ಕಲಾವಿದೆರೆಗ್ ವಿನಯಶೀಲತೆ ಭೂಷಣ: ಡಾ. ಜಯ ಶಂಕರ್ ಮಾರ್ಲ.

ರಾಕೇಶ್ ಅಡ್ಕ ಮೆರೆಗ್ ಕಂಬಳ ಗುತ್ತು ಪ್ರಶಸ್ತಿ ಪ್ರದಾನ

ಕುಡ್ಲ : ಕಲಾವಿದನ ವಿನಯ ಶೀಲತೆ ಆಯನ ಮೌಲ್ಯನ್ ಹೆಚ್ಚ ಮಲ್ಪುಂಡು. ಸಾಧನೆದ ಸಾದಿ ಸುಲಭ ಆಪುಂಡು” ಪಂದ್ ಖ್ಯಾತ ವೈದ್ಯ ಡಾ. ಜಯಶಂಕರ್ ಮಾರ್ಲ ತೆರಿಪಾಯೆರ್.
ಆರ್ ತೆಂಕು ತಿಟ್ಟು ಯಕ್ಷಗಾನದ ಬಹುಮುಖ ಪ್ರತಿಭೆ ಪ್ರಸಿದ್ದ ಯುವ ವೇಷಧಾರಿ, ಯಕ್ಷ ಗುರು, ಸಂಘಟಕ , ಪ್ರಯೋಗ ಶೀಲ ನಿರ್ದೇಶಕೆ ರಾಕೇಶ್ ರೈ ಅಡ್ಕ ಮೆರೆಗ್ ಕದ್ರಿ ಕಂಬಳ ಗುತ್ತು ಬಾಲಕೃಷ್ಣ ಶೆಟ್ಟಿ ಸ್ಮೃತಿ ಪ್ರಶಸ್ತಿ ಪ್ರದಾನ ಮಲ್ತ್ ಶುಭ ಹಾರೈಕೆ ಮಲ್ತೆರ್.
ಕದ್ರಿ ಕಂಬಳಗುತ್ತುಡು ಉಷಾ ನವನೀತ ಶೆಟ್ಟಿ ಮೆರೆನ ಪಾವಂಜೆ ಮೇಳದ ಸೇವೆ ಆಟದ ರಂಗಸ್ಥಳಡ್ ಪ್ರಶಸ್ತಿ ಪ್ರದಾನ ಮಲ್ತೆರ್. ಡಾ. ಸುಧಾಕರ ಮಾರ್ಲ ಅಭಿನಂದನೆದ ಮದಿಪು ಮದಿತೆರ್.
ಬಿನ್ನೆರಾದ್
ಮಾಜಿ ರೋಟರಿ ಗವರ್ನರ್ ಕೃಷ್ಣ ಶೆಟ್ಟಿ ಅಧ್ಯಕ್ಷತೆ ವಹಿಸ್‌ದಿತ್ತೆರ್.
ಪಟ್ಲ ಸತೀಶ್ ಶೆಟ್ಟಿ ಭಾಗವತರು, ಕಿಶೋರ್ ಡಿ ಶೆಟ್ಟಿ, ರವೀಂದ್ರನಾಥ ಶೆಟ್ಟಿ, ಪ್ರದೀಪ ಆಳ್ವ ಕದ್ರಿ, ಮೂಲ್ಕಿ ಕರುಣಾಕರ ಶೆಟ್ಟಿ, ಹರೀಶ್ ಕುಮಾರ್ ಕುಳಾಯಿ, ಸಂಜಯ ಕುಮಾರ್ ರಾವ್, ಕದ್ರಿ ಭಾಸ್ಕರ ಶೆಟ್ಟಿ, ಸಾಕೇತ್ ಶೆಟ್ಟಿ ಮೊಕುಲು ಮಾತ ಇತ್ತೆರ್.
ಕದ್ರಿ ಕಂಬಳ ಗುತ್ತು ನವನೀತ ಶೆಟ್ಟಿ ಸ್ವಾಗತ ಮಲ್ತೆರ್. ಪುರುಷೋತ್ತಮ ಭಂಡಾರಿ ಅಡ್ಯಾರ್ ನಿರೂಪಣೆ ಮಲ್ತೆರ್.
ಅಯಿರ್ದ್ ಬೊಕ್ಕ ಕದ್ರಿ ಕಂಬುಲದ ಕಂಡೊಡು ಪಾವಂಜೆ ಮೇಳದ “ಶ್ರೀ ದೇವೀ ಮಹಾತ್ಮೆ ” ಯಕ್ಷಗಾನ ಸೇವೆ ಬಯಲಾಟ ನಡತ್ಂಡ್.