ಕಿನ್ನಿಗೋಳಿ: ಶಾಲೆಡ್ ವಾಲಿಬಾಲ್ ಗೊಬ್ಬೊಂದು ಇಪ್ಪುನಗ ವಿದ್ಯಾರ್ಥಿಯೊರಿ ತಿಗಲೆ ಬೇನೆಡ್ ಬುರ್ದು ತೀರ್ ಪೋಯಿನ ಘಟನೆ ಬುಧಾರ ಸುರತ್ಕಲ್ ಕೈತಲ್ದ ಸೂರಿಂಜೆದ ಕೋಟೆ ಸರಕಾರಿ ಶಾಲೆಡ್ ನಡತ್ಂಡ್.
ತೀರ್ ಪೋಯಿನ ವಿದ್ಯಾರ್ಥಿ ನಿಖಿತ್ ಎಂ ಅಮೀನ್ ಪಂದ್ ತೆರಿದ್ ಬೈದ್ಂಡ್. ಸೂರಿಂಜೆದ ಕೋಟೆ ಸರಕಾರಿ ಶಾಲೆಡ್ 10ನೇ ಕ್ಲಾಸ್ ಕಲ್ತೊಂದು ಇತ್ತಿನ ನಿಖಿತ್ ಬುಧಾರ ಬಯ್ಯಗ್ ಶಾಲೆದ ಎದುರುದ ಗ್ರೌಂಡ್ ಡ್ ವಾಲಿಬಾಲ್ ಗೊಬ್ಬುನಗ ಬುರ್ದೆರ್, ಕೂಡ್ಲೆ ಸುರತ್ಕಲ್ ದ ಖಾಸಗಿ ಅಸ್ಪತ್ರಗ್ ಲೆತೊಂದು ಪೊಂಡಲ ಚಿಕಿತ್ಸೆ ಫಲಕಾರಿ ಅವಂದೆ ನಿಖಿತ್ ತೀರ್ ಪೋತೆರ್.
ಸೂರಿಂಜೆ ಬೊಳ್ಳಾರು ನಿವಾಸಿ ಮಾಧವ ಅಮೀನ್ ಬೊಕ್ಕ ಶೀಲಾ ಮೊಕ್ಲೆನ ಮೂಜಿ ಜೋಕ್ಲೆನೆಟ್ಟ್ ನಿಖಿಲ್ ಎಲ್ಯ ಮಗೆ, ಪೊಪ್ಪ ಮಾಧವ ಅಮೀನ್ ರಿಕ್ಷಾದ ಡ್ರೈವರ್, ಅಮ್ಮ ಶೀಲಾ ಗೃಹಿಣಿ ಆತೆರ್