ಬಾಲಿವುಡ್‌ ನಟಿ ಶಿಲ್ಪಾ ಶೆಟ್ಟಿ – ರಾಜ್‌ ಕುಂದ್ರಾಗ್ ಸೇರಿನ 97 ಕೋ. ರೂ.ದ ಆಸ್ತಿ ಜಪ್ತಿ

ಬಾಲಿವುಡ್‌ ನಟಿ ಶಿಲ್ಪಾ ಶೆಟ್ರೆನ ಒಂಜಿ ಬಂಗಲೆ ಬೊಕ್ಕ ಆರೆನ ಕಂಡನಿ ರಾಜ್‌ ಕುಂದ್ರಾಗ್ ಸೇರಿನ ಸುಮಾರ್ ಆಸ್ತಿನ್ ಜಾರಿ ನಿರ್ದೇಶನಾಲಯ ಮುಟ್ಟುಗೋಲ್ ಮಲ್ದ್ಂಡ್.

ಸುದ್ದಿ ಮೂಲದ ಪ್ರಕಾರ ಶಿಲ್ಪಾ ಶೆಟ್ಟಿ ಬೊಕ್ಕ ಅರೆನ ಕಂಡನಿನ ಒಟ್ಟು 97.79 ಕೋ. ರೂ. ಬಿಲೆತ್ತ ಆಸ್ತಿನ್ ಜಾರಿ ನಿರ್ದೇಶನಾಲಯ ಜಪ್ತಿ ಮಲ್ದ್ಂಡ್. ಶಿಲ್ಪಾ ಶೆಟ್ಟಿ ಮೆರೆಗ್ ಜುಹೂಡ್ ಐಷಾರಾಮಿ ಬಂಗಲೆ ಉಂಡು. ಉಂದು ಜಪ್ತಿ ಆತ್ಂಡ್.

ಜುಹೂಡ್ ಶಿಲ್ಪಾ ಶೆಟ್ಟಿ ಪುದರ್ ದ ಕುಡೊಂಜಿ ಇಲ್ಲ್, ಪುಣೆಡ್ ಇಪ್ಪುನ ತೋಟದ ಇಲ್ಲ್ ಬೊಕ್ಕ ಬೇತೆ ಸ್ಥಿರ ಬೊಕ್ಕ ಚರ ಸೊತ್ತುಲೆನ ಮುಟ್ಟುಗೋಲ್ ಪಾಡ್ದ್ಂಡ್. ರಾಜ್‌ಕುಂದ್ರಾ-ಶಿಲ್ಪಾ ಶೆಟ್ಟಿನ ಮಿತ್ತ್ ಅಕ್ರಮ ಹಣ ವರ್ಗಾವಣೆ ಕೇಸ್ ದಾಖಲಾತ್ಂಡ್. ನೆಕ್ಕ್ ಸಂಬಂಧಪಟ್ಟಿನಂಚೆನೆ ಜಾರಿ ನಿರ್ದೇಶನಾಲಯ ಈ ಕ್ರಮ ದೆತೊಂದುಂಡು.