ಕುಕ್ಕಾಜೆ ಶ್ರೀ ಕಾಳಿಕಾಂಬ ಆಂಜನೇಯ ಕ್ಷೇತ್ರದ ಅಪ್ಪೆನ ಮಟ್ಟೆಲ್ ತುಳು ಭಕ್ತಿಸುಗಿಪು ಬುಡುಗಡೆ

ವಿಟ್ಲ ಕುಕ್ಕಾಜೆ ಶ್ರೀ ಕಾಳಿಕಾಂಬ ಆಂಜನೇಯ ಕ್ಷೇತ್ರದ ಅಪ್ಪೆನ ಮಟ್ಟೆಲ್ ತುಳು ಭಕ್ತಿಸುಗಿಪುನ್ ಐತಾರ ಶ್ರೀ ಕ್ಷೇತ್ರದ ಧರ್ಮದರ್ಶಿಲು ಶ್ರೀಕೃಷ್ಣ ಗುರೂಜಿ ಮೇರ್ ಬುಡುಗಡೆ ಮಲ್ತ್ ದ್ ಆಶೀರ್ವಾದ ಮಲ್ತೆರ್.

ಈ ಪೊರ್ತುಡು ಕೃಷ್ಣಪ್ಪ ಕುಕ್ಕಾಜೆ ದಯಾನಂದ ಅಮೀನ್ ಬಾಯಾರು, ಸಾಹಿತಿ ದೀಕ್ಷಿತ್ ಮಾಣಿಲ,
ಗಾಯಕಿ ಸುಮಿತ್ರಾ ಬಾಯಂಬಾಡಿ ಪಾಲ್ ಪಡೆದಿತ್ತೆರ್.

ಈ ಲೇಸ್ ಡ್ ಭಕ್ತಿಸುಗಿಪುನ್ ಪಂಡಿನ ಬೊಕ್ಕ ಸಾಹಿತ್ಯ ಮಲ್ತಿನಕ್ಲೆಗ್ ಮಾನಾದಿಗೆ ನಡತ್ಂಡ್. ಈ ಭಕ್ತಿಸುಗಿಪುಗ್ ದಯಾನಂದ ಅಮೀನ್ ಬಾಯಾರು ಸಮಗ್ರ ನಿರ್ವಹಣೆ, ಗೋಪಾಲ ಶೆಟ್ಟಿ ಮಿಯಪದವು ಗುತ್ತು, ನರೇಂದ್ರ ಶೆಟ್ಟಿ ಕರ್ನಿರೆ, ರವೀಂದ್ರನಾಥ ಎಲ್ ಕರ್ಕೇರ ಸಸಿಹಿತ್ಲು ಮೊಕ್ಲೆನ ನಿರ್ಮಾಣ, ದೀಕ್ಷಿತ್ ಮಾಣಿಲ ಸಾಹಿತ್ಯ, ಸುಮಿತ್ರಾ ಬಾಯಂಬಾಡಿ ಗಾಯನ, ಸಾಕ್ಷಿ ಗುರುಪುರ ಅಭಿನಯದ, ಸುದರ್ಶನ್ ತಾರಿದಳ ಛಾಯಾಗ್ರಹಣ ಬೊಕ್ಕ ಸಂಕಲನ ಮಲ್ದೆರ್. ಈ ಭಕ್ತಿಸುಗಿಪುನ್ ದಯಾ ಕ್ರಿಯೇಷನ್ ಯೂಟ್ಯೂಬ್ ಡ್ ಕೇನೊಲಿ.