ಮುಲ್ಕಿಡ್ ಸಮಾಜಘಾತುಕ ಮತಾಂಧ ಶಕ್ತಿಲೆನ ಕುತಂತ್ರಡ್ ಬಲಿಯಾಯಿನ ಮುಲ್ಕಿದ ಹಿಂದೂ ಸಂಘಟನೆದ ನಾಯಕೆರ್ ದಿ. ಸುಖಾನಂದ ಶೆಟ್ಟಿ, ದಿನೇಶ್ ಅಮೀನ್ ಬೊಕ್ಕ ಪ್ರೇಮನಾಥ್ ಕೋಟ್ಯಾನ್ ಮೊಕ್ಲೆನ ಸಂಸ್ಮರಣೆ

ಮುಲ್ಕಿ: ಕರಿನ 19 ವರ್ಸದ ಪಿರ ಡಿ.1ರ 2006 ಕ್ ಸಮಾಜಘಾತುಕ ಮತಾಂಧ ಶಕ್ತಿಲೆನ ಕುತಂತ್ರಡ್ ಬಲಿಯಾಯಿನ ಮುಲ್ಕಿದ ಹಿಂದೂ ಸಂಘಟನೆದ ನಾಯಕೆರ್ ದಿ. ಸುಖಾನಂದ ಶೆಟ್ಟಿ, ದಿನೇಶ್ ಅಮೀನ್ ಬೊಕ್ಕ ಪ್ರೇಮನಾಥ್ ಕೋಟ್ಯಾನ್ ಮೊಕ್ಲೆನ ಸಂಸ್ಮರಣೆ ಕಾರ್ಯಕ್ರಮ ಬಿಜೆಪಿ ಮುಲ್ಕಿ ನಗರ ಬೊಕ್ಕ ಎಸ್ ಎಸ್ ಫ್ರೆಂಡ್ಸ್ ವತಿರ್ದ್ ಪುನರೂರು ಟೂರಿಸ್ಟ್ ಹೋಮ್ ಸಭಾಂಗಣಡ್ ನಡತ್ಂಡ್.
ಸಭೆಟ್ ಬಿಜೆಪಿ ನಾಯಕೆರ್ ಈಶ್ವರ್ ಕಟೀಲ್ ಪಾತೆರ್ದ್ ದೇಶ-ಧರ್ಮಗಾದ್ ಬೆಂದುದ್ ಸಮಾಜಗ್ ಏಪಲಾ ಜೀವಂತವಾದಿಪ್ಪುನ ದಿ. ಸುಖಾನಂದ ಶೆಟ್ರ್ ಜಾತಿ ಮತ ಭೇದ ಇಪ್ಪಂದೆ ಮಲ್ಲ ಪೊರಂಬಾಟ ಆದ್ ಇತ್ತೆರ್. ಜಿಲ್ಲೆಡ್ ಹಿಂದೂ ಸಂಘಟನೆ ಬಲಿಷ್ಠ ಆಯರೆ ದಿ. ಸುಖಾನಂದ ಶೆಟ್ರ್ ಕಾರಣ ಆರೆನ ನೆಂಪು ಶಾಶ್ವತ ಪಂಡೆರ್.
ಮಂಡಲಾಧ್ಯಕ್ಷೆರ್ ದಿನೇಶ್ ಪುತ್ರನ್ ಪಾತೆರ್ದ್ ಸಮಾಜಕ್ಕೋಸ್ಕರ ದಿ ಸುಖಾನಂದ ಶೆಟ್ರ್ ತನ್ನ ಜೀವೊನೆ ಬಲಿದಾನ ಮಲ್ದೆರ್ ಪಂದ್ ದುಂಬುದ ಸ್ಮರಣೀಯ ಬೊಕ್ಕ ಕರಾಳ ಘಟನೆನ್ ನೆಂಪು ಮಲ್ತೆರ್.
ಜಿಲ್ಲಾ ಬಿಜೆಪಿ ಉಪಾಧ್ಯಕ್ಷೆರ್ ಸುನಿಲ್ ಆಳ್ವ ಪಾತೆರ್ದ್ ಹಿಂದುತ್ವದ ಪೊರಂಬಾಟಗಾರೆರ್ ದಿ.ಸುಖಾನಂದ ಶೆಟ್ಟಿ, ದಿನೇಶ್ ಬಪ್ಪನಾಡು ಬೊಕ್ಕ ಪ್ರೇಮ್ ಚಿತ್ರಾಪು ಬಲಿದಾನವಾದ್ ಕರಿನ 19 ವರ್ಷರ್ದ್ ಆರೆನ ಪುದರ್ ಡ್ ಸಂಘಟನೆ ಒರುಟು ಅವೆತೋ ಸಾಮಾಜಿಕ ಕಾರ್ಯಕ್ರಮಲು ಮಲ್ತ್ ನಡತೊಂದು ಇತ್ತ್ ದ್ ನೆಂಪು ಏಪಲಾ ಒರಿಯರೆ ಉಂಡು ಪಂಡೆರ್.
ಈ ಪೊರ್ತುಡು ಬಿಜೆಪಿ ನಾಯಕೆರ್ ಭುವನಾಭಿರಾಮ ಉಡುಪ, ಕಸ್ತೂರಿ ಪಂಜ, ಸತೀಶ್ ಅಂಚನ್, ವಿನೋದ್ ಸಾಲ್ಯಾನ್ ಬೆಳ್ಳಾಯರು, ಶ್ಯಾಮ್ ಪ್ರಸಾದ್, ನವೀನ್ ರಾಜ್ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಸಭೆಟ್ ದಿ.ಸುಖಾನಂದ ಶೆಟ್ಟಿ,ದಿನೇಶ್ ಅಮೀನ್ ಬೊಕ್ಕ ಪ್ರೇಮನಾಥ್ ಕೋಟ್ಯಾನ್ ಅಕ್ಲೆನ ಭಾವಚಿತ್ರಗ್ ಪುರ್ಪ ಪಾರ್ದ್ ಮೌನ ಪ್ರಾರ್ಥನೆ ಮಲ್ತ್ ದ್ ಭಾವಪೂರ್ಣ ಶ್ರದ್ಧಾಂಜಲಿ ಅರ್ಪಣೆ ಮಲ್ತೆರ್.
ಶೈಲೇಶ್ ಕುಮಾರ್ ಎದ್ಕೊಂಡೆರ್, ಪ್ರಶಾಂತ್ ಕೆ ಎಸ್ ರಾವ್ ನಗರ ಸೊಲ್ಮೆ ಸಂದಾಯ ಮಲ್ತೆ