ನವಚೇತನ ಸೇವಾ ಬಳಗದಕ್ಲೆರ್ದ್ ಬಡಪತ್ತ್ ಕುಟುಂಬಗ್ ಪನವುದ ಸಕಾಯ

ನವಚೇತನ ಸೇವಾ ಬಳಗ (ರಿ.) ಬಾರಾಡಿ ಘಟಕದ 16ನೇ ಸೇವಾ ಯೋಜನೆದ ಲೆಕ್ಕೊಡು ಒಂಜಿ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ ಮಲ್ತೆರ್.

ಕಾಂತಾವರ ಕುಡ್ತಕಾರು ನಿವಾಸಿ ಶಿವಾನಂದ ಪದ್ದು ಪೂಜಾರಿ ಮೆರೆನ ಬೊಡೆದಿ ರಡ್ಡ್ ಕಿಡ್ನಿದಲ ಸಮಸ್ಯೆರ್ದ್ ಆಸ್ಪತ್ರೆಡ್ ಮರ್ದ್ ಪಡೆವೊಂದು ಉಲ್ಲೆರ್. ಮೆರೆಗ್ ಇಡೇ ಮುಟ್ಟ 6 ಲಕ್ಷ ರೂಪಾಯಿದಾತ್  ಖರ್ಚಾತ್ಂಡ್. ವಾರಗ್ 3 ಸರ್ತಿ ಡಯಾಲಿಸಿಸ್ ಮಲ್ಪೊಡು ಪಂದ್ ಡಾಕ್ಟರ್ ತೆರಿಪಾದಿತ್ತೆರ್. ನನಲ ಮೆರೆನ ಚಿಕಿತ್ಸೆಗ್ ಸುಮಾರ್ 10 ಲಕ್ಷ ಮುಟ್ಟ ಕಾಸ್ ದ ಅವಶ್ಯಕತೆ ಉಂಡು ಪಂದ್ ವೈದ್ಯೆರ್ ತೆರಿಪಾದೆರ್. ಇತೊಂಜಿ ಕಾಸ್ ನ್ ಒಟ್ಟು ಮಲ್ಪರೆ ಆವಂದಿನ ಈ ಬಡಪತ್ತ್ ಕುಟುಂಬಗ್ ನವಚೇತನ ಸೇವಾ ಬಳಗ (ರಿ.) ಬಾರಾಡಿ ಕೂಟದಕುಲು 15 ಸಾರ ರೂಪಾಯಿನ್ ಕೂಟದ ಸದಸ್ಯೆರೆನ ಸಮ್ಮುಖಡ್ ಕೊರಿಯೆರ್.