ಂಡ್.

ಉಂದೆತ್ತ ಸಂಚಾಲಕೆರಾದ್ ಸರಪಾಡಿ ಅಶೋಕ್ ಶೆಟ್ರ್, ಗೌರವ ಸಲಹೆಗಾರೆರಾದ್ ದಿವಾಕರ ದಾಸ್ ಕಾವಳಕಟ್ಟೆ ಬೊಕ್ಕ ಕುಮಾರ್ ಮಾಲೇಮಾರ್ ಅಂಚನೆ ಕಾರ್ಯದರ್ಶಿಲಾ ದ್ ಕಡಬ ದಿನೇಶ್ ರೈ ಅಜತ್ ಬೈದೆರ್.

ಯಕ್ಷಗಾನದ ಪುದರ್‌ಡ್ ಮರಿಯಲಡ್ ಪಿದಡುನಂಚಿತ್ತಿನ ಚಿಕ್ಕಮೇಳಲು ತುಳುನಾಡ್‌ಡ್ ಮಸ್ತ್ ಉಲ್ಲ. ಆಂಡ ಕೆಲವು ಕಲಾವಿದೆರ್ ಅತ್ತಂದಿನಕುಲು ಚಿಕ್ಕಮೇಳ ಮಲ್ತ್‌ದ್ ಕಲೆಕ್ಕ್ ಅಪಚಾರ ಆಪಿಲೆಕ್ಕ ಯಕ್ಷಗಾನ ಪ್ರದರ್ಶನ ಮಲ್ತಿನವು ಹಿಂದೂ ಸಂಘಟನೆದ ಮುಖಂಡೆರೆಗ್ ಬೊಕ್ಕ ಯಕ್ಷಗಾನದ ಅಭಿಮಾನಿಲೆಗ್ ಬೇಜಾರ್ ಆದ್ ಆಕ್ರೋಶಗ್ ಕಾರಣ ಆದಿತ್ತ್ಂಡ್. ಈ ನಿಲೆಟ್ ಚಿಕ್ಕಮೇಳಲೆನ್ ನಿಷೇಧ ಮಲ್ಪೊಡೆ ಪನ್ಪಿನ ವ್ಯವಸ್ಥೆಗ್ ಕೆಲವೆರ್ ಪ್ರಯತ್ನ ಮಲ್ತೊಂದಿಪ್ಪುನ ಪೊರ್ತುಡು, ಚಿಕ್ಕಮೇಳ ಅಗತ್ಯ ಬೋಡು. ಅವು ಒಂಜಾತ್ ಕಲಾವಿದೆರೆಗ್ ನುಪ್ಪುದ ಪಡಿ ಕೊರ್ಪುಂಡು. ಚಿಕ್ಕಮೇಳನ್ ನಂಬುದು ಮಸ್ತ್ ಕಲಾವಿದೆರ್ ಜೀವನ ಮಲ್ತೊಂದುಲ್ಲೆರ್ ಪನ್ಪಿನ ನಿಲೆಟ್ ಅವೆನ್ ಒರಿಪಾವುನಂಚಿನ ಪ್ರಯತ್ನಗ್ ತುರ್ತು ಸಭೆನ್ ಸರಪಾಡಿ ಅಶೋಕ್ ಶೆಟ್ಟಿ ಮೆರೆನ ಮುತಾಲಿಕೆಡ್ ಬೊಕ್ಕ ತೆಂಕುತಿಟ್ಟು ಚಿಕ್ಕಮೇಳದ ಮಾತ ಸಂಚಾಲೆಕೆರ್ ಪಾಲ್ ದೆತೊಂದು ಅಯಿತ್ತ ಬಗೆಟ್ ಒಂಜಿ ಚರ್ಚೆ ಮಲ್ಪೊಡು.

