ಕಾರ್ಲ: ಮಾತೆರ್ಲ ಅಪಗಪಗ ಆರೋಗ್ಯ ತಪಾಸಣೆ ಮಲ್ಪೊಡು. ಅಯಿರ್ದ್ ಮನುಷ್ಯನ ಆರೋಗ್ಯ ಗಟ್ಟಿ ಆಪುಂಡು. ಅಂಚಾದ್ ಆರೋಗ್ಯವಂತ ವ್ಯಕ್ತಿಲ ನಿರಂತರ ಆರೋಗ್ಯ ತಪಾಸಣೆ ಮಲ್ತೊಂದು ಇಪ್ಪೊಡು ಪಂದ್ ಕುಡ್ಲ ಬಂಟರ ಯಾನೆ ನಾಡವರ ಮಾತೃ ಸಂಘದ ತಾಲೂಕ್ ಸಂಚಾಲಕೆರ್ ವಿಜಯ ಶೆಟ್ಟಿ ಪಂಡೆರ್.
ಮೇರ್ ಸಾಣೂರು ಬಂಟರ ಯಾನೆ ನಾಡವರ ಸಂಘದ ಮುತಾಲಿಕೆಡ್, ಡಾ.ಟಿ.ಎಂ.ಎ.ಪೈ. ರೋಟರಿ ಆಸ್ಪತ್ರೆದ ಒಟ್ಟುಸೇರಿಗೆಡ್ ಸಾಣೂರು ಶಿವರಾಮ ರೈ ಕಲಾ ವೇದಿಕೆಡ್ ಸೆ.26 ಕ್ಕ್ ನಡತಿನ ಆರೋಗ್ಯ ತಪಾಸಣಾ ಶಿಬಿರದ ಗುರ್ಕಾರ್ಮೆನ್ ಒಯಿಸೊಂದು ಪಾತೆರಿಯೆರ್.
ಸಾಣೂರು ಬಂಟರ ಯಾನೆ ನಾಡವರ ಸಂಘದ ಗೌರವ ಸಲಹೆಗಾರೆರ್ ವಾಸು ಶೆಟ್ಟಿ ಕೆಳಗಿನ ಮನೆ ಲೇಸ್ ದ ಉದಿಪನ ಮಲ್ತೆರ್. ಬೊಕ್ಕ ಕನ್ನಡಕ ಕೊಡುಗೆ ಕೊರ್ನ ಸುಂದರ ಶೆಟ್ಟಿ ದುಗಬೆಟ್ಟು ಸಾಣೂರು ಈ ಪೊರ್ತುಡು ಪಾತೆರಿಯೆರ್.
ಡಾ. ವೈಭವ್, ಡಾ. ಯತಾರ್ಥ್ ದತ್ತ, ಬಂಟರ ಸಂಘದ ಗುರ್ಕಾರೆ ಬಿ. ವಿಶ್ವನಾಥ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಸುಧಾಕರ್ ಶೆಟ್ಟಿ ಪಾಲ್ ಪಡೆದಿತ್ತೆರ್. ಜತೆ ಕಾರ್ಯದರ್ಶಿ ಮೋಹನ್ ಶೆಟ್ಟಿ ಲೇಸ್ ದ ಸುಧಾರಿಕೆ ಮಲ್ತೆರ್. 111 ಜನ ಶಿಬಿರದ ಪ್ರಯೋಜನ ಪಡೆಯೆರ್. 52 ಜನಕ್ಕ್ ಕನ್ನಡಕ ಪಟ್ಟಿಯೆರ್. ಬೊಕ್ಕ 6 ಜನಕ್ಕ್ ಧರ್ಮಾರ್ಥ ಶಸ್ತ್ರ ಚಿಕಿತ್ಸೆಗ್ ವ್ಯವಸ್ಥೆ ಮಲ್ತೆರ್.
pallavi shetty