ಪುಣೆ ತುಳುಕೂಟ (ರಿ.) ದ 27ನೇ ವರ್ಷೊದ ಕಲ್ಚರಲ್ ಫೆಸ್ಟ್-2026 ಆ.15 ಸನಿಯಾರ ಬಾಣೆರ್ದ ಒಣಿಮಜಲು ಜಗನ್ನಾಥ ಶೆಟ್ಟಿ ಸಾಂಸ್ಕೃತಿಕ ಬಂಟರಭವನಡ್ ನಡಪರೆ ಉಂಡು.
ಈ ಲೇಸ್ ಡ್ ವೈವಿಧ್ಯಮಯ ಸಾಂಸ್ಕೃತಿಕ ಲೇಸ್, ಪುಣೆ ಸ್ವರ ಮಾಧುರ್ಯ ಕೂಟದಕ್ಲೆರ್ದ್ ರಸಮಂಜರಿ, ಚಾವಡಿ ಲೇಸ್, ಬಿರ್ದ್ ಪ್ರದಾನ ಬೊಕ್ಕ ಮಾನಾದಿಗೆ, ಪ್ರತಿಭಾವಂತ ವಿದ್ಯಾರ್ಥಿಲೆಗ್ ಸತ್ಕಾರ ನಡಪರೆ ಉಂಡು. ಮನೋರಂಜನೆಗಾದ್ ಪುಷ್ಪರಾಜ್ ಬೊಳ್ಳಾರ್ ಮೆರೆನ “ಕುಡ್ಲ ಕುಸಲ್” ಕೂಟರ್ದ್ ತೆಲಿಕೆದ ಕಮ್ಮೆನ ಲೇಸ್ ಬೊಕ್ಕ ವನಸ್ ನಡಪರೆ ಉಂಡು.
ಲೇಸ್ ದ ಗುರ್ಕಾರ್ಮೆನ್ ಪುಣೆ ತುಳುಕೂಟ (ರಿ.) ದ ಗುರ್ಕಾರ್ಲು ದಿನೇಶ್ ಶೆಟ್ಟಿ ಕಳತ್ತೂರು ಅಶ್ವಥಗುತ್ತು ಒಯಿಸೊನೊವೆರ್.
ಮಲ್ಲ ಬಿನ್ನೆರಾದ್ ಕಾಪು ಶಾಸಕೆರ್ ಸುರೇಶ್ ಶೆಟ್ಟಿ ಗುರ್ಮೆ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಇನಾಯತ್ ಆಲಿ ಪಾಲ್ ಪಡೆಯೆರೆ ಉಲ್ಲೆರ್.
ಮಾನಾದಿಗೆದ ಬಿನ್ನೆರಾದ್ ಬಹರೈನ್ ಯುನಿವರ್ಸಲ್ ಇಲೆಕ್ಟ್ರೋ ಇಂಜಿನಿಯರಿಂಗ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಜಯಶಂಕರ ವಿಶ್ವನಾಥನ್, ಕುಡ್ಲ ಕುದ್ರೋಳಿ ಶ್ರೀ ಗೋಕರ್ಣನಾಥ ದೇವಸ್ಥಾನದ ಪಣವುದ ಪಾಲವೆರ್ ಅಡ್ವೋಕೇಟ್ ಪದ್ಮರಾಜ್ ಆರ್. ಪೂಜಾರಿ, ಪುಣೆ ಬಂಟರ ಸಂಘ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ಶಮ್ಮಿ ಅಜಿತ್ ಹೆಗ್ಡೆ ಪಾಲ್ ಪಡೆಯೆರೆ ಉಲ್ಲೆರ್.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಲೇಸ್ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಪುಣೆ ತುಳುಕೂಟ (ರಿ.) ದ ಕೂಟದ ಗುರ್ಕಾರ್ಲು ಬೊಕ್ಕ ಮಾತಾ ಪದುಕೆರ್, ಟ್ರಸ್ಟಿಲು, ಕಾರ್ಯಕಾರಿ ಸಮಿತಿದಕುಲು, ಮಹಿಳಾ ವಿಭಾಗದಕುಲು, ಯುವ ವಿಭಾಗದಕುಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ವಿಶೇಷ ಮಾನಾದಿಗೆ
ಈ ಲೇಸ್ ಡ್ ಬೆಂಗ್ಲೂರು ಎಂಆರ್ ಜಿ ಗ್ರೂಪ್ ದ ಸಿಎಂಡಿ ಡಾ.ಕೆ ಪ್ರಕಾಶ್ ಶೆಟ್ರೆಗ್ ಇಸೇಸ ಗೌರವ ಬಿರ್ದ್ ಪ್ರದಾನ ನಡಪರೆ ಉಂಡು. ಅಂಚೆನೆ ಭವಾನಿ ಗ್ರೂಪ್ ದ ಚೇರ್ಮನ್ ಕೆ.ಡಿ ಶೆಟ್ಟಿ ಮೆರೆಗ್ ತೌಳವ ಛತ್ರಪತಿ ಬಿರ್ದ್ ಕೊರ್ರೆ ಉಂಡು. ಬೊಕ್ಕ ಭಗವದ್ಗೀತೆದ ತುಳು ಅನುವಾದಕೆರ್, ಸಾಹಿತಿ ಮಹಾಬಲ ಪೂಜಾರಿ ಮಾಳ ಮೆರೆನ್ ಮಾನಾದಿಗೆ ಮಲ್ಪರೆ ಉಂಡು.