ಈ ಸಮಾಲೋಚನೆ ಮಲ್ತ್‌ದ್ ಚಿಕ್ಕಮೇಳಗ್‌ಲ ರೂಪುರೇಷೆ ತಯಾರ್ ಮಲ್ಪೊಡು. ಅಯಿಕ್ಕ್ ಒಂಜಾತ್ ನಿಬಂಧನೆಲೆನ್ ಮಲ್ತ್‌ದ್ ಗೌರವಯುತವಾದ್ ಚಿಕ್ಕಮೇಳಲು ತಿರ್ಗಾಟ ಮಲ್ಪೊಡು ಪನ್ಪಿನ ನಿಲೆಟ್ ಜುಲೈ 19 ಗ್ ಬಿ.ಸಿ ರೋಡ್‌ದ ಸ್ಪರ್ಶ ಕಲಾ ಮಂದಿರಡ್ ಸಭೆ ನಡತ್ಂಡ್. ಈ ಸಭೆಟ್ ಸುಮಾರ್ 25 ನೆರ್ದ್ ಎಚ್ಚದ ತೆಂಕುತಿಟ್ಟು ಚಿಕ್ಕಮೇಳದ ಸಂಚಾಲೆಕೆರ್ ಬೊಕ್ಕ ಕಲಾವಿದೆರ್ ಪಾಲ್ ಪಡೆದ್ ಇತ್ತೆರ್.

ಈ ಸಭೆಟ್ಟ್ ಚಿಕ್ಕಮೇಳ ಮಲ್ಪುನಗ ಎಂಚ ಇಪ್ಪೊಡು, ವಾ ವ್ಯಾಪ್ತಿಡ್ ತಿರ್ಗಾಟ ಮಲ್ಪುನಗ ಕಲಾವಿದೆರೆಡ ದಾದ ಪೂರ ಇಪ್ಪೊಡು ಪನ್ಪಿನ ವಿಷಯಡ್ ಚರ್ಚೆ ಆಂಡ್. ಉಂದು ತುರ್ತು ಸಭೆ ಆತಿನೆಡ್ದಾವರ ಎಚ್ಚದ ಚಿಕ್ಕಮೇಳದ ಯಜಮಾನೆರೆಗ್ ಬೊಕ್ಕ ಕಲಾವಿದೆರೆಗ್ ಬರಿಯರೆ ಆಯಿಜಿ. ಉಂದೆತ್ತ ಬಗೆಟ್ ನನಾತ್ ಚರ್ಚೆ ಮಲ್ಪರೆ ಜುಲೈ 27 ಕ್ಕ್ ಗುರುವಾರ ಬಿ.ಸಿ ರೋಡ್‌ದ ಸ್ಪರ್ಶ ಕಲಾಮಂದಿರಡ್ ಸಭೆ ಲೆತ್ತ್‌ದ್ಂಡ್. ಈ ಸಭೆಕ್ಕ್ ತೆಂಕುತಿಟ್ಟು ಚಿಕ್ಕಮೇಳದ ಮಾತ ವ್ಯವಸ್ಥಾಪಕೆರ್, ಸಂಚಾಲಕೆರ್ ಬೊಕ್ಕ ಪ್ರತಿನಿಧಿಕುಲು ಕಡ್ಡಾಯವಾದ್ ಪಾಲ್ ಪಡೆಯೊಡು ಪಂದ್ ಕಾರ್ಯದರ್ಶಿ ಯಕ್ಷಬೊಳ್ಳಿ ಕಡಬ ದಿನೇಶ್ ರೈ ತೆರಿಪಾದೆರ್.

ಚಿಕ್ಕಮೇಳ ತಿರ್ಗಾಟದ ನಿಯಮಲು:

# ಚಿಕ್ಕಮೇಳಲು ವಾ ದೇವಲ್ಯರ್ದ್ ಪಿದಡುಂಡ ಆ ದೇವಲ್ಯದ ಅನುಮತಿ ಬೋಡು.
# ಚಿಕ್ಕಮೇಳಡ್ ತಿರ್ಗಾಟ ಮಲ್ಪುನ ಕಲಾವಿದೆರ್ ವಾ ಮೇಳದಕುಲ, ಆ ಮೇಳದ ಅನುಮತಿ ಪತ್ರ
# ವಾ ಊರುಗು ತಿರ್ಗಾಟ ಮಲ್ಪುವೆರಾ ಆ ಊರುಗ್ ಸಂಬಂಧಪಟ್ಟಿನ ಗ್ರಾಮ ಪಂಚಾಯತ್‌ದ ಅನುಮತಿ ಪತ್ರ
# ಆಯಾ ಊರುದ ಪೊಲೀಸ್ ಠಾಣೆದ ಅನುಮತಿ ಪತ್ರನ್ ದೆತೊಂದು ತಿರ್ಗಾಟ ಮಲ್ಪೊಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

