ಮುಲ್ಕಿ: ನಗರ ಪಂಚಾಯತ್ ವ್ಯಾಪ್ತಿದ ಕಾರ್ನಾಡ್ ರ್ದ್ ಮಾನಂಪಾಡಿ ವೀರಭದ್ರ ದೇವಸ್ಥಾನಗ್ ಪೋಪುನ ಮಾರ್ಗ ವ್ಯವಸ್ಥೆ ಅವ್ಯವಸ್ಥೆ ಆತುಂಡ್. ಮುಲ್ಪ ಪೋಯರೆ ಸಂಚಾರ ದುಸ್ತರವಾದ್ ಉಂಡು.
ಮಾರ್ಗಡ್ ಪೈಪ್ಲೈನ್ ಪಾಡರೆ ಮಾರ್ಗ ಗರ್ತ್ ದ್ ಬೊಕ್ಕ ಸರಿಟ್ ಅವೆತ ಬೇಲೆ ಮಲ್ಪಂದೆ ಮಾರ್ಗಡ್ ಮಲ್ಲ ಮಲ್ಲ ಗುಂಡಿಲು ಬೂರಿಯರೆ ಸುರು ಆತುಂಡ್.
ಈ ಭಾಗಡ್ ಅಮೃತ್ 2.0 ಪರ್ಪುನ ನೀರ್ ದ ಪೈಪ್ ಲೈನ್ ಕಾಮಗಾರಿದ ಬೇಲೆಡ್ ಮಾರ್ಗ ಹಾಳ್ ಆವರೆ ಕಾರಣ.
ಮುಲ್ಪ ಬರ್ಸ ನೀರ್ ಪೊವರೆ ಸರಿಟ್ ಚರಂಡಿ ವ್ಯವಸ್ಥೆ ಇಜ್ಜಿ ಪಂದ್ ಕೈತಲ್ ದಕುಲು ತೆರಿಪಾದೆರ್.
ಕಾರ್ನಾಡ್ ರ್ದ್ ವೆಂಕಟರಮಣ ದೇವಸ್ಥಾನ,ದರ್ಗಾ ಮಸೀದಿ, ಮೈಲೊಟ್ಟು, ಪಂಜಿನಡ್ಕ, ಫಲಿಮಾರು, ವಿಜಯ ಕಾಲೇಜು ಇಂಚಿ ಪೋಪುನಕುಲೆಗ್ ಈ ಮಾರ್ಗಡ್ ಪೋಪುನೆರ್ದಾವರ ಮಾರ್ಗದ ವ್ಯವಸ್ಥೆ ಅವ್ಯವಸ್ಥೆ ಆದ್ ಜನಕುಲು ಸಂಬಂಧಪಟ್ಟ ಇಲಾಖೆಗೆ ಶಾಪ ಪಾಡೊಂದುಲ್ಲೆರ್ .
ಸಾಮಾಜಿಕ ಕಾರ್ಯಕರ್ತ ಶರತ್ ಕಾರ್ನಾಡ್ ಪಾತೆರ್ದ್ ನಗರ ಪಂಚಾಯತ್ ಅಧಿಕಾರಿಲು ಉಂದೆನ್ ತೂದು ತಾತ್ಕಾಲಿಕವಾದ್ ಮಾರ್ಗ ಸರಿ ಮಲ್ಪೊಡು ರಸ್ತೆ ಇಜ್ಜಿಂಡ ಮುಲ್ಕಿ ಆಡಳಿತ ಸೌಧದ ಎದುರು ಪ್ರತಿಭಟನೆ ಮಲ್ಪುವ ಪಂದ್ ಎಚ್ಚರಿಕೆ ಕೊರ್ತೆರ್.