ಉಡುಪಿ ಪುತ್ತೂರು ಆಶ್ರಮಡ್ ಶ್ರೀ ಚಂದ್ರಶೇಖರ ಸ್ವಾಮೀಜಿನ ಪುಟ್ಡುಪರ್ಬದ ಆಚರಣೆ

ಉಡುಪಿ : ಅಂತಾರಾಷ್ಟ್ರೀಯ
ವಾಸ್ತು ತಜ್ಞೆರಾದ್ ಆಧ್ಯಾತ್ಮಿಕ ಗುರುವಾದ್ ಜ್ಯೋತಿಷ್ಯೆರಾದ್ ಸಮಾಜಡ್ ನಿಸ್ವಾರ್ಥ ಸೇವೆದ ಮುಕೇನ ಪುಗರ್ತೆ ಪಡೆದಿನ ಶ್ರೀ ಚಂದ್ರಶೇಖರ ಸ್ವಾಮೀಜಿ ಮೆರೆನ ಜನ್ಮ ದಿನಾಚರಣೆ ಒಂಜಿ ಸೇವಾ ಪರಿಕಲ್ಪನೆಯಾದ್ ಬೆಳಗೊಂದುಂಡು. ಈ ಸೇವೆ ನಿತ್ಯ ನಿರಂತರವಾದ್ ಬುಳೆಯೊಡು, ಅವೇತೋ ಬಡವರ್ಗದ ಇಲ್ಲ್ ಇಲ್ಲ್‌ಡ್ ನಂದಾ ದೀಪ ಆದ್ ಬೆಳಗೊಡು ಪಂದ್ ಎಂದು ಸಮಾಜ ಸೇವಕೆರ್, ಆಪ್ತರಕ್ಷಕೆ ಈಶ್ವರ ಮಲ್ಪೆ ಪಂಡೆರ್.
ಆರ್, ಶ್ರೀ ಚಂದ್ರಶೇಖರ ಸ್ವಾಮೀಜಿನ ಪುಟ್ಟುಪರ್ಬದ ಪ್ರಯುಕ್ತ ಉಡುಪಿದ ಪುತ್ತೂರು ಗ್ರಾಮದ ಕೃಷ್ಣಾನುಗ್ರಹ “ಮಮತೆಯ ತೊಟ್ಟಿಲು” ಆಶ್ರಮಗ್ ಫ್ಯಾನ್ ಕೊರ್ಪಿನ ಬೊಕ್ಕ ಜೋಕುಲೆಗ್ ವಿಶೇಷವಾದ್ ಮಾನಾದಿಗೆ ಮಲ್ಪುನ ಲೇಸ್‌ಡ್ ಪಾತೆರಿಯೆರ್.
ಸಮಾಜ ಸೇವಕೆರ್ ಕೃಷ್ಣಮೂರ್ತಿ ಆಚಾರ್ಯ ಮೇರ್ ಈ ಸೇವಾ ಕಾರ್ಯಕ್ರಮಗ್ ಚಾಲನೆ ಕೊರ್ದು, ಸಮಾಜಡ್ ಮಾತಾ ವರ್ಗದಕ್ಲೆನ್ ಪ್ರೀತಿ ಮಲ್ಪುನ ಶ್ರೀ ಚಂದ್ರಶೇಖರ ಸ್ವಾಮೀಜಿ ತನ್ನ ಪುಟ್ಟುಪರ್ಬ ದಿನ ದೀನ ದಲಿತೆರ್, ಬಡವರ್ಗದಕ್ಲೆನ ಎಡ್ಡೆಪ್ಪು ಗು ಮೀಸಲ್ ದೀಪಿನವು ಶ್ಲಾಘನೀಯ ಪಂದ್ ಪಂಡೆರ್.
ಆಶ್ರಮದ ಪ್ರಮುಖೆರಾಯಿನ ಡಾ.ಉಮೇಶ್ ಪ್ರಭು, ಉಡುಪಿ ನಗರ ಸಭೆತ್ತ ಮಾಜಿ ಅಧ್ಯಕ್ಷೆರ್ ಯುವರಾಜ್ ಪುತ್ತೂರು, ಸಂಘಟಕೆರ್ ಎಂ ಸಾಧಿಕ್ ಅಹಮದ್, ಅಶೋಕ್ ಪುತ್ತೂರು, ಹರೀಶ್ ಪುತ್ತೂರು, ಸುಧೀರ್ ಪುತ್ತೂರು, ಎಂ.ಜುಬೇರ್ ಮೊಕುಲು ಮಾತ ಇತ್ತೆರ್.
ಕಾರ್ಯಕ್ರಮ ಸಂಯೋಜಕೆ ಬೊಕ್ಕ ಶ್ರೀ ಚಂದ್ರಶೇಖರ ಸ್ವಾಮೀಜಿಲೆನ ಆಶ್ರಮದ ಉಡುಪಿ ಪ್ರತಿನಿಧಿ ಎಂ. ಸಾಧಿಕ್ ಅಹಮದ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.