Women availing free ride in government buses can show a xerox of their Identification card details- Government specifies ಫ್ರೀ ಬಸ್‌ಟ್ ಪೋಯರೆ ಪೊಂಜೊವುಲು ಐಡಿ ಜೆರಾಕ್ಸ್, ಸಾಫ್ಟ್ ಕಾಪಿ ತೋಜಾಂಡಲ ಯಾವು: ಸರ್ಕಾರ ಸ್ಪಷ್ಟನೆ

ಬೆಂಗ್ಲೂರ್: ರಾಜ್ಯ ಸರ್ಕಾರದ ಶಕ್ತಿ ಯೋಜನೆಡ್ ರಾಜ್ಯದ ಮಾತ ಪೊಂಜೊವುಲೆಗ್ ಫ್ರೀ ಆದ್ ಬಸ್‌ಟ್ಟ್ ಪ್ರಯಾಣ ಮಲ್ಪರೆ ಕರ್ನಾಟಕ ಸರ್ಕಾರದ ಒವ್ವೇ ಐಡಿದ ಜೆರಾಕ್ಸ್ ತೋಜ್ಪಾಂಡ ಯಾವು ಪಂದ್ ಅಧಿಕಾರಿಲು ಸ್ಪಷ್ಟನೆ ಕೊರ್ತೆರ್.

ರಾಜ್ಯದ ಮಸ್ತ್ ಕಡೆಟ್ಟ್ ಐಡಿ ಪ್ರೂಫ್ ವಿಚಾರಗ್ ಸಂಬಂಧಿಸಾದ್ ಕಂಡಕ್ಟರ್ ಬೊಕ್ಕ ಪೊಂಜೊವುಲೆನ ನಡುಟ್ಟ್ ಗಲಾಟೆ ಆದಿತ್ತ್ಂಡ್. ಉಂದೆನ್ ತೂದು ಸಾರಿಗೆ ಇಲಾಖೆ ಕರ್ನಾಟಕ ಸರ್ಕಾರಗ್ ಸಂಬಂಧ ಪಟ್ಟಿನ ಐಡಿದ ಜೆರಾಕ್ಸ್‌ನ್ ತೋಜ್ಪಾಂಡ ಯಾವು ಪಂದ್ ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಎಪ್ರಿಲ್ 14 ಕ್ಕ್ ತುಳುನಾಡ್‌ಡ್ ಬುಡುಗಡೆ ಆಯರೆ ಉಂಡು “ಗೌಜಿ ಗಮ್ಮತ್” ತುಳು ಪಿಚ್ಚರ್

ಮೋವಿನ್ ಫಿಲಂಮ್ಸ್ ಲಾಂಭನಡ್ ಮೋಹನ್ ಭಟ್ಕಳ್, ವಿನಾಯಕ ತೀರ್ಥಹಳ್ಳಿ ನಿರ್ಮಾಣಡ್, ಮಣಿ ಎಜೆ ಕಾತೀಕೇಯನ್ ನಿರ್ದೇಶನಡ್ ತಯಾರ್ ಆಯಿನ “ಗೌಜಿ ಗಮ್ಮತ್” ತುಳು ಪಿಚ್ಚರ್ ಎಪ್ರಿಲ್ 14 ಕ್ಕ್ ತುಳುನಾಡ್‌ಡ್ ಬುಡುಗಡೆ ಆಯರೆ ಉಂಡು.

