“ಜೋಕುಲು ಕ್ರೀಡೆದಾತೇ ಮಹತ್ವ ಶಿಕ್ಷಣಗ್‌ಲ ಕೊರೊಡು : ಡಾ ಪಿ.ವಿ.ಶೆಟ್ಟಿ

ಸುರತ್ಕಲ್ ಬಂಟರ ವಾರ್ಷಿಕ ಕ್ರೀಡಾಕೂಟ

ಸುರತ್ಕಲ್: ಬಂಟರ ಸಂಘ (ರಿ) ಸುರತ್ಕಲ್ ಆಶ್ರಯಡ್ ಬಂಟರ ಯಾನೆ ನಾಡವರ ಮಾತೃ ಸಂಘ ಬೊಕ್ಕ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಸಹಯೋಗದ ಒಟ್ಟುಗು “ಬಂಟರ ಕ್ರೀಡೋತ್ಸವ” ಸುರತ್ಕಲ್ ಗೋವಿಂದ ದಾಸ್ ಕಾಲೇಜ್ ಮೈದಾನಡ್ ನಡತ್ಂಡ್.
ಆಳ್ವಾಸ್ ಶಿಕ್ಷಣ ಸಂಸ್ಥೆದ ಅಧ್ಯಕ್ಷೆರ್ ಡಾ. ಎಂ. ಮೋಹನ್ ಆಳ್ವ ಕ್ರೀಡೋತ್ಸವ ಉದಿಪನ ಮಲ್ತೆರ್.
ಅವೆರ್ದ್ ಬೊಕ್ಕ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ, ಮುಂಬೈ ಬಂಟರ ಸಂಘದ ಮಾಜಿ ಅಧ್ಯಕ್ಷೆರ್ , ಕ್ರೀಡಾ ಕ್ಷೇತ್ರದ ಸಾಧಕೆ ಡಾ ಪಿ.ವಿ.ಶೆಟ್ಟಿ ಮೆರೆನ್ ಸಂಘದ ವತಿರ್ದ್ ಸನ್ಮಾನ ಮಲ್ತೆರ್.
ಈ ಪೊರ್ತುಡು ಪಾತೆರ್ನ ಆರ್, ಕ್ರೀಡೆದಾತೇ ಶಿಕ್ಷಣಲ ಮುಖ್ಯ. ಜೋಕುಲು ಕ್ರೀಡೆಗ್ ಮಾತ್ರ ಮಹತ್ವ ಕೊರಂಡ ಯಾವಂದ್. ಕ್ರೀಡಾ ಕ್ಷೇತ್ರಡ್ ಸಾಧನೆ ಮಲ್ಪರೆ ಅನಾನುಕೂಲ ಇತ್ತ್‌ಂಡ ಎನನ್ ಸಂಪರ್ಕ ಮಲ್ಪುಲೆ. ನಿಕ್ಲೆನ ಒಟ್ಟುಗು ಯಾನ್ ಉಲ್ಲೆ “ ಪಂದ್ ಪಂಡೆರ್.
ಈ ಪೊರ್ತುಡು ಡಾ.ಮೋಹನ್ ಆಳ್ವ ಬೊಕ್ಕ ಬಂಟರ ಯಾನೆ ನಾಡವರ ಮಾತೃ ಸಂಘದ ಅಧ್ಯಕ್ಷ ಕೆ ಅಜಿತ್ ಕುಮಾರ್ ರೈ ಮಾಲಾಡಿ ಪಾತೆರ್ದ್ ಬಂಟರ ಸಂಘದ ಕ್ರೀಯಾಶೀಲತೆನ್ ಪುಗರಿಯೆರ್.
ಸುರತ್ಕಲ್ ಬಂಟರ ಸಂಘದ ಅಧ್ಯಕ್ಷ ಜಗನ್ನಾಥ ಶೆಟ್ಟಿ ಬಾಳ ಪಾತೆರ್ದ್ “ಕ್ರೀಡಾಕೂಟದಂಚಿನ ಮಾತಾ ಕಾರ್ಯಕ್ರಮ ಮಲ್ಪರೆ ನಿಕ್ಲೆನ ಸಹಕಾರ ಬೋಡು” ಪಂದ್ ಪಂಡೆರ್.
ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಸಂಚಾಲಕ ಬಾಲಕೃಷ್ಣ ರೈ ಕೊಲ್ಲಾಡಿ ಶುಭ ಹಾರೈಕೆ ಮಲ್ತೆರ್.ವೇದಿಕೆಡ್ ಬಂಟರ ಸಂಘ ಸುರತ್ಕಲ್‌ದ ಸ್ಥಾಪಕಾಧ್ಯಕ್ಷೆರ್ ರೋಹಿತಾಕ್ಷ ರೈ ಕುಳಾಯಿಗುತ್ತು, ಮಾಜಿ ಅಧ್ಯಕ್ಷೆರ್ ದೇವಾನಂದ ಎಂ.ಶೆಟ್ಟಿ, ಉಲ್ಲಾಸ್ ಆರ್. ಶೆಟ್ಟಿ, ಸುಧಾಕರ್ ಎಸ್. ಪೂಂಜಾ, ನಿಕಟಪೂರ್ವ ಅಧ್ಯಕ್ಷೆರ್ ಲೋಕಯ್ಯ ಶೆಟ್ಟಿ ಮುಂಚೂರು, ಉಪಾಧ್ಯಕ್ಷೆರ್ ಪ್ರವೀಣ್ ಪಿ.ಶೆಟ್ಟಿ, ಪ್ರಧಾನ‌ ಕಾರ್ಯದರ್ಶಿ ಲೀಲಾಧರ ಶೆಟ್ಟಿ ಕಟ್ಲ, ಕೋಶಾಧಿಕಾರಿ ರತ್ನಾಕರ ಶೆಟ್ಟಿ, ಮಹಿಳಾ ವಿಭಾಗದ ಅಧ್ಯಕ್ಷೆ ಸರೋಜ ಟಿ ಶೆಟ್ಟಿ, ಕ್ರೀಡಾ ಕಾರ್ಯದರ್ಶಿ ಪುಷ್ಪರಾಜ್ ಶೆಟ್ಟಿ ಮಧ್ಯ, ಸಂಘಟನಾ ಕಾರ್ಯದರ್ಶಿ ಪುಷ್ಪರಾಜ ಶೆಟ್ಟಿ ಕುಡುಂಬೂರು, ಸಾಂಸ್ಕೃತಿಕ ಕಾರ್ಯದರ್ಶಿ ದೇವೇಂದ್ರ ಶೆಟ್ಟಿ, ಜೊತೆ ಕಾರ್ಯದರ್ಶಿ ಮೀರಾವಾಣಿ ಎಂ ಶೆಟ್ಟಿ, ಮಹಿಳಾ ವಿಭಾಗದ ಕ್ರೀಡಾ ಕಾರ್ಯದರ್ಶಿ ಬಬಿತ ಶೆಟ್ಟಿ ಇತ್ತೆರ್.ಈ ಪೊರ್ತುಡು ಅಂತಾರಾಷ್ಟ್ರೀಯ ಕಬಡ್ಡಿ ಕ್ರೀಡಾಪಟು ಧನಲಕ್ಷ್ಮೀ ಪೂಜಾರಿ ಪೋಷಕೆರೆನ್ ಸನ್ಮಾನ ಮಲ್ತೆರ್.
ಸಂಘದ ಪ್ರಧಾನ ಕಾರ್ಯದರ್ಶಿ ಲೀಲಾಧರ ಶೆಟ್ಟಿ ಸ್ವಾಗತ ಮಲ್ತೆರ್.
ಅನೂಪ್ ಶೆಟ್ಟಿ ದೇವರೆನ್ ಸುಗಿತೆರ್. ಕ್ರೀಡಾ ಕಾರ್ಯದರ್ಶಿ ಪುಷ್ಪರಾಜ್ ಶೆಟ್ಟಿ ಮಧ್ಯ ಧನ್ಯವಾದ ಕೊರಿಯೆರ್. ನಿತೇಶ್ ಶೆಟ್ಟಿ ಎಕ್ಕಾರ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.