ಪುತ್ತೂರ್: ಶಾಸಕೆರ್ ಅಶೋಕ್ ರೈ ಮೆರೆನ ಮುತಾಲಿಕೆಡ್ ನವೆಂಬರ್ ತಿಂಗೊಲ್ಡ್ ಬೆಂಗ್ಲೂರ್ ಡ್ ನಡಪರೆ ಇಪ್ಪುನ ಕಂಬುಲಗ್ ಸಂಬಂಧ ಪಟ್ಟಿನಂಚೆನೆ ಕಂಬುಲ ಎರ್ಲೆನ ಯಜಮಾನೆರೆನ ಸಭೆ ಸೆ.30 ಕ್ಕ್ ಕುಡ್ಲದ ವುಡ್ ಲ್ಯಾಂಡ್ ಹೊಟೇಲ್‌ಡ್ ನಡಪರೆ ಉಂಡು.
ಸನಿಯಾರ ಮಧ್ಯಾನ 3 ಗಂಟೆಗ್ ಸಭೆ ಸುರು ಆಪುಂಡು. ಜಿಲ್ಲೆದ ಬೊಕ್ಕ ಪಿದಯಿ ಜಿಲ್ಲೆದ ಕಂಬುಲದ ಎರ್ಲೆನ ಮಾಲಕೆರ್ ಈ ಸಭೆಟ್ಟ್ ಪಾಲ್ ಪಡೆವೊಡು ಪಂದ್ ಶಾಸಕೆರ್ ಬಿನ್ನಾಪು ಮಲ್ದೆರ್.
ಬೆಂಗ್ಲೂರ್ ಡ್ ನಡಪುನ ಕಂಬುಲಗ್ ಸಂಬಂಧ ಪಟ್ಟುನ ಎರ್ಲೆನ ಯಜಮಾನೆರೆರ್ದ್ ಸಲಹೆ ಸೂಚನೆ ಪಡೆಪುನ ಉದ್ದೇಶರ್ದ್ ಈ ಸಭೆನ್ ಲೈದೆರ್. ಎರ್ಲೆನ ಯಜಮಾನೆರ್ ಸಭೆಟ್ಟ್ ಪಾಲ್ ಪಡೆದ್ ಸಲಹೆ ಸೂಚನೆ ಕೊರೊಡು ಪಂದ್ ಶಾಸಕೆರ್ ಅಶೋಕ್ ರೈ ಮೇರ್ ಬಿನ್ನಾಪು ಮಲ್ದೆರ್. ಎರ್ಲೆನ ಮಾಲಕೆರ್ ತನ್ನ ಪುದರ್ ನ್ ನೋಂದಣಿ ಮಲ್ಪೆರೆ ರಾಜೀವ್ ಶೆಟ್ಟಿ 8861949607 ಬೊಕ್ಕ ನಿರಂಜನ್ ರೈ ಮಠಂತಬೆಟ್ಟು 9972772505 ಮೊಕ್ಲೆನ್ ಸಂಪರ್ಕ ಮಲ್ಪೊಲಿ ಪಂದ್ ತೆರಿಪಾದೆರ್.
Editorial