ಎಕ್ಕಾರು ಶ್ರೀ ಕೊಡಮಂತ್ತಾಯ ದೈವಸ್ಥಾನಡ್ ವರ್ಷಾವಧಿದ ಜಾತ್ರೆ ಜ.1-7 ಮುಟ್ಟ ನಡಪರೆ ಉಂಡು.
ಜ.1 ಗುರುವಾರ ರಾತ್ರೆ ಕಟ್ಟು ಕಟ್ಟಳೆದಂಚೆನೆ ತಾಂಗಡಿ ಬರ್ಕೆ ಕಾವರ ಇಲ್ಲರ್ದ್ ದೈವೊಲೆನ ಭಂಡಾರ ಪಿದಾಡ್ ದ್ ದೇರಿಂಜ ಗಿರಿಗ್ ಬತ್ತ್ ದ್ ಕೊಡಿ ಏರುಂಡು.
ಜ.2 ಸುಕ್ರಾರ ಬೊಲ್ಪುಗು ಉಳ್ಳಾಯ ದೈವೊದ ನೇಮ, ಮಧ್ಯಾಹ್ನ ಸಾರ್ವಜನಿಕ ಅನ್ನಸಂತರ್ಪಣೆ, ರಾತ್ರೆ ಶ್ರೀ ಕೊಡಮಂತ್ತಾಯ ದೈವೊದ ನೇಮ ನಡಪರೆ ಉಂಡು.
ಜ.3 ಸನಿಯಾರ ರಾತ್ರೆ ಶ್ರೀ ಕಾಂತೇರಿ ಜುಮಾದಿ ದೈವೊದ ನೇಮ ನಡಪರೆ ಉಂಡು.
ಜ.4 ಐತಾರ ರಾತ್ರೆ ಶ್ರೀ ಜಾರಂದಾಯ ದೈವೊದ ನೇಮ ನಡಪರೆ ಉಂಡು.
ಜ.5 ಸೋಮಾರ ರಾತ್ರೆ ಶ್ರೀ ಸರಳ ಜುಮಾದಿ ದೈವೊದ ನೇಮ ನಡಪರೆ ಉಂಡು.
ಜ.6 ಅಂಗಾರೆ ರಾತ್ರೆ ಶ್ರೀ ಪಿಲಿಚಾಮುಂಡಿ ದೈವೊದ ನೇಮ ನಡಪರೆ ಉಂಡು.
ಜ.7 ಬುಧಾರ ಬೊಲ್ಪುಗು ಕೊಡಿ ಜಾವೆರೆ ಉಂಡು.
ಈ ಲೇಸ್ ಗ್ ಭಕ್ತೆರ್ ಮಾತೆರ್ಲಾ ಬತ್ತ್ ದ್, ದೈವೊದ ಗಂಧ ಪ್ರಸಾದ ದೆತೊಂದು ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ಎಕ್ಕಾರು ಶ್ರೀ ಗೋಪಾಲಕೃಷ್ಣ ಮಠತ್ತ ಮೊಕ್ತೇಸರೆರ್ ಶ್ರೀ ಹರಿದಾಸ ಉಡುಪ, ಶ್ರೀ ನಿತಿನ್ ಹೆಗ್ಡೆ ಕಾವರ ಇಲ್ಲದ ಆಡಳಿತ ಮೊಕ್ತೇಸರೆರ್ ಶ್ರೀ ತಿಮ್ಮ ಕಾವೆರ್, ಬಡಕರೆ ಬಾಳಿಕೆದ ಮೊಕ್ತೇಸರೆರ್ ರತ್ನಾಕರ ಶೆಟ್ಟಿ, ನಡ್ಯೋಡಿಗುತ್ತುದ ಭಾಸ್ಕರ ಮುದ್ದ, ಮಿತ್ತೊಟ್ಟು ಬಾಳಿಕೆ ಮೇಲೆಕ್ಕಾರುದ ರಮೇಶ್ ಭಂಡಾರಿ ಲೆಪ್ಪೋಲೆಡ್ ತೆರಿಪಾದೆರ್.