ಈ ಬಗೆಟ್ ನಡತಿನ ಪತ್ರಿಕಾಗೋಷ್ಠಿಡ್ ತೆಲಿಕೆದ ಬೊಳ್ಳಿ ದೇವದಾಸ್ ಕಾಪಿಕಾಡ್ ಪಾತೆರ್ದ್, ಕುಡ್ಲದ ರೂಪವಾಣಿ, ಬಿಗ್ ಸಿನಿಮಾಸ್, ಪಿವಿಆರ್, ಸಿನಿಪೊಲಿಸ್, ಒಡಿಪುಡ್ ಕಲ್ಪನ, ಮಣಿಪಾಲದ ಭಾರತ್ ಸಿನಿಮಾ, ಐನಾಕ್ಸ್, ಪಡುಬಿದ್ರೆದ ಭಾರತ್ ಸಿನಿಮಾ, ಸುರತ್ಕಲ್‌ದ ನಟರಾಜ್, ಸಿನಿ ಗ್ಯಾಲಕ್ಸಿ, ಪುತ್ತೂರ್‌ದ ಅರುಣಾ, ಭಾರತ್ ಸಿನಿಮಾ, ಬೆದ್ರದ ಅಮರಶ್ರೀ, ಕಾರ್ಲದ ರಾಧಿಕಾ ಇಂಚಿನ ಕಡೆಟ್ಟ್ ಈ ಪಿಚ್ಚರ್ ಬುಡುಗಡೆ ಆಯರೆ ಉಂಡು. ತುಳುನಾಡ್‌ದ ಪೊಸ ಕಲಾವಿದೆರ್ ಈ ಪಿಚ್ಚರ್‌ಡ್ ನಟನೆ ಮಲ್ತ್‌ದೆರ್. ಈ ಪಿಚ್ಚರ್ ಒಂಜೇ ಪಂತೆಡ್ 19 ದಿನತ್ತ ಕಾಲ ಚಿತ್ರೀಕರಣ ಆದಿತ್ತ್ಂಡ್ ಪಂದ್ ಪಂಡೆರ್.

ತುಳುನಾಡ ಮಾಣಿಕ್ಯ ಅರವಿಂದ ಬೋಳಾರ್ ಪಾತೆರ್ದ್, ಈ ಪಿಚ್ಚರ್‌ಗ್ ಯು ಎ ಸರ್ಟಿಫಿಕೇಟ್ ತಿಕ್ಕ್‌ದ್ಂಡ್. ಗೌಜಿ ಗಮ್ಮತ್ ಪಿಚ್ಚರ್ ಮಸ್ತ್ ಹಾಸ್ಯಮಯವಾದ್ ಉಂಡು. ಇತ್ತೆದ ಪೀಳಿಗೆದ ಜನಕುಲು ಇಷ್ಟ ಪಡುನ ಕತೆನ್ ಹಾಸ್ಯಭರಿತವಾದ್ ನಿರ್ದೇಶನ ಮಲ್ತ್‌ದೆರ್. ಸಮಾಜಗ್ ಎಡ್ಡೆ ಸಂದೇಶನ್ ಈ ಪಿಚ್ಚರ್ ಕೊರ್ಪುಂಡು ಪಂದ್ ಪಂಡೆರ್.

ಕುಸಲ್ದರಸೆ ನವೀನ್ ಡಿ ಪಡೀಲ್, ನಾಯಕ ನಟೆಯಾದ್ ಕರ್ಣ ಉದ್ಯಾವರ್, ನಾಯಕಿಯಾದ್ ಸ್ವಾತಿ ಪ್ರಕಾಶ್ ಶೆಟ್ಟಿ ಅಭಿನಯ ಮಲ್ತ್‌ದೆರ್. ಪ್ರಸನ್ನ ಶೆಟ್ಟಿ ಬೈಲೂರ್, ಉಮೇಶ್ ಮಿಜಾರ್, ಜಯಶೀಲಾ ಮರೋಳಿ, ಪ್ರಭಾಕರ್ ಬ್ರಹ್ಮಾವರ, ಚಂದ್ರಹಾಸ ಶೆಟ್ಟಿ ಮಾಣಿ, ಸುಜಾತ ಶಕ್ತಿನಗರ, ಕಿಶೋರ್ ಶೆಟ್ಟಿ ಪಿಲಾರ್, ಹರೀಶ್ ಪೂಜಾರಿ ಕಡ್ತಲ, ಹರೀಶ್ಚಂದ್ರ ಪೆರಾಡಿ ಪ್ರಭಾಕರ್ ಆಚಾರ್ಯ ಮೂಡುಬೆಳ್ಳೆ, ಅಶ್ವತ್ ಶೆಟ್ಟಿ, ವಿಕ್ಕಿ ರಾವ್, ಮಿರ್ಚಿ ಸಂದೇಶ್ ದೇವಾಡಿಗ, ಅಶ್ವತ್ಥಪುರ, ಶಿವರಾಮ್ ವಿಟ್ಲ, ರಾಧಿಕಾ ಭಟ್, ವನಿತಾ ಸುವರ್ಣ, ನರಸಿಂಹ ನಾಯಕ್, ರಶ್ಮಿತಾ ಸಾಲಿಯಾನ್ ಪಿಲಾರ್, ಸುರಕ್ಷಾ ಕೋಟ್ಯಾನ್ ಪಿಲಾರ್ , ಲೊಕೇಶ್ ಮಾಣಿಲ, ಅನುಷಾ ಶೆಟ್ಟಿ,
ಬೇಬಿ ಚಿತ್ರಿತಾ ದೇವಾಡಿಗ ಹಳೆಯಂಗಡಿ, ಲೊಕೇಶ್ ಶೆಟ್ಟಿ, ಜ್ಞಾನೇಶ್ ಆಚಾರ್ಯ, ಶಶಿರಾಜ್ ಆಚಾರ್ಯ, ಮಧು ಪೂಜಾರಿ ವಿಷ್ಣುನಗರ, ನಿಲೇಶ್ ಶೆಟ್ಟಿ ಇನ್ನ, ಈ ಪಿಚ್ಚರ್‌ಡ್ ನಟನೆ ಮಲ್ತ್‌ದೆರ್.

