ಕುಡ್ಲ: ಪ್ರತಿ ವರ್ಷ ನಡಪುನಂಚೆನೆ ಈ ವರ್ಷಲ ಸಸಿಹಿತ್ಲು ಶ್ರೀ ಭಗವತೀ ದೇವಲ್ಯಡ್ ಪೊಸರಿ (ಹೊಸಕ್ಕಿ) ನಡಾರಿ(ನಡಾವಳಿ) ಉಚ್ಚಯ ಅ.27 ಸುಕ್ರಾರ ನಡಪರೆ ಉಂಡು.
ಆನಿದ ದಿನ ಬೊಲ್ಪುಗು ಕದಿಕೆರ್ದ್ ಭಂಡಾರ ಬರಿಯೆರೆ ಉಂಡು. ಬಯ್ಯಗ್ ಉಚ್ಚಯದ ಧಾರ್ಮಿಕ ಲೇಸ್ ಸುರು ಆಪುಂಡು. ರಾತ್ರೆ ಮಹಾಪೂಜೆ, ಮೂರ್ತಿ ಬಲಿ, ದರ್ಶನ, ಪರಕೆ ಬೊಕ್ಕ ಭಂಡಾರ ನಿರ್ಗಮನ ಆಯೆರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಶ್ರೀದೇವಿನ ಪ್ರಸಾದ ದೆತೊಂದು, ಶ್ರೀ ಭಗವತೀ ಅಪ್ಪೆನ ಕೃಪೆಗ್ ಪಾತ್ರರಾವೊಡು ಪಂದ್ ಸಸಿಹಿತ್ಲು ಶ್ರೀ ಭಗವತೀ ದೇವಲ್ಯದ ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty