ಬೊಂಬೈ ದ ಡೊಂಬಿವಿಲಿ ಪೂರ್ವದ ನ್ಯೂ ಐರ್ ರೋಡ್ ದ ಆದಿನಾರಾಯಣ ಪನ್ಪುನ ಪುದರ್ ದ 30 ಕೋಣೆಲು ಮೂಜಿ ಅಂತಸ್ತ್ ದ ಕಟ್ವಾನ ಸುಕ್ರವಾರ ಬಯ್ಯಗ್ 4.30 ಗಂಟೆಗ್ ಜರಿದ್ ಬೂರ್ದುಂಡು. ಪೊಂಜೊವ್ ನಕುಲು ಬೊಕ್ಕ ಹಿರಿಯೆರ್ ನಕುಲು ನೆತ್ತ ಅಡಿಟ್ ತಿಕ್ಕ್ ದ್ ಬೂರ್ದೆರ್ ಪಂದ್ ತೆರಿದ್ ಬೈದುಂಡು.
ಅರವಿಂದ್ ಸಂಭಾಜಿ ಭಟ್ಕರ್ ಬೊಕ್ಕ ಗೀತಾ ಲೋಧಿಯಾ ಅವಶೇಷದ ಅಡಿಟ್ ತಿಕ್ಕ್ ದ್ ಬೂರ್ದೆರ್ ಪಂದ್ ತೆರಿದ್ ಬೈದ್ಂಡ್. ಏಕನಾಥ ಪಾಟೀಲ ಪನ್ಪುನಾರ್ ಕಟ್ವಾನ ಅಪಾಯಕಾರಿ ಸ್ಥಿತಿಟ್ ಉಂಡು ಪಂದ್ ತೆರಿದ್ ಬಾಡಿಗೆಡ್ ಇತ್ತಿನಕ್ಲೆನ್ ಲಕ್ಕೆರೆ ಪಂದ್ ಇತ್ತೆರ್. ಆಂಡ ಸಮಯಗ್ ಸರಿಯಾದ್ ಕಟ್ವಾನನ್ ತೆರವು ಮಲ್ಪೆರೆ ಆತಿಜಿ. ಬೂರ್ನ ಪೊರ್ತುಗು ಅಕುಲ್ ರಡ್ಡ್ ಜನ ಹಾಸಿಗೆದ ಮಿತ್ತ್ ವಿಶ್ರಾಂತಿ ಪಡೆಯೊಂದು ಇತ್ತೆರ್.
ಥಾಣೆ ಟಿಡಿಆರ್‌ಎಫ್ ತಂಡ ಬೊಕ್ಕ ಅಗ್ನಿಶಾಮಕ ಸಿಬ್ಬಂದಿಲು ತಿಕ್ಕ್ ದ್ ಬೂರ್ನ ಜನಕ್ಲೆನ್ ಸ್ಥಳಾಂತರ ಮಲ್ಪೆರೆ ಎಲೆಕ್ಟ್ರಿಕ್ ಕಟರ್ ದ ಸಹಾಯಡ್ ಕರ್ಬದ ರಾಡ್ ಲೆನ್ ಕತ್ತೆರುನ ಪ್ರಯತ್ನ ಮಲ್ತೊಂದು ಉಲ್ಲೆರ್ ಪಂದ್ ತೆರಿದ್ ಬೈದುಂಡು.
Editorial