ಜೆಸಿಐ ದೊಡ್ಡನಗುಡ್ಡೆ ಪ್ರಕೃತಿ ಘಟಕದ 2026ತ್ತ ವರ್ಷೊದ ಪೊಸ ಅಧ್ಯಕ್ಷೆರ್ ಬೊಕ್ಕ ಪದುಕೆರೆನ ಪದ ಪ್ರಧಾನ ಲೇಸ್ ಫೆ.4 ಬುದಾರ ಒಡಿಪುದ ಪುರ ಭವನ (ಟೌನ್ ಹಾಲ್) ದ ಮಿನಿ ಹಾಲ್ ಡ್ ನಡಪುಂಡು.
ಜೆಸಿಐ ದೊಡ್ಡನಗುಡ್ಡೆ ಪ್ರಕೃತಿ ಘಟಕದ 7ನೇ ವರ್ಷೊದ ಯುವ ಸಾರಥಿಯಾದ್ ಒಡಿಪು ಜಿಲ್ಲಾ ಗ್ರಾಮೀಣಾ ಅಭಿವೃದ್ಧಿ ಬೊಕ್ಕ ಪಂಚಾಯತ್ ರಾಜ್ ಇಲಾಖೆದ ನೌಕರೆರೆನ ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ (ನಿ.) ಕುಂದಾಪುರ ತಾಲೂಕ್ ದ ಪ್ರಬಂಧಕೆರಾಯಿನ ಜೆಸಿ ಹೆಚ್ ಜಿ ಎಫ್ ಭರತ್ ಕುಮಾರ್ ಮೇರ್ ಪೊಸ ಕಾರ್ಯದರ್ಶಿಯಾದ್ ಕುಡೊರಿ ಯುವ ನಾಯಕೆ ಮಣಿಪಾಲ್ ಅಕಾಡೆಮಿಡ್ ಪೀ ಹೆಚ್ ಡಿ ಕಲ್ತೊಂದು ಇಪ್ಪುನ ಜೆಸಿ ವಿಘ್ನೇಶ್ ಮೆರೆನ ದುಂಬಾತ್ತಿಗೆಡ್, ಅಧಿಕಾರಿಲೆನ ಪೊಸ ಕೂಟದ ಪದಪ್ರಧಾನ ಲೇಸ್ ಫೆ.4 ಬುದಾರ ಬಯ್ಯಗ್ 6ಗಂಟೆಗ್ ಒಡಿಪುದ ಪುರ ಭವನ (ಟೌನ್ ಹಾಲ್) ದ ಮಿನಿ ಹಾಲ್ ಡ್ ನಡಪರೆ ಉಂಡು ಪಂದ್ ಘಟಕದ ಸ್ಥಾಪಕ ಬೊಕ್ಕ ವಲಯ ತರಬೇತಿದಾರೆ, ವಲಯ ಪದಿನೈನೆತ್ತ ಪೂರ್ವ ವಲಯ ಅಧಿಕಾರಿ, ಘಟಕದ ತರಬೇತಿ ಉಪಾಧ್ಯಕ್ಷೆರ್ ಜೇ ಎಫ್ ಡಿ ಎಂ ಎನ್ ನಾಯಕ್ ಮೇರ್ ಪಂಡೆರ್.
ಈ ಪದಪ್ರದಾನ ಲೇಸ್ ಡ್ ಜೆಸಿಐ ಭಾರತದ ವಲಯ ಪದಿನೈನೆತ್ತ 2026ತ್ತ ಪೊಸ ವಲಯಾಧ್ಯಕ್ಷೆರಾಯಿನ ಜೆ ಎಫ್ ಎಫ್ ಸಂತೋಷ ಶೆಟ್ಟಿ ಬೊಕ್ಕ ಪೊಸ ವಲಯದ ರಿಜಿಯನ್ ಸಿ ದ “ಸೌಪರ್ಣಿಕಾ” ಕೂಟದ ನಾಯಕಿ ಉಪಾಧ್ಯಕ್ಷೆರ್ ಡಾ.ಜೆಸಿ ಹರಿಣಾಕ್ಷಿ ಕರ್ಕೇರಾ ಮೇಡಂ ಬೊಕ್ಕ ಜೆಸಿ, ಘಟಕದ ನಿಕಟ ಪೂರ್ವ ಅಧ್ಯಕ್ಷೆರ್, ಪೂರ್ವ ಅಧ್ಯಕ್ಷೆರ್, ಸರ್ವಸದಸ್ಯೆರ್ ಪಾಲ್ ಪಡೆಯೆರೆ ಉಲ್ಲೆರ್.
ಇಸೇಸ ಸೂಚನೆ:
ಜೆಸಿ ಸಂಸ್ಥೆಗ್ ಪೊಸತಾದ್ ಸೇರ್ದ್ ತನ್ನ ವ್ಯಕ್ತಿತ್ವ ವಿಕಸನಗ್ ಬೊಕ್ಕ ಜೆಸಿ ತರಬೇತಿದಾರೆರಾಯೆರೆ ಬಯಸುನ 19-40 ವರ್ಷೊದ ಉಲಯಿದ ಆಸಕ್ತೆರ್ ಯುವಕೆರ್ ಬೊಕ್ಕ ಮಹಿಳೆಯೆರ್ ತನ್ನ ಪುದರ್ ನ್ ಜ.31ತ್ತೊಲಯಿ, ಈ ನಂಬರ್ ಗ್ 7892068810 ಫೋನ್ ಮಲ್ತ್ ದ್ ನೋಂದಾಣಿ ಮಲ್ತ್ಂಡ ನಿಕ್ಲೆಗ್ 110 ವರ್ಷರ್ದ್ ಜಾಸ್ತಿ ಒಂಜಿ ಅಂತಾರಾಷ್ಟ್ರೀಯ ಸಂಸ್ಥೆಯಾಯಿನ ಜೆಸಿಐ ಭಾರತದ ಒರಿ ಗೌರವದ ಸದಸ್ಯೆರಾದ್ ದೆತೊಂದು ಪದಪ್ರಧಾನ ಲೇಸ್ ಡ್ ವಲಯಾಧ್ಯಕ್ಷೆರ್ದ್ ಪ್ರಮಾಣ ವಚನ ಸ್ವೀಕಾರ ಮಲ್ಪುನ ಇಸೇಸ ಅವಕಾಶ ತಿಕ್ಕುಂಡು.
ಅಂಚೆನೆ ಎಚ್ಚದ ಪೊಲಬುಗಾದ್ ಮಿತ್ತ್ ಕೊರ್ನ ಮೊಬೈಲ್ ನಂಬರ್ ಗ್ ಕಾಲ್ ಮಲ್ಪೊಲಿ ಪಂದ್ ಘಟಕದ ಪ್ರಕಟಣೆ ತೆರಿಪಾದ್ಂಡ್.
ಈ ಲೇಸ್ ಗ್ ಮಾತೆರೆನ್ಲಾ
ಜೆಸಿಐ ದೊಡ್ಡನಗುಡ್ಡೆ ಜೆಸಿಐ ಒಡಿಪು ಪ್ರಕೃತಿ ಘಟಕದ ಅಧ್ಯಕ್ಷೆರ್, ಪೂರ್ವ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಎದ್ಕೊಂದೆರ್.