ಮುಲ್ಕಿ:ಹಳೆಯಂಗಡಿ ಸರಕಾರಿ ಪ್ರಥಮ ದರ್ಜೆ ಕಾಲೇಜು ಬೊಕ್ಕ ಸ್ನಾತಕೋತ್ತರ ಕೇಂದ್ರಡ್ ಯುವ ರೆಡ್ ಕ್ರಾಸ್ ಘಟಕದ ರಾಷ್ಟ್ರೀಯ ಸೇವಾ ಯೋಜನೆ ಬೊಕ್ಕ ರೇಂಜರ್ಸ್ ಬೊಕ್ಕ ರೋವರ್ಸ್ ಸಹಯೋಗದೊಟ್ಟು, ಲಯನ್ಸ್ ಕ್ಲಬ್ ಕೃಷ್ಣಾಪುರ, ಕಾಟಿಪಳ್ಳದ ಪ್ರಾಯೋಜಕತ್ವಡ್ ರಕ್ತ ದಾನ ಶಿಬಿರ ನಡತ್ಂಡ್.
ಮಲ್ಲ ಬಿನ್ನೆರಾದ್ ಬಪ್ಪನಾಡ್ ಲಯನ್ಸ್ ಕ್ಲಬ್ ಇನ್ಸ್ಪಾಯರ್ ದ ಸ್ಥಾಪಕ ಅಧ್ಯಕ್ಷೆರ್ ವೆಂಕಟೇಶ್ ಹೆಬ್ಬಾರ್ ಪಾತೆರ್ದ್ ಯುವ ಜನಕುಲು ನೆತ್ತೆರ್ ದಾನ ಮಲ್ತ್ ಜೀವ ಒರಿಪಾಲೆ ಪಂಡೆರ್.
ಲಯನ್ಸ್ ಕ್ಲಬ್ ಒರುಟು ನೆತ್ತೆರ್ ದಾನಿಲೆನ ಕೂಟ ಮಲ್ತ್ ದ್ ಅಗತ್ಯ ಇತ್ತಿನಕ್ಲೆಗ್, ನೆತ್ತೆರ್ ಉಚಿತವಾದ್ ಕೊರ್ಪುನ ಕಾರ್ಯಕ್ರಮನ್ ದೀವೊಂದ, ಕಾಲೇಜಿಡ್ಲಾ ಈ ರೀತಿದ ಗುಂಪುನು ರಚನೆ ಮಲ್ಪುನ ಅಗತ್ಯ ಉಂಡು ಪಂದ್ ಪಂಡೆರ್.
ಕಾರ್ಯಕ್ರಮದ ಅಧ್ಯಕ್ಷತೆನ್ ಕಾಲೇಜಿದ ಪ್ರಾಂಶುಪಾಲೆರ್ ಡಾ. ಕಿರಣ್ ಎಂ. ವಹಿಸೊಂದು ಪಾತೆರ್ದ್ ಜೋಕುಲು ನಿಸ್ವಾರ್ಥ, ಸಾಮಾಜಿಕ ಕಳಕಳಿದ ಕಾರ್ಯಕ್ರಮಡ್ ಪಾಲ್ ಪಡೆಯೊಡು ಪಂಡೆರ್.
ಮಲ್ಲ ಬಿನ್ನೆರಾದ್ ಲಯನ್ಸ್ ಕ್ಲಬ್ ಕಾಟಿಪಳ್ಳ ಅಧ್ಯಕ್ಷೆರ್ ಲೋಕೇಶ್ ಕುರುವನ್ ,ರೆಡ್ ಕ್ರಾಸ್ ಬ್ಲಡ್ ಬ್ಯಾಂಕ್ ವೈದ್ಯಾಧಿಕಾರಿಲು ಡಾ. ಸುಕೇಶ್ ಬೊಕ್ಕ ಆರೋಗ್ಯ ಸಿಬ್ಬಂದಿ ವರ್ಗ ರಕ್ತದಾನ ಶಿಬಿರನ್ ಮಲ್ತೆರ್. ಒಟ್ಟು 24 ಜೋಕುಲು ನೆತ್ತೆರ್ ದಾನ ಮಲ್ತೆರ್.
ಕಾರ್ಯಕ್ರಮಡ್ ಲಯನ್ಸ್ ಕ್ಲಬ್, ರೀಜನ್ 9 ದ ರೀಜನಲ್ ಚೇರ್ ಪರ್ಸನ್ ಮಾಧವ ಶೆಟ್ಟಿ ಬಾಳ, ಕೋಶಾಧಿಕಾರಿ ಆನಂದ್ ಅಮೀನ್, ಶೆರಿಲ್ ಪಿಂಟೋ, ಪುಷ್ಪರಾಜ್ ಉಪಸ್ಥಿತರಿತ್ತೆರ್.
ಕಾಲೇಜಿದ ಯುವ ರೆಡ್ ಕ್ರಾಸ್ ಘಟಕದ ಸಂಚಾಲಕೆರ್ ಡಾ. ಜಯಶ್ರೀ ಬಿ. ವಿದ್ಯಾರ್ಥಿನಿ ತೇಜಸ್ವಿನಿ ಹರ್ಷಿತಾ, ದೇವಿಕಾ, ಅನನ್ಯ ರಾವ್, ಭವಿಷ್ಯ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.