January 15, 2026

ಜ.18 ಗ್ ಕುಡ್ಲಡ್ ಜಾಗತಿಕ ಬಿಲ್ಲವರ ಕ್ರೀಡೋತ್ಸವ

ಡಾ.ಶಿವರಾಜ್ ಕುಮಾರ್ ಬಿನ್ನೆರಾದ್ ಬರ್ಪೆರ್

ಕುಡ್ಲ : ಅಖಿಲ ಭಾರತ ಬಿಲ್ಲವರ ಯೂನಿಯನ್ (ರಿ) ಆಶ್ರಯೊಡು ಉಂದುವೇ ಸುರೂತ್ತ ಸರ್ತಿ ಜಾಗತಿಕ ಬಿಲ್ಲವರ ಕ್ರೀಡಾ ಉಚ್ಚಯ ಜ.18 ಐತಾರ ಕುಡ್ಲದ ನೆಹರೂ ಮೈದಾನಡ್ ನಡಪರೆ ಉಂಡು ಪಂದ್ ಯೂನಿಯನ್ ಬೊಕ್ಕ ಜಾಗತಿಕ ಬಿಲ್ಲವರ ಕ್ರೀಡೋತ್ಸವದ ಅಧ್ಯಕ್ಷೆರ್ ನವೀನ್‌ಚಂದ್ರ ಡಿ ಸುವರ್ಣ ಗುರುವಾರ ಪತ್ರಿಕಾಗೋಷ್ಠಿಡ್ ತೆರಿಪಾಯೆರ್.
ವಾಲಿಬಾಲ್, ಥ್ರೋಬಾಲ್, ಬಲ್ಲ್ ಒಯಿಪುನ ಪಂತ ಇಂಚ ಬೇತೆ ಕ್ರೀಡಾ ಸ್ಪರ್ಧೆ ನಡಪರೆ ಉಂಡು. ತಾರಾ ಆಕರ್ಷಣೆಯಾದ್ ಡಾ. ಶಿವರಾಜ್ ಕುಮಾರ್, ವಿಜಯರಾಘವೇಂದ್ರ, ಅನುಶ್ರೀ ಮಾತ ಬರ್ರೆ ಉಲ್ಲೆರ್. ಸಿಂಗಾಪುರ, ದುಬೈ, ಬೆಂಗಳೂರು, ಬೊಂಬೈ , ಪೂನಾ ಸೇರ್ದ್ ನಾಲ್ ವಿಭಾಗದ ಕ್ರೀಡಾ ಪಂತೊಡು 80 ಟೀಮ್‌ದಕುಲು ಪಾಲ್ ಪಡೆವೆರ್ ಪಂದ್ ಆರ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಕ್ರೀಡೋತ್ಸವದ ಸಂಚಾಲಕೆರ್ ಸದಾನಂದ ಪೂಜಾರಿ, ಪ್ರಧಾನ ಕಾರ್ಯದರ್ಶಿ ಜೀವನ್ ಕುಮಾರ್ ತೊಕ್ಕೊಟ್ಟು, ಕ್ರೀಡಾ ಕೋಶಾಧಿಕಾರಿ ಜಯಪ್ರಕಾಶ್, ಬಿಲ್ಲವ ಮಹಿಳಾ ಸಂಘದ ಅಧ್ಯಕ್ಷೆರ್ ಸುಮಲತಾ ಎನ್ ಸುವರ್ಣ ಪಾಲ್ ಪಡೆದಿತ್ತೆರ್.