ಕುಡ್ಲ: ಕುಡ್ಲದ ಪೇಂಟೆದ ಬೆಂದೂರುವೆಲ್ ಪರಿಸರಡ್ ಅಮಲ್ ದ ಸೊತ್ತುನು ಮಾರೊಂದಿತ್ತಿನ ಕಲ್ಪಾರ್ಥಿನ್ ಸಿಸಿಬಿ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್.
ಪೇಂಟೆದ ಕಾಲೇಜ್ ಒಂಜೆಟ್ಟ್ ಪದವಿ ಕಲ್ಪಾರ್ಥಿ ಸುಳ್ಯ ತಾಲೂಕುದ ಅಜ್ಞಾವರ ಗ್ರಾಮದ ಲುಕ್ಕಾನುಲ್ ಹಕೀಂ(22ವ) ಅರೆಸ್ಟ್ ಆಯಿನ ಆರೋಪಿ. 1 ಲಕ್ಷ 25 ಸಾವಿರದ 25 ಗ್ರಾಂ ಎಂಡಿಎಂಎ ವಶಕ್ಕ್ ಪಡೆಯೊಂದೆರ್. ನೆತ್ತ ಒಟ್ಟಿಗೆ ಮೊಬೈಲ್ ಪೋನ್, ಡಿಜಿಟಲ್ ತೂಕ ಸೇರಿನಂಚ ಒಟ್ಟು 1 ಲಕ್ಷ 60 ಸಾವಿರ ಮೌಲ್ಯದ ವಸ್ತುಲೆನ್ ಸಿಸಿಬಿ ಪೊಲೀಸೆರ್ ವಶಕ್ ಪಡೆಯೊಂದೆರ್.
ಸಾರ್ವಜನಿಕೆರೆಗ್ ಬೊಕ್ಕ ಕಲ್ಪಾರ್ಥಿಲೆಗ್ ಮಾದಕ ಸೊತ್ತುಲೆನ್ ಮಾರಾಟ ಮಾಲ್ತೊಂದು ಇತ್ತಿನ ಮಾಹಿತಿನ್ ತೆರಿಯೊಂದು ಸಿಸಿಬಿ ಪೊಲೀಸೆರ್ ಕಾರ್ಯಾಚರಣೆ ಮಲ್ತ್ದ್ ಆರೋಪಿನ್ ಅರೆಸ್ಟ್ ಮಲ್ತ್ದೆರ್. ಕುಡ್ಲ ಪೂರ್ವ ಪೊಲೀಸ್ ಸ್ಟೇಷನ್ಡ್ ಕೇಸ್ ದಾಖಲಾತ್ಂಡ್.
pallavi shetty