ಕಟೀಲ್: ತಿಬಾರ ಕೊಡಮಣಿತ್ತಾಯ ದೈವಸ್ಥಾನೊಗು ಅಂದಾಜಿ ರಡ್ಡ್ ಕೋಟಿ ರೂಪಾಯಿ ಕರ್ಚಿಡ್ ಥಾರ್ ಮಲ್ದಿನ ಬಂಗಾರ್ ದ ಪಲ್ಲಕ್ಕಿನ್ ಶುಕ್ರಾರದಾನಿ ಬಯ್ಯಗ್ ಕಟೀಲ್ ರ್ದ್ ವೈಭವದ ಮೆರವಣಿಗೆಡ್ ಕೊನೊದು ಶಿಬರೂರು ದೈವಸ್ಥಾನಡ್ ಸಮರ್ಪಣೆ ಮಲ್ತೆರ್.
ಜೀರ್ಣೋದ್ಧಾರ ಆಯಿನ ತಿಬಾರ್ ದೈವಸ್ಥಾನಡ್ ಏ.26ಕ್ ಬ್ರಹ್ಮಕಲಶಾಭಿಷೇಕ ನಡಪರೆ ಇತ್ತ್ ದ್ ಈ ನಿಲೆಟ್ಟ್ ಪೊಸತ್ತ್ ಪಲ್ಲಕ್ಕಿನ್ ಭಕ್ತೆರೆನ ಸಹಕಾರಡ್ ಮಲ್ಪಾದೆರ್. ಪಲ್ಲಕ್ಕಿ ಮಲ್ಪರೆ ಸುಮಾರ್ 2 ಕೆಜಿದಾತ್ ಬಂಗಾರ್ ನ್ ಭಕ್ತೆರೇ ಕೊರ್ತೆರ್.
ಕಟೀಲ್ ರ್ದ್ ತಿಬಾರ್ ಗ್ ನಡತಿನ ಪಲ್ಲಕ್ಕಿ ಮೆರವಣಿಗೆಡ್ ಪಲಿಮಾರು ಶ್ರೀ ವಿದ್ಯಾಧೀಶ ಸ್ವಾಮೀಜಿ, ವೇದವ್ಯಾಸ ತಂತ್ರಿಲು, ಕಟೀಲ್ ದ ಅಸ್ರಣ್ಣೆರ್ ನಕುಲು, ಕೊಡೆತ್ತೂರು ಗುತ್ತು ಸನತ್ ಕುಮಾರ್ ಶೆಟ್ಟಿ, ಜೀರ್ಣೋದ್ಧಾರ ಬೊಕ್ಕ ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ಏಳಿಂಜೆ ಕೋಂಜಾಲುಗುತ್ತು ಪ್ರಭಾಕರ ಶೆಟ್ಟಿ, ಗುತ್ತಿನಾರ್ ಉಮೇಶ್ ಎನ್ ಶೆಟ್ಟಿ, ಬ್ರಹ್ಮಕಲಶೋತ್ಸವ ಅಂಚೆನೆ ಜೀರ್ಣೋದ್ಧಾರ ಸಮಿತಿದ ಪದಾಧಿಕಾರಿಲು, ಸದಸ್ಯೆರ್, ಶಿಬರೂರು-ಅತ್ತೂರು ಕೊಡೆತ್ತೂರು ಗ್ರಾಮಸ್ಥೆರ್ ಲ ಪಾಲ್ ಪಡೆದಿತ್ತೆರ್.
niriksha