ಪತ್ರಿಕಾಗೋಷ್ಠಿಡ್ ಪಿಚ್ಚರ್‌ದ ನಟಿ ಸ್ವಾತಿ ಪ್ರಕಾಶ್, ಕರುಣಾಕರ್ ಉಡುಪಿ, ನಿರ್ಮಾಪಕೆರ್ ವಿನಾಯಕ ತೀರ್ಥಹಳ್ಳಿ, ಮೋಹನ್ ಭಟ್ಕಳ್, ಸಂದೀಪ್, ಪ್ರಭಾಕರ ಬ್ರಹ್ಮಾವg, ಜಯಶೀಲ ಮರೋಳಿ, ಛಾಯಾಗ್ರಹಕೆರ್ ರಾಮಾಂಜನೇಯ ಇತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಮುಲ್ಕಿ -ಬೆದ್ರಗ್ ಉಮಾನಾಥ್, ಉತ್ತರೊಗು ಡಾ.ಭರತ್ ಶೆಟ್ಟಿ

ಕುಡ್ಲ : ಭಾರಿ ಚರ್ಚೆಗ್ ಕಾರಣ ಆಯಿನ ಮುಲ್ಕಿ- ಬೆದ್ರ ವಿಧಾನಸಭೆ ಕ್ಷೇತ್ರಗ್ ಕಡೆಕ್ಕ್ ಲ ಬಿಜೆಪಿ ಅಭ್ಯರ್ಥಿಯಾದ್ ಉಮಾನಾಥ ಕೋಟ್ಯಾನ್ ಕುಡೊರ ಆಯ್ಕೆ ಆತೆರ್ ಪಂದ್ ತೆರಿದ್ ಬೈದ್ಂಡ್.

ಬಿಜೆಪಿದ ಅಭ್ಯರ್ತಿಲೆನ ಪಟ್ಟಿದ ಪ್ರಕಾರ, ಕುಡ್ಲ ಕ್ಷೇತ್ರ, ಪುತ್ತೂರು, ಸುಳ್ಯಗ್ ಪೊಸ ಅಬ್ಯರ್ತಿಲೆಗ್ ಅವಕಾಶ ಕೊರ್ತೆರ್.

ಬೊಲ್ತೇರ್ ಗ್ ಹರೀಶ್ ಪೂಂಜ, ಮುಲ್ಕಿ ಬೆದ್ರಗ್ ಉಮಾನಾಥ ಕೋಟ್ಯಾನ್, ಕುಡ್ಲ ( ಉಳ್ಳಾಲ) ಕ್ಷೇತ್ರಗ್ ಸತೀಶ್ ಕುಂಪಲ ಕುಡ್ಲ ದಕ್ಷಿಣ ವೇದವ್ಯಾಸ ಕಾಮತ್, ಕುಡ್ಲ ಉತ್ತರ ಡಾ.ಭರತ್ ಶೆಟ್ಟಿ, ಬಂಟ್ವಾಳ ಗ್ ರಾಜೇಶ್ ನಾಯ್ಕ್, ಪುತ್ತೂರುಗು ಆಶಾ ತಿಮ್ಮಪ್ಪ, ಸುಳ್ಯ ಗ್ ಭಾಗೀರಥಿ ಅಭ್ಯರ್ತಿಯಾದ್ ಆಯ್ಕೆ ಆತೆರ್ .

You Missed

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ

Copyright © All rights reserved - The Times of Kudla Mangalore | Paper News by Themeansar.