ಅ.1: ತುಳುಕೂಟ ಬೆಂಗ್ಲೂರ್ ಮುತಾಲಿಕೆಡ್ ಪುದ್ದಾರ್ ವನಸ್ ಲೇಸ್

ತುಳುಕೂಟ ಬೆಂಗ್ಲೂರ್ (ರಿ.) ನೆತ್ತ ನಿರೆಲ್ಡ್ ತುಳುನಾಡ್ ದ ಸಾಂಪ್ರದಾಯ (ಪೊಸ ಅರಿತ್ತ ವನಸ್) ಪುದ್ದಾರ್ ವನಸ್ ಲೇಸ್ ಅ.1 ಐತಾರ ವಿಜಯನಗರ ಅತ್ತಿಗುಪ್ಪೆದ ಬಂಟರ ಸಂಘಡ್ ನಡಪರೆ ಉಂಡು.

ಬೊಲ್ಪುಗು ಕೂಟದ ಸದಸ್ಯೆರ್ದ್ ಬೊಕ್ಕ ಬೆಂಗ್ಲೂರ್ ದ ಬೇತೆ ಬೇತೆ ಸಂಘ ಸಂಸ್ಥೆದ ಸದಸ್ಯೆರ್ದ್ ವೈವಿಧ್ಯಮಯ ಮನೋರಂಜನೆ ಲೇಸ್, ಕುರಲ್ ದಿಂಜವುನ ಬೊಕ್ಕ ಸಭಾ ಲೇಸ್ ನಡಪರೆ ಉಂಡು. ಮಧ್ಯಾಹ್ನ ಸಾಂಪ್ರದಾಯಿಕ ಪುದ್ದರ್ ವನಸ್ ಬೊಕ್ಕ ಪ್ರಶಂಸ ಕೂಟ ಕಾಪು ಮೊಕ್ಲೆರ್ದ್ ಬಲೆ ತೆಲಿಪುಲೆ ತುಳು ನಾಟಕ, ರೂಪಪ್ರಕಾಶ್ ಕುಡ್ಲ ಕೂಟದಕ್ಲೆರ್ದ್ ಸಂಗೀತ ರಸಮಂಜರಿ ನಡಪರೆ ಉಂಡು. ಬಯ್ಯಗ್ ಸಮಾರೋಪ ಸಮಾರಂಭದ ಸಭಾ ಲೇಸ್ ಬೊಕ್ಕ ಕರಾವಳಿ ಯಕ್ಷಗಾನ ಕಲಾವಿದೆರ್ ಬೆಂಗ್ಲೂರ್ ಮೊಕ್ಲೆರ್ದ್ ಮಾಯಕದ ಬಿನ್ನೆದಿ ತುಳು ಆಟ ನಡಪುಂಡು. ರಾತ್ರೆ ಡ್ಲ ವನಸ್ ದ ವ್ಯವಸ್ಥೆ ಉಂಡು ಪಂದ್ ತುಳುಕೂಟ ಬೆಂಗ್ಲೂರ್ (ರಿ.) ದ ಪದುಕೆರ್ ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.