ಕುಡ್ಲ: ಲೋಕಸಭೆ ವೋಟುಗು ದಕ್ಷಿಣ ಕನ್ನಡ ಲೋಕಸಭೆ ಕ್ಷೇತ್ರಡ್ ಒರಿ ಅಭ್ಯರ್ಥಿ ನಾಮಪತ್ರ ಪಿರ ದೆತೊಂದೆರ್. ಒಟ್ಟು ಒರ್ಂಭ ಅಭ್ಯರ್ಥಿಲು ಕಣಟ್ಟ್ ಉಲ್ಲೆರ್.
ವೋಟುಡು ಸ್ಪರ್ಧೆ ಮಲ್ಪೆರೆ ನಾಮಪತ್ರ ಸಂದಾಯಿನ 11 ಜನಟ್ಟ್ 10 ಅಭ್ಯರ್ಥಿಲೆನ ನಾಮಪತ್ರಲು ಕ್ರಮಬದ್ಧ ಆದಿತ್ತ್ಂಡ್. ಪಕ್ಷೇತರ ಅಭ್ಯರ್ಥಿ ಆದಿತ್ತಿನ ಫ್ರಾನ್ಸಿಸ್ ಲ್ಯಾನ್ಸಿ ಮಾಡ್ತಾ ಮೆರೆನ ನಾಮಪತ್ರ ತಿರಸ್ಕೃತ ಆತ್ಂಡ್. ಇನಿ ನಾಮಪತ್ರ ವಾಪಸ್ ಪಡೆಯೆರೆ ಅಕೇರಿದ ದಿನ ಆತ್ಂಡ್. ಅಂಚೆನೆ ಪಕ್ಷೇತರ ಅಭ್ಯರ್ಥಿ ಸತೀಶ್ ಬೂಡುಮಕ್ಕಿ ನಾಮಪತ್ರ ವಾಪಸ್ ಪಡೆತೆರ್.
ಬಿಜೆಪಿದ ಕ್ಯಾ.ಬ್ರಿಜೇಶ್ ಚೌಟ, ಕಾಂಗ್ರೆಸ್ದ ಆರ್.ಪದ್ಮರಾಜ್, ಬಹುಜನ ಸಮಾಜ ಪಕ್ಷದ ಕಾಂತಪ್ಪ ಅಲಂಗಾರ್, ಕರ್ನಾಟಕ ರಾಷ್ಟ್ರ ಸಮಿತಿದ ರಂಜಿನಿ ಎಂ, ಉತ್ತಮ ಪ್ರಜಾಕೀಯ ಪಕ್ಷದ ಕೆ.ಇ.ಮನೋಹರ, ಕರುನಾಡ ಸೇವಕ ಪಕ್ಷದ ದುರ್ಗಾಪ್ರಸಾದ್, ಪಕ್ಷೇತರ ಆದ್ ದೀಪಕ್ ರಾಜೇಶ್ ಕುವೆಲ್ಲೊ, ಮೆಕ್ಸಿಂ ಪಿಂಟೊ ಬೊಕ್ಕ ಸುಪ್ರೀತ್ ಕುಮಾರ್ ಪೂಜಾರಿ ವೋಟುದ ಕಲೊಟ್ಟ್ ಉಲ್ಲೆರ್.
pallavi shetty